BOYDWAN

嘩~好難睇呀~

我呢...唔知係咪人有問題？
無啦啦...一班人（全男）明明都玩埋，上堂、食lunch都無咩野
放左學大家各有各路都無咩接觸
講之間有無得互相罪就一定無~

但無啦啦...呢幾個人好似好刻意咁避我
一路以 ...
自由神 發表於 2010-3-19 01:18

兩個字:
忌材

人天生就會有兢爭對手, 當然有d 人會選擇正面應對, 但同時有d 人會選擇迂迴處理(即係鬼祟啦!)
有需要介懷嗎? 無需要.
"君子坦蕩蕩, 小人長戚戚" 既然佢地心中有鬼選擇避你, 咁立場已經好明顯: 佢地唔想你成功過佢地
理由好簡單, 無人鍾意被比低, 咁就當然選擇避強噬弱啦.
so what? 食物鏈就係咁, 強者敗更強者勝; 佢地喺你身上得到好處或有用資料, 咁就當然唔希望有嘢跌番出嚟比你, 務求自己更穩操勝算啦, 所以係好應該避你咖......以小朋友層次, 係咁上下啦~

咁做當然柒啦, 目光短淺只拘泥於小利, 將來佢地就知! 人從來唔知幾時先叫大賺更唔知幾時大蝕, 樣樣想只賺唔蝕? 邊有咁理想?
所以呢, 由佢啦! 呢種層次嘅人識少個無遺憾喎~

BOYDWAN

外星文
ATX-828 發表於 2010-3-19 01:20

查吓康熙英文字典就有咖喇~

BOYDWAN

don;t play this la...very waste spirit.
d228216 發表於 2010-3-19 01:28

做乜無啦啦塊板又壞嘅? 你唔係好似呀ruby 姐咁用原子筆寫落去吓嘩? (不傳醜事爆煲~ )

BOYDWAN

off lu, 要同老婆仔睇碟.......都唔明點解睇港產片佢都要問有無英文字幕嘅呢.......

BOYDWAN

我自己心入面都係覺得無病無痛，無啦啦咁多數係佢地驚我會高過佢地
嚴格黎講讀書成績我唔比佢地所有人都強
但我唔明白，點解我會變成被聯合攻擊既一個
講真...佢地咁對我都好啦，我都係咁過
我只係覺得咁好無謂，佢地朋友已經唔多，仲成班女人咁搞小圈子
一個人又好、兩個人又好，我高過佢地都唔代表我贏，世界之大，何處最高....
此刻覺得人既質素真係可能有別.....
自由神 發表於 2010-3-19 01:49

覆完你我先off.

BOYDWAN

我自己心入面都係覺得無病無痛，無啦啦咁多數係佢地驚我會高過佢地
嚴格黎講讀書成績我唔比佢地所有人都強
但我唔明白，點解我會變成被聯合攻擊既一個
講真...佢地咁對我都好啦，我都係咁過
我只係覺得咁好無謂，佢地朋友已經唔多，仲成班女人咁搞小圈子
一個人又好、兩個人又好，我高過佢地都唔代表我贏，世界之大，何處最高....
此刻覺得人既質素真係可能有別.....
自由神 發表於 2010-3-19 01:49

醜小鴨嘅故事你聽過未?
醜小鴨點解會比其他鴨排擠? 喂! 大家都係鴨啫! 我又認醜又唔係要認叻咁都唔妥我?
係喎, 真係唔妥喎, 好聽d 物嫌佢樣衰咯.......但係難得有嘢荐底都唔滿意?
難聽d 嘅, 就係都唔知佢係乜! 求穩陣都係識少個當幫忙.
呢d 物就係鴨咯~
無計咖, 鬼叫你跌咗落呢堆鴨度呀? 就算你叻知道自己原來係隻鵝, 但係你未變吖嘛! 咁唯有繼續同班傻鴨一齊咯......
咪諗住離開呢個鴨竇就等如你去番鵝堆! 就算你將來出去處事, 分分鐘都係跳咗去另一個鴨竇咖咋......
咁你甘唔甘心為求共存就將自己變做鴨吖? 諗清楚喎, 分分鐘兩頭唔到岸喎.
唔甘心? 啱吖.
你又估吓世界上有幾多隻醜小鴨同你一樣處境吖嗱? 大把.
而且, 唔好唔記得醜小鴨嘅精萃: 就係孤獨.
因為成個故事, 只得一隻醜小鴨.
唯有到最後, 先有成班同伴出現.
呢班同伴, 個個都係一個獨立嘅"醜小鴨"故事.
唔係叫你孤芳自賞, 只係你要明白呢個世界就係咁.
事業上嘅互相利用, 職場上嘅爾虞我詐, 比比皆是.
真正交心, 坦誠相對去互相勉勵嘅朋友, 同伴, 又有幾多?
唯有時間可以比你隨人生發現對方嘅存在.
所以呢, 慢慢繼續喺鴨竇同班傻鴨玩啦~ 我呢隻鵝公陪隻鵝乸睇戲喇~
佢真係鵝乸喎.......日哦夜哦......... (已經mit 死咗我喇...)

BOYDWAN

7吓7吓, 成日出錯字, 一係失靈
d228216 發表於 2010-3-19 01:58

你寫錯字咋吓?
快d 買過塊啦懶鬼~
off 喇, see you tomorrow~

BOYDWAN

變鵝有用咩，變鵝之後你可以落在廚師手中做鵝肝漿
Triangel 發表於 2010-3-20 00:58

變鴨夠會做鹵水鴨腎啦~
不過咁喎, 你要諗吓燒鵝d 貴定燒鴨貴d 喎? 如果都係要比廚師煮, 我諗做一隻鵝會貴價d~

而且..............醜小鴨嗰隻係天鵝, 唔係燒鵝呀為食仔~~~

(死啦.........我比人問林憶蓮d 歌問到口啞啞..........80後學咩人聽林憶蓮呢?  )
sleep, good night~

聽朝去行山, 希望唔駛比人抬返嚟~

BOYDWAN

今日真係甘!!!!
自從身體出問題後, 好耐無去戶外活動.
老婆話出去行吓對身體好喎...........結果比佢三催三請軟硬兼施嗲足幾日兼一大班人慫恿下, 今日天未光晒就出發, 去咗大嶼山踩單車, 再行山去大澳.........
踩單車呢, 就ok 嘅, 橫掂都好耐無踩; 不過行山就........

"老婆! 好甘咖喎..........行幾個鐘咖!!!"
"唔怕! 有您陪我嘛~"
"唔係行街街喎! 行行吓行唔掂叫天不應叫地不聞咖!!!"
"唔怕! 您喺度嘛~ 我地咁多人, 唔驚~ "
"我唔抱您咖!!!"
"唔怕! 您唔會嘅~"
"您無帽喎! 曬死人咖! 短褲仔會整親咖!!!"
"唔怕! 我跟住您行唔會整親~ 而且佢地都係著短褲呀~"
"有蚊有蛇蟲鼠蟻咖!!!"
"唔怕! 我有蚊怕水~ 您都要搽呀, 乖啦~"
"................."

結果災難開始.
頭段呢, 呀ruby 姐就一路快放, 蹦蹦跳嗰隻..........咁段路都有好多遊人, 亦真係幾好行嘅.
開頭咋........
行到大斜路, 有人就開始"oh dear" 喇~
都咗上幾十級大樓梯, 有人詐嬌要休息.

"佢地行到好遠喇.....仲唞呀?"
"hug me~"
"哇!!! 我會死咖大帝!!! 點抱您行呀???!"
"hug 一陣~"

我嗰刻真係想"hug"佢, 不過係用棍嗰隻.
結果.......孭咗佢行完樓梯, 我真係無晒電.........

"老公您休息一陣先啦~"
"鬼唔知咩! 成班都唞緊啦!"
"咦? 呢隻係乜蝴蝶呀? "
"飛碟呀!!!"
跟住就成班女仔哇啦哇啦.......我同幾個男人就梗係食枝煙先啦.
"hon! no smoking! fresh air is good! "
"大佬.....唞吓啫, 您哋繼續撲蝶啦!!!"
"only one!!!!"
"係~係~ 去撲蝶啦~"

休息一陣, 繼續.
路程已經行咗一半, 落山, 爛路.

"hon, hold me......"
"小心d 啦, 慢慢...."
"嘩!!! 大鹽蛇呀!!! "
"呢d 叫蜥蝪呀大帝!!!"
"佢走去邊呢?"
"咁高層次嘅問題您問佢啦!!!"
"佢走咗喇~~~"
"佢今晚會嚟揾您咖喇!!!"
"唔好~~~"
殺咗我吧啦!!!!

行吓停吓, 終於見到大澳邨d 屋, 平路.
我都有多小抽筋, 太耐無運動喇......
"hon........"
"又抱抱呀? d 人見您咁無用會笑您咖!!!"
"I don't care, 佢地羨慕~ "
"我無電喇大帝......."
"少少吖~"
乜嘢叫抱少少.........? 唉...........!!!!!

成班朋友都攤晒喺度, 做大澳特產........咸魚.
我直情想死咁滯.....仲要比班死仔串.
"好浪漫呀~~~ 哥哥我又要抱~ "
"你呢期練舉重呀? "
"喂! 下次不如搬兩罐石油氣吖? "
"懶叻咁......家陣你好大力呀? 又話無電嘅? "
"蝦........做左人老公真係man d 咖喎~ "

我就得一個回應:
@!@#%#@@$%&%$&@#$]!@!@#%#@@$%&%$&@#$!!!

ruby 姐就爽呀, 佢同我講話班女仔讚佢幸福喎.........
入到大澳, 食海鮮食豆腐花........成班好似偷渡客成年無食嘢咁.
我對腳真係抽筋.
班友仔仲話去行街買嘢......我棄權.
老婆仔就知我真係好累, 唔肯去買嘢, 同我按摩對腳.
嗰吓我覺得佢個樣成個妹仔服侍老爺咁, 笑咗出嚟~
一笑又痛到呀媽都唔認得.
都算班友仔有心, 幫我買咗唔少嘢.
麥芽糖, 缽仔糕, 茶果, 紫貝天葵.......除咗缽仔糕, 其他嘢隻bamboo star 係無試過嘅.
仲有明信片!!! 大佬你估我係鬼佬遊客咩!
但係偏偏我隻乸又鍾意喎.......啤~
最慘係佢話紫貝天葵好味道, 結果買咗成打返酒店.
返到酒店, 真係散晒.
正當我"奄奄一息"嘅時侯, 老婆仔突然講:
"hon, get in the bath room~ "
"瞓陣先沖涼得唔得呀......"
"comeon~"

原來佢準備咗成缸水落咗浴鹽比我浸腳, 其實佢都謝晒, 不過就堅持要同我按摩完先.
做大爺就係男人都鍾意嘅, 不過呢個係自己老婆, 我呢個"大爺"都係做一半夠喇.
結果係四隻腳仔齊齊浸浴鹽.
浸浸吓, ruby 姐挨住我膊頭瞓著咗.
最後又係要抱返佢上床~
同佢冚被嗰陣, 佢醒咗一醒.
"hon, 下次再去過吖, that's fun~ "
錫咗兩啖佢又瞓著咗.
我都未答佢.....
"仲有下次???!!!! no way!!!!!"

本帖隱藏的內容需要積分高於 4800 才可瀏覽

BOYDWAN

幸福
自由神 發表於 2010-3-21 00:51

死得