雞模FFx，$900蚊製作MV，網上熱爆

地溝男

貴有貴做，平有平做


[youtube]yNDWRa8CV8U[/youtube]


近日樂壇最hit嘅一定係MK女子組合FFx首《SUGAR BABY》，佢地嘅騎呢MV贏盡人氣，今日中午前已經有約七十萬點擊率，不過原來MV拍攝成本只係港幣$900。

尋日有網民喺Facebook上載咗一段內幕，疑似係當日有份拍攝嘅工作人員分享，講吓個MV點解會拍得咁驚嚇。原來成個MV Budget得900蚊，用晒啲錢租器材都已經無錢出人工，當日嘅幕後拍攝由一班學生哥唔收酬勞負責，佢指成件事最有問題就係FFx經理人同埋監制，睇見佢咁多粗口都知佢有幾憤怒。
唔怪得尋日有網民懷疑佢地兩件冷衫四個人著啦，原來無budget......事後，FFx經理人Sam都承認，今次個咁高點擊率MV只係用咗$900，啲錢係用咗去租借拍攝器材，學生無人工收，嘩，佢地真係抵到爛啦，只係$900蚊就已經賺盡人氣，雖然大部分都係負評，不過唔重要啦，位已上。

當日連水都無啖飲真係辛苦班學生哥。其實喺呢一行好多人都鍾意搵人笨，講就話畀機會你拎經驗，實際上就係剝削你做免費/廉價勞工，其實，一支燈一部機一隻鏡全部都係錢嚟。$900有咁高點擊率，最開心一定係佢地經理人。