|
- 帖子
- 234
- 精華
- 2
- 威望
- 144
- 魅力
- 0
- 讚好
- 0
- 性別
- 男
|
1#
發表於 2005-7-27 11:05 PM
| 只看該作者
為倪震討個公道
o岩o岩睇到保存版有個＜有冇人知道倪震和劉錫明當年的恩恩怨怨是怎樣開始?＞的TOPIC，覺得大部份人都對偽生份人有好深o既成見。但依我認識佢咁多年（只係o係報紙雜誌上），佢絕對唔係大家想像中咁o既為人，現就我所知o既特意幫佢澄清一下：' H+ \7 I) S# s
7 n& I$ ~. O) ^' M首先，佢並唔係大家咁講咁冇用，成四十歲人都一事無成，要靠食老竇倪老匡個本去出話之你漫盡。廿幾年前，當查大俠搵呀偽先為日月報寫專欄時，偽生已經好有骨氣咁講，佢唔要畀人知佢係倪老匡個仔，佢係要靠自己打出個名堂。睇番咁多年o黎，佢真係做到咗喎，雖然成名o既都係靠負面o既消息，但係呢個唔係重點，重點係佢真係有骨氣有志氣喎......廿幾年前o黎講。* o' I. k; h: R: f; H8 v3 c/ m
0 \! F, }! J8 B3 p$ z* \
同埋，大家都好似對阿肉女掌門人咁多年o黎都對偽生不離不棄有o的不解，o係度將我所知o既為大家解開疑團啦。當年坊間好多雜誌都明寫暗串阿ｖｖ人初出道未成名前係有經營某些女藝人都有暗地裡經營o既副業，後來成咗名，坐上咗掌門人之位，出埠少咗o勒，但都間唔中會客串招乎下班舊客仔，但係好衰唔衰冇做足工業安全措施，中咗招，搞到百病纏身，聽講重係中咗最毒個隻菌，即係呢世都唔可能斷尾，所以焗住撈埋最後一筆收山。咁呀偽生明知係咁都肯接手，呀肉女又知自己o既身世，係社交圈子基本上都係公開秘密，好難再搵人認頭，點會唔以身相許，跟足偽生咁多年吖？咁你地話，偽生係咪偉大先？雖然有人質疑，偽生其實只不過睇中ｖｖ人副身家，企圖作埋呀肉女o的皮肉，呀唔係，係血汗錢先o岩。但係就算而家偽生住緊跑馬地個層樓係呀ｖｖ人名下o既，就算而家偽生再推呀ｖｖ人出黎接ｃｍ當佢係搖錢樹，打死我都唔會信佢係咁o既人o架o勒。5 D$ @3 q5 i: p2 ^% S& a* F
, j1 J$ K5 U' c* W
重有，當年搞《是》雜誌，偽生同呀梁繼璋、邵國華稱兄道弟，到賣盤時，偽生為咗兩個好拍擋唔好學佢後來有咗錢就亂投資咁蝕突晒，專登用o的好高明但唔見得人o既手段暫且幫兩位仁兄保管住o的錢，等佢第日投資發咗後十倍畀番佢o地，後來個市唔就蝕晒都唔怪得晒佢o架？而呀梁繼璋同邵國華就一o的都唔體諒佢o既苦心，冇領情不特止，重好人當賊辦，係報紙公開話呀偽生呢世都唔係佢o地朋友，佢兩個利慾薰心o即，你地應該好明事理o架？
" b4 H. K, S- r
2 z. B7 T, Z; ?. s' U講到投資，呀偽生真係東方畢菲特呀，佢o係報紙話而家手頭上既匯豐股票，淨係收息都夠佢嘆過世。雖然我唔係好明點解佢咁厚身家都唔留响格勒底過o的世外桃源o既生活，而要返o黎香港捱騾仔，但係偽生份人咁高深，佢一定有佢o既理由o既。但我想講o既係，連全香港冇乜人識o既００５都畀佢發掘到，而且佢重咁大方攞出o黎同大家分享呢個咁堅o既貼士，你地唔多謝佢不特止，重笑佢投資ＩＴ公司失敗，你地係咪人o黎o架？
0 f) \: E7 l1 m
/ x( K; D6 z/ A8 d) Q3 V8 Q( H! q講到佢同姚樂碧單羅生門案，偽生都講過話封情信係文字遊戲o黎之麻，你地睇唔明，硬係要話佢寫肉麻情信溝名媛，係你地冇見識o即。雖然，老實講呢個世界其實都真係冇乜邊個明呀偽生字裡行間係想表達o的乜，但係呢個正正係佢高深o既地方，你地都係唔會明o架o勒。
2 B; P/ W: S0 N3 |1 h* J; u# G! i1 d R- \
最後，希望你o地唔好再提毒瘤明單o野啦，過咗Ｎ咁多年都重攞o黎講，就算呀偽生真係卑鄙賤格低莊陰毒過，呢o的都過咗去啦，難為阿偽生用咗好耐時間先至可以趕阿毒瘤去台灣而把呢件事忘記，你地重成日提番，勾起佢o的唔光彩記憶，小心個天會懲罰你地呀：就係阿偽生會繼續留o係香港，繼續污染你地o既視覺聽覺神經，你地好知為知啦！' M8 h7 K# X3 k: T* s/ q$ Y3 _
4 h8 o- A& p+ N& m. C+ c: \2 c
[ Last edited by attaboy on 2005-7-28 at 01:35 AM ] |
|
