|
- 帖子
- 48797
- 精華
- 0
- 威望
- 352
- 魅力
- 49035
- 讚好
- 197
|
1016#
發表於 2020-6-10 09:16 PM
| 顯示全部帖子
但先發自己尋日刪左 ...
:smile_35::smile_35::smile_35::smile_35::smile_35:
我試下記憶一下 , 自己係點評陳凱琳拉 ...
其實我覺得陳凱琳既問題 , 完全係心態問題 ,
甚至話佢係 "紅唔起" 都唔係咁岩 , 應該係話佢根本無耐性等自己紅
... 一切要由佢當選開始講 , 佢係香港史上唯一民選港姐 ,
話佢係香港女星史上 , 起跑線最好既女星 , 基本上都絕不為過 ,
係當選頭兩三年 , 己經可能見到佢係各大服裝店有佢既代言 ,
就係因為佢起步實在太順 , 先形成佢之後既心態問題 ...
記得播<名門暗戰>果陣 , 己經有盲粉盲捧佢 , 咩好自然 咩有氣質
平心而論 , 雖然佢演出絕對唔算崩壞 ,
只基本上都只係靚靚女女咁讀對白 , 係一個保險 避免出事既演出 ,
我覺得大台咁係岩既 , 一個無演出經驗既女仔 , 你比太重戲份既角色佢
只會害死佢 ... 之後<四個女仔三個BAR>既操作都係咁 ,
但可能果期太順 , 加上盲粉盲捧 , 搞到佢有 "迷之自信"
記得果陣黃秋生同黎芷珊果個節目 , 有集係請左佢同千雪BB ,
黃秋生點評千雪BB一定係宅男女神 ... 到凱琳果陣 , 黎芷珊講左句 :
"秋生又要批評人勒"(大概係咁拉) , 陳凱琳立即接話 :
"咁先好呀 ... 我想接受多D批評 , 咁自己先改善到自己丫麻"
表現係咪好積極上進???
但事實上 , 我事後之明就唸明黃絲教主--燒藥丸講既一件事 ,
佢話早期(即唔係佔中或者上年開始果單)學生政治運動中 , 最積極既參與者
往往又係係運動中最早退出既一批 ...
因為佢地將運動既成果唸得太快 太好 , 而且覺得自己己經咁盡力 ,
點解仲會無成果??? 進而佢地就最快灰心離場
(小弟係藍絲 , 上面無任何政治立場 , 旨在描繪年輕人既心態運動)
陳凱琳既情況就係咁 ... 而佢真正出事既係<張保仔> ,
出現在黃秋生口中既 "面目猙獰" , 而且演出取得全面惡評 , 不過即使如此
大台仲係比左當年女飛躍佢 , 而佢係台上就咁講 :
"我攞到呢個獎 , 最大感想係我地唔可以比人睇死 , D人點話我地都好 ,
都唔可以比人睇死" 咁睇就知道佢覺得自己係實置名歸拉 ... ^.^"
而且 , 我覺得佢心底既潛台詞就係我好優秀 我無問題 , 係你地有問題姐 ,
你地唔識欣賞我 !!! 藝人如果一旦有左呢種心態 , 基本就無救
而且對比起之後兩年 , 蔡C攞女喜既感言真係好唔同 ,
蔡C講既係自己出道開始就受到好多批評 , 佢聽到人地點講 盡量去改善 ...
雖然你可能覺得呢D係門面話 , 但我覺得佢係認同自己有問題 ,
再去改善個問題 ... 相反 , 陳凱琳唔覺得自己有問題 , 咁當然講唔上改善拉
回到陳凱琳既事業上 , 佢可以話自<張保仔>後風評大逆轉插水 ,
可以係佢<殭><巨輪2>既風評度睇得出 ... 而佢又係呢個時候比鄭伯伯溝左 ,
之後一直到結婚 生仔 , 到E+半退休 ...
我既理解就係 , 佢好似上面燒藥丸所講既後生仔咁 , 幾年內無佢預想既成果 ,
甚至風評逆轉向下 , 對比佢初出道既極度順景 , 就加速左佢既灰心 ,
所以之後既人生走向 , 己經係往邁向演員成功之路既方向去行勒 |
|
