迦樓羅女王

高句麗真的和韓國無關嗎???

前幾年大陸網上流行 "孔子是韓國人"  "商朝是韓國王朝"
以恥笑韓國盜我中華文化 ... 其中 , 端午節申請世遺就是其一

(端午節起源雖然應該在中國沒錯 , 但其實在人家韓國社會 ,
早己經發展成數日長假既大節 ... 係文化地位上 ,
端午節在韓國 , 其實比在中國重要得多 , 人家在韓國 ,
是僅次於新年的大節呢 !!!)

而另一個議題就是高句麗 ...
這當然和 "長白山是屬於韓國的" 有關 , 呢句話真係好乞人憎 ,
但因為厭惡而非理性 , 也不是治史應有態度吧

好多網上 "磚家" 稱 , 高句麗和韓國完全無關係 ,
而係韓國有一個王朝叫 "高麗" , 佢地就把關係拉到高句麗上 ,
其實 "高麗" 同高句麗都係完全無關係 ...

佢地講既係咪真呢???
我地先唔講史實 , 就講國民認知 ... 係佢地既課本 ,
隋唐時代係朝鮮半島既高句麗  百濟  新羅 , 是稱為 "三國時代"
明顯高句麗一早被視為朝鮮史一部份

"高麗" 既國號係點來既呢???
係因為新羅王朝後期 , 國家分裂成後高句麗  後百濟  後新羅 ,
除左 "後新羅" 係新羅王朝直接繼承人外 , 另外兩國都係托古 ,
亦證明 "高句麗"  "百濟" 係民間既地位 ...
後來 , 後高句麗統一朝鮮後 , 就改名為 "高麗"

咁唔講國民認知 , 講史實呢???
咁又先解決一個問題 , 百濟又算唔算韓國人既祖先???

以小弟理解即使中國學者 , 都好少連百濟 , 都係朝鮮史中否定
咁又有無知百濟係點出現既呢???

講呢樣之前 , 首先要講一個民族--夫余
夫余是一個漢代時 , 在東北生活既一個民族 , 夫余金蛙王時 ,
其子帶素  養子朱蒙分裂 , 朱蒙就建立了高句麗 ;
夫余在和高句麗的競爭中並不好過 , 最後被迫越遷越南 ,
在朝鮮半島建立百濟王國 ... 所以百濟既國姓都係扶餘(夫余)

咁即係話 , 高句麗  百濟其實都係同源 , 都同屬夫余族之後 ,
如果百濟韓國人祖先 , 咁高句麗都會係架喎 ...

又或者咁講丫 , 今日我地話 "吐蕃" 係中國歷史 ,
無非因為佢係我地今日國土之上 , 咁高句麗唔只佔左今日北韓
甚至仲佔左少少南韓 ... 如果 "吐蕃" 係中國歷史 ,
點解高句麗唔係韓國歷史???

迦樓羅女王

我個人認為否認高句麗係韓國既地位 ,
就好似否定百越  氐人等民族 , 作為中國先民既地位
緬甸咁大可以話成漢  前秦係佢地既帝國 ,
中國人只係被統治人民罷了 !!!

迦樓羅女王

好奇問下 ...高兄話燕人秦開開邊 , 令東北夷東遷入朝鮮 ,
秦國吞併燕國 , 令燕人東遷入朝鮮(成為衛滿朝鮮) ,
咁西漢建立四郡 , 唔係應該把讓地區民族 ,
進一步迫入更南朝鮮咩???

另外 , 其實漢四郡係咪屬於幽州???

迦樓羅女王

https://www.youtube.com/watch?v=c2MXiC3Zu0A

迦樓羅女王

原帖由 復活高貝利 於 2019-2-28 12:37 PM 發表
金國, 日本, 美國GE軍力有無南梁咁弱雞先??
事實上一個侯景已經可以令南梁收皮,
基本上當時北魏大亂, 洛陽近乎無兵把守,

弘農楊元傎在洛陽當面取笑陳慶: "吳人之鬼,居住建康,孤蒲為飯,著飲為漿",
証明當時洛陽世族只當陳慶之係北海王身邊一個南蠻隨從, 身份卑微, 若果陳慶之係征服者, 弘農楊氏會吾會對佢咁輕蔑?? ...

侯景係一個內亂 ... 同樣既講法 , 都可以話一個八王之亂收左西晉皮
一個董卓之亂收左東漢皮 , 一個冉閔之亂收左後趙皮 ,
一個六鎮之亂收左北魏皮 ... 咁你會唔會覺得東漢  北魏好癈???


至於世族 ... 我唔係專家 , 但聽聞就算係係南朝 ,
世族對皇家都唔係好比面 , 尤其係本身唔係世族既南宋劉家 ...
我認為無論態度係點 , 南梁送一個本人唔係皇帝 , 魏又無承認既王子
回去洛陽登位  , 本身就係武裝扶立 ...


或者中途面對威脅唔大 , 但唔會影響 "武裝扶立" 既性質 ...
至於弘農楊元傎對陳慶之態度 , 我個人認為只係反影當時世族社會 ,
對寒士階層既態度 ... 記得中五讀書果陣 , 都有例子話 ,
當時身為下層官吏既世族子弟 , 都可以狂串身為上司既寒士


如果上司都唔怕 , 咁佢地仲有咩會怕???

迦樓羅女王

站係今人角度 , 未必能明白荒涼既河西政權 ,
點解可以同關西(前秦)  關東(前後燕)政權並列而不落下風

其實由西漢開始 , 絲路己經非常發達 , 算係中原王朝命脈 ,
長安之所以長期為中國首都 , 就係因為佢係絲路起點 ...
河西政權正正因此掌握大量資源(包括軍事資源) ,
其實的確己經有稱帝的條件 !!!

十六國時期既 "稱帝" 其實相對嚴格 , 除左關西  關東政權
就係共追前燕正統既諸燕 , 以及四川成漢 ...

迦樓羅女王

高兄所講既問題 , 基本都係因為淝之戰而出現 ,
其實睇返苻堅 , 佢人生既高光期主要係政變登位  平五公之亂  滅前燕進佔漠北  滅前涼  豪取四川和部份荊州 ...
睇落都真係幾一時豪杰 , 但係睇返成個過程 , "滅前燕" 絕對係轉捩點
"滅前燕" 之後做既野 , 係佢既國力水平 , 其實係非常合理

問題係 , "滅前燕" 本身就係天降之福 , 唔係前燕迫反慕容垂既話 ,
前燕國力根本遠在前秦之上 ... 去到淝水之戰時 , 其實由對方到自己人
上上下下都想佢輸 , 根本無可能WIN到 ...
但呢個係我地後見之明 , 係當地計 , 隴西鮮卑乞伏氏  羌人姚氏等 ,
都係順從己久既手下 , 佢真正忽視既係慕容鮮卑

其中羌人姚氏係前秦擴張上 , 都出力唔少 , 話唔定正正因為咁 ,
苻堅當左佢真係手下 , 罵得就狂罵 ... 講真 , 自羌人姚氏都反埋果一下
前秦都注定左收硬皮

迦樓羅女王

唔會拉 ... 吹就係咁吹 , 但係人人都知當年法拉既 "便秘式演技" ,
如果咁都可以比佢 , 就真係民變都似 !!!
;P ;P ;P ;P ;P ;P ;P

好坦白講 , 我覺得法拉係幾醒 , E+後見之明知 , 果陣余黨開始來料
佢走左之後其他四花 , 其實都無好飯食 ... 胡楊鐘嫁人 ,
子珊出走 , 全部夾埋係兩年間發生 , 絕對唔係巧合 ...
擺到明係有人專登迫走D舊花 , 比位捧自己人拉 !!!

迦樓羅女王

講真 , 有時見到凱琳  千雪  佩玥佢地都幾激氣 !!!
佢地一個名氣高  一個觀眾爆燈  一個天份高到無人有 ,
結果就一個個走去嫁人生仔  去讀書  掛住溝仔 ...

佢地有無唸下 , 佢地垂手可得  而又輕易放棄既野 ,
係人地用左多努力先拿得到???
好似定欣咁 , 由<衝上雲霄>到<大唐>既婠婠 ,
都係令人眼前一亮 ... 但結果佢係大台捱左十年多 ,
先開始真正上女一 ;

又好似黃智雯咁 , 由出道第一個角色鵪鶉妹
到同阿姐對戲既諸葛蓉(<居家兵團>) , 再到關二嫂 ,
都係好評如潮 ... 但都要隔多五年之可以上女一

佢地又有天份  又努力 , 都要捱咁多年 ,
凱琳  千雪唔駛捱就咩都有 ... 係咪真係太易得到既 ,
會唔曉珍惜呢???

不過咁樣 , 我反過來開始明白 , 雞芯同水魚而立之年 ,
點解邁向不惑時仲會受捧 ...
我記得睇過一篇講日本AV既文 , 當中訪問一位行業人士
問佢點解日本咁盛行熟女AV , 答案你真係估唔到 :

佢話 , 咁多熟女AV係推廣出來既結果 ...
企畫咁鐘意推廣熟女 , 係因為好容易操作 , 同靚妹唔同
唔會因為一時貪玩就答應 , 但拍果日就放非機 ...
熟女好明白自己做緊咩 , 係好明白勒先會答應 ,
答應左就會好配合企畫既要求 , 係好好既合作對象 ...

(你亦都可以話 , 佢地亦都無咩好行)

其實擺係今時今日既大台都係 ... 雞芯同水魚 ,
基本要到34碎先受捧 , 佢地好明白到 , 佢地再唔搏既話
呢世就係咁 ... 尤其係雞芯 , 佢屋村出身  讀IVE ,
受捧又要遲過水魚 , 佢好明白唔係咁易有機會 ,
有一次都未必有第二次 , 所以會好努力咁捉緊機會

迦樓羅女王

高兄 , 想問下你劉勃勃同匈奴有咩淵源???

論地點 , 佢所在既河套地區 , 我無記錯既話 , 就係漢朝比南匈奴世居之地
而佢地係大半個十六國時期 , 都無離開河套地區 ;
論姓氏 , 劉勃勃係跟劉淵個姓 , 而係幾代人都係咁 , 反而係之後既赫連姓
先係原創出來 ... 即係話呢個淵源 , 唔係刻意形造出來

再者 , 匈奴鐵弗部同匈奴關係又係點???
我知道一定會有人咁答我 : 即係歸順左匈奴 , 但其實唔係匈奴既民族 ...
但係我又覺得 , 係蒙古統一之前 , 真正既 "蒙古" ,
其實有乞顏部  泰赤兀部  札答蘭部  主兒乞部四部 , 鐵弗部會唔會係咁???

就算鐵弗部唔係匈奴 , 佢地相比匈奴同羯族既關係 , 又是如何???
會唔會係劉淵 , 派係其 "龍興之地" 既駐守部隊 ... 咁好似解釋一D個情況

另外 , 劉勃勃其實有無刻意打住 "復興匈奴" 既旗號???
其實 , 匈奴自劉淵既前趙之後 , 己經沒落左近百年 , 係去到胡夏建立時 ,
"匈奴" 之名先重新出現 ...
(咁岩 , 佢地分別係十六國中 , 首個和最後一個建國的國家)

最後 , 小弟好好奇鐵弗部同拓跋鮮卑 , 到底有咩仇  有咩怨???
我睇維基 , 好似話劉勃勃之所以叛秦自立 , 都係因為後秦想同拓跋鮮卑結好
... 北魏強大起來 , 佢就要崛起去阻止北魏 ; 北魏當時主力吞燕 ,
胡夏就主力滅秦攻晉  收復兩京 ... 點解佢地會咁冤家???