BOYDWAN

Originally posted by wailam0032 at 2006-8-11 02:17:

冇錯!認同boyboy兄o既講法!
做人一定要有目標!咁先會有機會成功o既!
成日睇到boyboy兄對d蒲點o既描述,令我好有動力去搵錢

放心啦wailam，比d心機讀書同努力工作，小弟深信將來你一定可以"青出於藍"，比小弟揾到更多更正嘅蒲點比大家~

BOYDWAN

Originally posted by eqhigh at 2006-8-11 12:20:

boyboy可以牙~~

1) 攬住你嗰個女仔同你係乜關係？
佢應該係鍾意我咖，但未認果d 囉，其實我覺得佢係特登想拆散我地

2) 你女友識唔識嗰個女仔？
識，但唔算好熟，都算係朋友既

3) 你女友性格點咖？
小鳥伊人，可愛，溫柔，有好多野都會收收埋埋，唔開心果時只會扮冇野，唔會俾其他人發覺，但我依個身為男友既當然會睇得出啦

4) 你女友平時同你一齊，"主導者"喺邊個？聽教聽話定要你就佢？脾氣大唔大？
主導者就大家唔定既，我就佢多ｄｄ，不過我發脾氣果陣佢一定會第一個氹返我，脾氣唔算大，都唔係成日發脾氣果種

1) 佢應該係鍾意我咖，但未認果d 囉，其實我覺得佢係特登想拆散我地
ans: 有保留、亦有疑問，如果係鍾意你無理由唔暗示或明示比你知而反而好似發花癲咁失驚無神攬住你

2) 識，但唔算好熟，都算係朋友既
ans: 識就棘手d..........因為你女友實大把嘢"聽"

3) 小鳥伊人，可愛，溫柔，有好多野都會收收埋埋，唔開心果時只會扮冇野，唔會俾其他人發覺，但我依個身為男友既當然會睇得出啦
ans: 內斂型..........你呢個身為男友嘅男人咪以為乜都知呀，可能佢之已經收唔小風無出聲咋~

4) 主導者就大家唔定既，我就佢多ｄｄ，不過我發脾氣果陣佢一定會第一個氹返我，脾氣唔算大，都唔係成日發脾氣果種
ans: 大忌。兜咁大個圈即係主導權喺佢手...........



唔.......................既然係咁，eqhigh你不如寫封信又好、sms又好，同佢解釋清楚啦~
例如你可以兜吓話唔知佢乜事無啦啦攬住你，因為佢當時情緒激動但你又唔知乜事所以你想安慰佢而無推開佢；仲有，不妨同佢痛陳利害，同佢講如果佢連你都唔信，信其他人做乜？你先係最錫佢嗰個嘛！
老老實實，你女友直頭同你斷絕聯絡，都幾盡，所謂"哀莫大於心死"............呢段時間你要小心handle呀~

BOYDWAN

Originally posted by Lyon at 2006-8-11 15:38:


~~型~~永遠同我擦身而過喎. 點好呀~~~

麻煩 boyboy你做埋我形像顧問啦. 乜野叫型呀??

Lyon，型呢樣嘢其實唔係解有型，係指有"型格"；男人打扮毋須太造作，最緊要令人覺得舒服，一件polo shirt、一條牛仔褲加一對walking shoes 只要顏色、style配搭得宜都可以好sharp好好睇；打扮最緊要係表現自己長處、隱藏自己短處嘛~

BOYDWAN

Originally posted by wailam0032 at 2006-8-11 18:47:

Wahahahah!!!!
ianiankuan  你唔好玩人la
MK look
去到會俾人話7 ga

俾人話7又唔會..............自斟自飲成晚咁啦~

Originally posted by eqhigh at 2006-8-11 19:00:


去到會俾人打tim

似乎係ian會比我地打先~~~

BOYDWAN

Originally posted by Lyon at 2006-8-11 22:26:


呢d成衣櫃都係,我都係鍾意 ian 介紹果d正d, 應該可以溝女冇數. BOYBOY你都係咁著先溝到咁多女,呵.~~

咁你試吓先啦~
唔駛預我開飯lu~

BOYDWAN

Originally posted by eqhigh at 2006-8-11 22:51:


ok，試緊咖啦，情況已經好似有d 好轉啦，我會努力咖啦

good luck~

BOYDWAN

Originally posted by Lyon at 2006-8-12 01:29:

下個星期係 club no 9 見到有人咁著, 果個就係我啦. 記住埋嚟打招呼喎.

先生..............你...............你係邊位呀？

BOYDWAN

Originally posted by hwkeung at 2006-8-13 09:47:
SORRY...超長o既故仔...BOYBOY...你睇完俾d建議小弟好嗎?
我唔知用咩心態去面對佢...唔知而家做d乜...應該放棄定點...
再死(錢)爛打又無補於事...但又覺得佢點都有d野...放棄又可惜...
其實我都幾真心鐘意佢...因為同咁多女仔一齊係同佢先至最開心

hwkeung，多謝您信任小弟先~
既然係咁，小弟亦不妨單刀直入同你傾吓，希望您唔好介意~

首先，心態方面小弟想你用"平常心"去面對。
(好緊要咖........如果唔係，以下回覆你會睇得好無意思~ )


其實，你同佢雙方根本就唔係存在住"愛"。
係~係好唔開心，但坦白。

你同佢，根本都係想箍到對方、掌握到對方。
"越得唔到、越想得到"就係咁解。
佢唔鍾意你咩？又唔係！
不過"鍾意"唔同"愛"噃~
"鍾意"係指心情上當想見到嗰樣嘢、嗰個人，物鍾意咯....."鍾意"好受其他因素影響咖~
"愛"係指任何情況、任何時刻都有嗰樣嘢、嗰個人存在........"愛"就反而可以影響其他因素 lu~
從你嘅描述，呢個女仔，一d 都唔差；反而佢比到個訊息你，令你認為佢會"高攀"你唔起，呢一箸"以退為進"，足以令你死得，高~
咪真係以為佢自卑呀，反而佢似當你係"避風塘"多dd............
睇哂成篇，如果要小弟分析，我只可以講：你比佢入哂喇~
你若即若離，佢一定死"lur"你；反而你一用心，佢就閃咖喇~
無他，其實最重要係：佢知佢食硬你..........但目前你確係唔係佢杯茶。
小弟唔知道係乜 (咁小弟係唔識佢嘛~ )，但佢的確唔可以將個心放哂喺你度......如果你係純粹想"得到吓"佢，無乜問題；但如果你係想同佢有將來就"掹" d喇.............

sorry 呀~ 可能好唔啱聽 (應該係"睇".... )，但憑小弟經驗同客觀分析，似乎事實真係咁.......

大家都係男人，就算係"忠言逆耳"，小弟都希望hwkeung您考慮清楚先~
考慮好哂，有問題大家再商量吓吖~

BOYDWAN

Originally posted by hwkeung at 2006-8-14 08:59:

多謝BOYBOY...其實我諗法同你講o既一樣...可惜一直都唔信邪咋嘛...
我份人就係要搵個人confirm同support自己o既睇法先識點做...

小弟真係失禮..衰左鑊甘..唉..本來想穩定一下唔想再玩..
一直都未試過認真鐘意人點知就搞成咁..
睇怕真係唔好再用真感情..原來真感情係咁難受..

今次當買個教訓..我以BOYBOY為榜樣！

hwkeung，千祈唔好咁客氣，大家商量商量，唔駛講多謝喇~
其實呢個世界邊有"長勝將軍"吖，個個男人都有中招嘅時侯咖~
您一d 都無失禮，起碼你醒得快無迷失自己；後知後覺比無知無覺好好多！嗰d 先叫失禮呀~
又唔駛咁悲觀噃，女人呢個地球大把，你一定可以揾到好多個啱心水嘅，來日方長嘛~

你以小弟為榜樣就大碌咯，我都係吔吔烏自身難保咋~

BOYDWAN

Originally posted by ilovesai666 at 2006-8-15 00:34:

boy boy是隨時一爆大鑊......
就係咁大的類型.......
(而且會死得好慘好慘......)

頭髮未夠長去電......
但現在的髮型又令我好想死.....
唉..........
我不懂弄我的頭髮啦!!!!!!!!!!!!!!!!!!!!!!!!!!!!!!!!

叉住你個死仔~

電啦電啦，電鬼瓜你呀~