|
- 帖子
- 1573
- 精華
- 0
- 威望
- 1654
- 魅力
- 6
- 讚好
- 0
|
1#
發表於 2007-5-10 04:11 PM
| 顯示全部帖子
我以前都有養巴西龜,希望我ge小小經驗可以俾你作為參考啦^^
首先,巴西龜,無記錯係屬於陸龜,換言之,養佢地唔好俾大多水,如果唔係會浸親佢地
呢個唔係講笑ga,特別係d bb龜,佢地成日浸水係會死的!!!!
因為水中有微生物之類ge野,係會令佢地感染的~
至於水幾多,只要浸過佢地四肢都已經可以了,當然多少少唔緊要,因為佢地習慣在水中進食的
所以如果你落水落得太少,佢地食野會好辛苦,可能會食唔到添~
其實最好就係在箱裡放幾粒石春,主要係等龜龜唔想浸水時可以爬上去休息下
因此,養巴西龜不宜太多水(我所知,叫巴西龜的只有一種,我想我不會錯吧 ... )
當然要睇你d龜龜有幾大隻,我哥時養到佢地手掌咁大的,哥時放多少少水都無問題
啊~對了
我又記得一d野
你間唔中就俾一次多水佢地,深水哥隻,因為要俾佢地游下水,始終要運動下ma
我哥時養到佢地手掌咁大,一放佢地落深水,佢地就會不停咁在水中穿梭,唔知佢地係咪好開心呢?^^
另外就係食肉問題(唔係食欲yo~)
唔知你平時用咩餵佢地呢?
我以前就用綠色的龜糧,簡單d講,即係俾佢地食齋咁濟 haha
咁佢地會大得慢d,其至乎大左你都唔覺
但係咁,佢地哥時都唔會打架同咬對方的(重點yo)
後來我換左隻紅色的龜糧,好似話係有少少肉味的
開頭係混埋餵的,驚食唔慣ma
後來哥兩隻衰野只食紅色的=.=(嬲死)
而有次,我獲得好多活生生的魚苖,於是lor黎餵佢地
驚奇的事就出現了,食左一個星期,日日甩殼
一個星期後d魚苖終於食哂,佢地ge殼闊度足足變左原來的2倍,即係面積是4倍,體積是8倍!!
由哥時起,佢地就唔再食龜糧,我要每日俾煲湯瘦肉佢地食,結果越食越大,大到手掌勉強可以握住佢地,不過大ge速度比較慢d
所以呢,結論是...
第一,一旦小龜龜食過肉,佢就唔願再食龜糧
第二,想佢地變大,食生ge肉比食熟ge肉有效
同時,龜龜可能會變得兇殘,要注意啊~佢地可能會互咬,咬中頸就大件事了!!
說那麼多,最終結論來了
巴西龜不宜與清道夫一齊養
1.水多少問題,唔通你想放少少黎養清道夫?
2.食肉問題,如果小龜龜食過肉(不論生熟),佢地會聞到其他生物的肉味,清道夫實死無生 |
|
