joseph1234

我覺得呢個例子睇到好多好複雜既野。

第一，點解「豬」可以拎出黎賣呢﹖點解會有市場呢﹖就係因為有d畸型變態佬中意食人隻豬。好似另一個例子入面話，個大肥佬見到個女仔出晒血先至滿足。ok，食完人隻豬覺得好有英雄感﹑覺得自己似男人…就係因為有呢d平日無法心理得到平衡既人，佢地咁想要食豬，先至會有人想賣。

第二，個女仔拎得隻豬出黎放，當然佢都feel到「豬」好矜貴，但係點解呢個矜貴會有價既呢﹖點解可以用錢去衡量既呢﹖即係話分分鐘o係呢do靚妹心目中，每一樣野都只有一個標價，冇任何野係無價寶。為佢咁諗諗，其實佢真係好可悲。可能佢身邊根本冇人教佢去珍惜﹑教佢自愛。佢都真係幾可憐。

第三，好似頭先咁講，個女仔肯定知道「豬」係寶，但係如果用隻豬同衫黎比，佢都竟然寧願選擇衫既話，好明顯佢個價值觀有問題。我地睇係好有問題，但係d靚好分分鐘當d靚衫係命根。ok，點解佢地會有d咁既價值觀呢﹖我覺得好大部分同個社會風氣有關。你打開d o靚好睇既雜誌睇下，d內容淨係教你點樣消費﹑邊間邊度出左d咩新貨﹑今期最潮係著乜著物﹑呢個o個個明星又去邊度邊度入貨…要跟得貼個潮流，但又未出黎做野，乜錢都冇，學咩人買野﹖咁咪搵野黎賣lor，我有咩﹖得隻豬，橫豎遲早都冇左既，不如賣左佢有幾個錢都好…就係咁先會有do靚妹諗埋d傻野。

個女仔咁做，真係唔可以淨係覺得佢有問題。根本好多野都好有問題。