《東張西望》內容再度備受批評。早前因中風而行動不便的武打演員劉家輝，在前日獲安排返回將軍澳電視城「舊地重遊」，《東張西望》在昨日節目第一節播出了他和一眾藝員遊覽電視城的片段。但是不少不滿TVB的網民，批評節目硬銷溫情，藉劉家輝自我宣傳，他們尤其不滿有藝員要求劉家輝強顏歡笑的情節。
通訊局指，暫時未收到公眾針對5月8日《東張西望》的節目投訴。《主場新聞》亦就《東張西望》播出相關內容一事，向TVB對外事務科，查詢節目遭遇網上輿論批評、及有關節目製作安排一事。對方僅回覆：
劉家輝是TVB藝員同事，回來探班和舊同事相聚是一件最正常不過的事。
據當晚節目，劉家輝和好友兼合法委託人樊亦敏，在週三下午4時50分回到電視城，但是林映輝問及劉家輝影相時有沒有笑，就發生一個尷尬場面：
林：有冇笑架？要笑得開心啲架嘛！
劉：好難笑得出...
林：好難笑呀？見到佢哋開心，就笑得出架喇呵？笑啦！
許：佢一笑啲牙就走晒出嚟。
林：嗱佢一講笑你就笑啦。
送TVBuddy
之後劉家輝跟眾人到劇集《愛．回家》的錄影廠參觀。旁述聲稱，「平日師傅晚晚都追《愛．回家》，所以入到《愛．回家》個廠，佢都好似小朋友咁興奮呀」。大約6時，劉家輝肚餓需要用餐，眾人就帶他到飯堂晚膳。用膳時眾人相安無事，但是在飯後，米雪和林映輝表示有禮物送給劉家輝，除了是一張心意卡外，還有一個TVB吉祥物，TVBuddy公仔：
林：我哋有少少心意嘅，由米雪俾你。
米：頭先Benz, Madam, 阿煌，我哋4個寫咗張健康卡俾你。祝福你身體健康，生活愉快。
林：除咗張心意卡之外，我哋仲有一個，登登登櫈！係公司個徽號呀，想你成日擺喺身邊，見到就記住我哋喇喎。
米：你得閒就拎張卡出嚟睇吓。
林：係呀，我哋全部人都好掛住你架！
米：大家都想念你。
節目出街後，有網民不值《東張西望》的節目製作手法，認為TVB借劉家輝為自己宣傳。在高登討論區上，有網民說TVB的做法多餘，只會令人反感，認為「做show咁」：
"師父俾人推住周圍去咁高調
唔開心都夾硬俾班人夾到要扮開心"
（積奇子）
"做show 送埋d無用既野比佢"
（膏獸屏） | 
發表於 2014-5-10 03:25 PM
| 
