譚凱琪過檔無線

中出男

譚凱琪（Zoie）2000年挾着小室哲哉徒弟之名出道，07年加上有線電視做主持，最近她繼黃翠如、洪永城和陸浩明後，亦於10月正式過檔無綫。Zoie原來入行13年，一直有個演戲夢想，她認為無綫製作劇集的機會較多，才毅然離開服務7年的有線，就算過檔後舊公司亦獲得免費電視牌照，她亦未有後悔。

譚凱琪坦言離開舊公司因七年之癢，「主持旅遊節目係好多人羨慕嘅工作，我都做得好開心，但我真係好想演戲，我當年入有線都係諗住有機會演戲，難得依家有機會都想試吓，算係圓咗自己咁多年嚟嘅夢，或者呢啲就係叫七年之癢，雖然舊公司都攞咗牌，但我相信無綫製作劇集應該多啲。」

唔識余詠珊
有線藝人過檔無綫，總會令人聯想到跟曾任職有線的無綫高層余詠珊有關，Zoie就解釋兩人根本不認識，「我簽無綫完全同佢無關，其實我入有線時，Sandy已經離開咗，不過我當然知道佢係邊個，因為啲同事都會成日提起佢啲威水史，但大家未正式合作過，希望將來大家有機會合作啦！」
舊同事在新公司發展都不俗，尤其是剛剛成為「高登女神」的黃翠如，Zoie坦言亦希望可以有對方成績，「我當然好羨慕翠如發展得咁好，不過呢啲都係佢努力嘅成果，所以我會加倍努力，嚟緊知道公司會安排我拍劇，心情都好緊張，希望將來都可以有機會，拍劇同主持雙線發展啦！」