|
- 帖子
- 50227
- 精華
- 0
- 威望
- 352
- 魅力
- 50496
- 讚好
- 197
|
1#
發表於 2016-12-31 11:58 AM
| 只看該作者
從大歷史看70's~90's的 "港流" 時期
今時今日 "韓流" 當道 , 韓劇<來自星星的你><太陽的後裔><藍海傳說>
幾乎每年都成為 , 我地年度人氣大劇 ;
綜藝 <RUNNING MAN> 可以話係 , 呢個年代既最大指標 ... 電影方面 ,
如果要分強項弱項 , 這已經是韓流的弱項了 , 但還是出了<屍殺列車> ;
至於 K-POP ... 哈哈哈 , 巴西 土耳其 西班牙都開佢地既演唱會 ,
連美國年輕一代 , 都不乏人傾聽呢~~
不過 , 或者大多90後唔知道 , 正正係 "韓流" 興起之前 ,
就係我地 "港流" 叱?風雲二十載的盛世 !!!
之以上面劇集 綜藝 電影 音樂四作評價 , 綜藝一點可以先行忽略 ,
因為至少以小弟印象 , 觀眾是沒那麼看重綜藝的 ...
港流劇集 音樂係係70's開始 , 而電影更加係50's已經大爆發 !!!
點解港流會出現??? 電影會在50's大爆發???
本POST已經明言係 "大歷史" 角度出發 , 想必大家都估到D ... 無錯 ,
咪因為大陸變天羅 !!!
當時大陸娛樂之都係上海 , 已經炮制出一系著名女星 :
阮玲玉 周璇 李香蘭等等 , 歌曲<夜來香><叉燒包>更是風摩一時 ...
可見上海當時 , 電影 流行音樂工業已有一定發展
到1949年filter_198打敗國民黨 , 上海電影工業既幕後人才 技術 資金 ,
就紛?逃到香港 , 香港係50年代 , 就開始左第一輪電影盛世 ,
不停橫掃甚麼<南開影展><東南亞影展> ...
如果無記錯 , 呢一代電影都仲係港產既國語電影 !!!
(甚至幕前人才 , 都有因內戰流入香港 , 林黛老豆就國民黨大佬 ...
之前有大兄講過 , 唔少軍閥後人都入左娛樂圈)
而70's就發生左兩件 , 令港流得到進一步既大事 :
無線開台 許冠傑發明廣東歌 ... 相信呢兩個不難理解拉 , 無無線開台
港劇跟本無從說起 ; 當然拉 , 無廣東歌既話 , 香港樂壇盛世 ,
咩四大天王 , 都唔可能存在拉 , 要知道廣東歌既出現之前 ,
主流音樂其實係英文歌同國語歌 ...
去到呢個年代 , 港流既電影 劇集 音樂三大支柱 , 可以話三線齊非
就小弟理解 , 其實呢兩件事 , 係70's發生都幾合理 ... 首先 ,
電視機本身就係近代既產物 , 就算係西方 , 二戰之前佢地都仲係起步 ,
上海時期就沒有此媒界 ... 而事實上 , 香港既經濟起非時期 ,
係到60's先開始 , 電影發展其實係先於經濟 , 呢個時候都開始變成廣東話
到70's電視同廣東歌既興起 , 可以話因為市民普遍經濟能力上升 ,
作為主流既廣東話 , 係娛樂潮流上終於得到醒覺 !!!
就領土而言 , 港流南起風摩大馬 星州 , 對泰國 越南都有一定影響 ;
東至台灣 北達南韓 ... 甚至唔少藝人係日本都有一定名氣 ,
如阿倫 成蟲 梅姐等等 ; 等到80's , 大陸開放港劇 港片 廣東歌後
簡直可以話係亞洲娛樂大帝國 !!!
(咁當然拉 , 這個亞洲不算計西亞 南亞 ^.^")
至於港流為何會敗亡 , 韓流又如何興起 , 取代港流的呢???
呢個基本又離唔開 "大歷史" --1998年亞洲金融風暴 , 名義上我地香港
係打退左大鱷 , 相對中左招既南韓 , 我地應該更強勢才是 ...
但結果唔係 , 金融風暴之後係有禽流冒 非典肺 , 香港經濟係2003年 ,
跌至谷底 ... 性質上算係奢侈品既電影 正版CD首當其衝 ,
就今日同1997年電影院數字 , 已經大跌6成5 , 而且係一直在跌 ...
市道收入大跌 , 投資於電影 音樂既資金跌幅 , 甚至比收入跌得更大 ,
港流既敗亡 , 可以話係亡於內部市場先於海外 ...
奇怪既係 , 南韓呢個借錢度日既國家 , 竟然大搞高風險娛樂事業 ,
相對南韓政府輸血式救助 , 港府卻依舊不干預政策 加上資金大量撒出
韓流就大肆收割 , 原本屬於港流既領地 ...
不過也不得不佩服南韓 , 係同區整體經濟都未叫好好 ,
佢地就由<生死諜變>開始 , 偏偏制出一套套奇蹟電影 ... <我的野蠻女友>
就正正係2003年既香港上畫
後來香港 , 因為得到中國大陸一波自由行(一線城市) ,
以及其他各樣開通 , 經濟係就係恢復左 , 但資金一直係相關行業 ,
如金鋪 金融等等 , 再沒流入港劇 港片 廣東歌 ... 其實呢三支當中
港劇反而係最堅實 , 大概係因為觀眾無得走 , 食飯都係要睇佢吧 ...
不過 , 佢係大陸既好日子 , 都係2006年大陸既限播令下 ,
走到盡頭拉 ... 但係港劇係大馬 星州既生命 , 其實基本不衰呢
話說回來 , 2006年限播令對港流是最後一根稻草 , 但對大陸娛樂界而言 ,
就係好事中既好事 , 尤其劇集界得得急速成長 , 以至今時今日 ,
佢地可以制出<武媚娘><瑯琊榜>等 , 反銷香港既作品 ...
想想以往 , 係00's前期既中國大陸 , 不管人氣指數 見報頻率等 ,
都係 : 領導人們 >>> 運動員 >>> 演藝明星 ... 今時今日呢???
韓流更加唔簡單 , 亞洲 歐洲 拉美 中東(好在阿三同非洲朋友有堅持) ,
都聽緊佢地既歌 ... 不誇張講句 , 佢地E+係美國以外 ,
最強大既娛樂帝國 ... 現在不比當初 , 今日剩係講亞洲地區既競真 ,
真係唔係90's可相比的拉~~ |
|
