joseph1234

其實呢條問題，同好多朋友都討論過，綜合黎講大致係：

對男朋友要求：
要上進積極。可能d朋友都係廿幾出頭，唔會要個男仔好有錢。如果平輩之間已經有車有樓，根本就係屋企錢。呢種有錢仔唔會俾到安全感女仔。不過如果個男仔好學﹑有事業心，就等如係未來既資產，將來就算未必好有錢，生活都至少應該唔係問題。

最好就係細心。不過女士們其實都知道男人天生粗枝大葉，但都會希望個男人可以關心自己多d，留意多d細微野。有時唔需要好多，但一兩個細心位已經令女仔好感動。

關於外型，佢地好少會要求靚仔。當然會有d心野，見到靚仔都希望有機會同佢地拍下拖。不過女仔都唔蠢，佢地知道d靚仔之所以keep得自己靚，肯定花好多時間或者心機去經營，將d時間咁用既男人，都真係制唔過。

女仔通常要個男人man返d。唔要筋肉人，最好唔好太瘦。除左因為好睇d之外，個女仔都唔想個男仔瘦，令自己顯得肥。有得揀都想個男仔高過自己。

最後，十個十個女仔都話要個男朋友專一。

對女朋友要求：
有幾個已經直認自己膚淺，總之一個字：靚。其中一個話要長腿﹑一個話要大胸。(不過其實唔使take it serious，因為佢地搵到咁上下，發覺佢揀人人亦揀佢既時候，自然會降低要求)

個個都喜歡女仔體貼﹑關心自己，唔好亂發脾氣。發脾氣呢家野真係好惡頂，間唔中發少少要人tum下冇所謂，但唔好下下都亂用quota。男人都係人，都有情緒，都會辛苦。仲要照顧埋d無理取鬧，真係好難頂。(野蠻女友除非真係咁犯賤自己好愛，如果唔係根本冇人buy)

我都認男人有時要求都幾高。不過其實都係想個女仔係聰明既，識得適當時候做適當事。佢地撒嬌，識小鳥依人，男人會好buy。男人都中意被依賴。不過，男人都希望女朋友會獨立d，自己可以處理問題。當個男人忙到死o個陣，唔會走黎煩住晒。

其實，女仔心地善良既話，都應該合意。(不過有時好難講，有d人拍拖就變第二個人)