BOYDWAN

大家都50-50 la~

BOYDWAN

[吹水版]乃純文字消閒之地，豈容你哋亂咁開火？！
要嘈要插要問候，得！
WHOLE POST MOVE TO [港男俱樂部]
各位隨便互片，包無手尾~

BOYDWAN

Originally posted by andyho at 2006-4-4 02:22:
我以後唔敢再post，只會定期來港男版看看有沒有違規內容。
有的話就主動去政府部門投訴law。

andyho兄，既然閣下言詞已涉及[港男俱樂部]，作為該區執行版主，本人亦責無旁貸應該作出回應：


第一，於本人而言，閣下同該位會員都只屬"版友"，相信於閣下印像所及小弟之前與你對答中未嘗有任何不與尊重；曾幾何時有會員利用此區內之發表於[政治區]內對閣下作出跨區侮辱而經閣下投訴後，該會員即被本人警告，而亦因此事本人立即修改[港男俱樂部]版規：
http://www.26fun.com/bbs/viewthread.php?tid=91544&fpage=1
PART [VI]



第二，姑勿論一位會員是否[港男俱樂部]之活躍份子，當其離開[港男區]而進入其他區時就一定要遵守該區版規，因[港男俱樂部]亦只不過是EF內其中一區，而會員亦全都只會是EF會員，既然如此本人決不認同所謂黨派之舉，亦不相信版主有需要包庇任何會員，更不理解何為"打晒籠通"！



第三，閣下口口聲聲認為[港男俱樂部]會員乃侮辱閣下之始作俑者，但觀乎閣下與該位會員口殊筆伐亦已非三朝五日之事，甚至於[港男俱樂部]成立之前已然存在；再者閣下與眾版友立場之争於[政治區]內已源遠流長，何解帳會算到[港男俱樂部]頭上？



第四，政治立場人人不同、觀點角度人人有異，講政見議國論本人毫無興趣；本人管理之[港男俱樂部]只談風花只愛說月，若然會員之間互不咬弦想借本區作為唇槍舌劍盡情發洩之地，歡迎~ 但借本區作為侮辱會員之處，休想~ 故閣下毋須擔心[港男俱樂部]乃狐群狗黨之地！
同樣，閣下若想向對手發洩還擊或想向版主宣洩不滿，好應該選擇正確地方；[吹水版]乃純文字消閒之處，絕非合適之地；縱觀閣下以有色眼鏡看[港男俱樂部]，但作為EF其中一位會員，閣下亦須知[港男俱樂部]其中一個功用正是如此~



第五，亦是最後，本人雖然不材，但亦受admin器重管轄此區；多年來爬格子糊口的朋友小弟認識不少、法律界及執法機關之損友更比比皆是，加上[港男俱樂部]有一眾深明大是大非的版友相助；相信有小弟存在一日，andyho兄所提及之違規內容都不會在[港男俱樂部]出現，多謝閣下提點~




(andyho，其實何須執著？EF絕不是"憤青基地"，各人都有其言論自由，小弟堅守此點：
http://www.26fun.com/bbs/viewthread.php?tid=109724&fpage=1   #20 )

(用返口語：喺[港男區]嘈啦，呢度無版主會員之分咖~EF無人可以排擠人，人地問侯你、你問侯返人，50-50啦，公道~ 不過我有小小意見............禍不及妻兒，毋謂咒人屋企人，咒佢好喇~)

BOYDWAN

小弟只想講幾句"癈話"：

andy，我一定要聲明一件事，d228216版主於[港男區]並無任何能力去delete post 或 edit post，佢並唔係坐視不理或姑息養軒，只係佢真係權力範圍有限，要怪就應該怪我check漏post遲做嘢；至於你覺得佢包庇呀九，我boydwan敢用人格担保，當牽涉EF版務或會員權利益時，無一個版主會徇私枉法，尤其係d兄，我同佢相交日子不淺，佢確係唔係咁嘅人，請你唔好多疑~



呀九，你係想同andy開炮就應該約佢入嚟呢度開波，講乜漢奸唔漢奸？你係唔妥佢講埋你屋企人就直接轟佢咯，唔好搞到[港男區]成個政版咁得咖，一講政治我就唔buy咖喇~你知啦，一講d乜國仇家恨就個個一窩蜂咁，如果係咁不如我剷哂[紅燈區]同[女優寫真貼圖區]啦~到時其他member咪怪我呀~呢度for fun 咖咋，係咪先？



至於其他人，你地明唔明乜叫私片先？andy同呀九互片關你地义事呀？人地有無話受埋你地玩？係咪想玩圍揼？係就開聲，andy同呀九繼續單打獨鬥，其他人由小弟招呼，橫掂我都講過呢度無分乜版主會員，版主大L哂呀？！嚟啦~

BOYDWAN

最後，我要宣佈：
打狗棒   coolala2005   CHECSS   cristiano3156   清揚   VictorTan  各 warning 一次，
理由係無理挑起罵戰及攻擊會員

andyho於[吹水版]內出post延續駡戰同攻擊會員，亦warning 一次

重申一次，大家都係EF一份子，唔妥唔緊要，至緊要開波開得痛快，要開炮要私片下次請早揚聲，其他人亦要當事人雙方同意先可以加入~

BOYDWAN

andy，論持平小弟愧不敢當，只係略盡本份想你了解每版運作。

至於d版主如果言行字裏之間令你感覺不滿，你絕對有權反樸，版主亦係會員，你有point就抝得，好fair。正如有位版友話齋：有理縱橫天下、無理寸步難行，當然詳情由d版主同你交待較為合適，但以小弟角度嚟睇，d兄喺政版身份一樣都係會員，所以佢同你有論點之爭你亦毋須介懷，只需以平常心看待就夠；至於嗰位小朋友，毋須理會，我好讚成會員間有問題私片(只限港男)，但絕唔認同成咋人你一句我一句咁圍揼~

喺[港男區]如果唔係犯版規，無人會被ban咖~暢所欲言正係小弟同一眾版主立此區理念，andy你想點講都得，就算以後當你地喺其他區有問題想私片，約埋入嚟就得咖，兩支公開個post自己搞掂，同我單聲就ok，受唔受其他人參與你地揸主意，其他嘢由小弟包辦~

andy，其實你同呀九都係學富五車之人，我相信就算你地私片都可以妙語連珠精彩非常，玩唔緊要、至緊要盡、盡完就算；過左去嘅，粉筆字咁抹左佢算喇，好無？

多謝你地比呢分薄面小弟

[ Last edited by BOYDWAN on 2006-4-4 at 07:54 PM ]

BOYDWAN

Originally posted by cwleung1988 at 2006-4-4 19:54:

小弟好似又比人暗射緊

仲好講？下次問人歡唔歡迎你片埋一份先好呀死仔~

BOYDWAN

Originally posted by 甘國武 at 2006-4-4 19:57:

>andy，其實你同呀九都係學富五車之人
你係咪up少左個人？

仲有你吖嘛甘博士~

BOYDWAN

Originally posted by cwleung1988 at 2006-4-4 20:00:

我係特意過去想同伯伯一對一嫁....
...

我無嘢好講咯~

BOYDWAN

Originally posted by 打狗棒 at 2006-4-4 20:01:

"學富五車"四字留番比佢兩契兄弟, 我愧不敢當。

你謙乜鬼吖死佬~