2015爛片之王

自拍男

強國特色電影     


早前網上瘋傳一張范冰冰「馬震」嘅相，其實電影《王朝的女人．楊貴妃》嘅截圖。楊貴妃同唐玄宗喺馬背上交歡呢幕，可以話係震憾一時，不過唔少觀眾睇完都大罵套戲太爛。而近日網上就有自稱係套戲嘅編劇，分析套戲咁爛嘅原因。
呢位自稱原編劇嘅網民，指自己四年前寫過《楊貴妃》嘅劇本，但當日嘅劇本就同呢期上嘅《王》有好大分別。


佢爆料指，開頭部戲搵咗韓國導演郭在容執導，但係有溝通上嘅問題，加上翻譯得唔好，結果搞到好唔愉快，最後郭在容開拍後仲走咗，已經拍咗嘅戲份亦都用唔到。
第二個問題亦係最嚴重嘅問題，就係無人知道想拍一個點樣嘅故事：
「《盛唐危機》《楊貴妃》《王朝的女人》，這套電影至少有過三個截然不同的故事。從2009年籌拍到2015年上映，六年的時間裏，投資方自己都不堅定，不知道想拍一個什麼樣的故事，只知道這個故事裏有楊貴妃。」


最後，佢大吐苦水，指內地電影編劇無地位，邊個都可以對劇本指手畫腳，結果就令電影拍到唔知拍緊乜，係「非常認真的，拍了一部爛片。」


呢位係咪真係有份幫《楊貴妃》編劇就真係無人知。套戲到底有幾騎呢？小編真係身先事卒睇咗，而家試下用200字帶大家睇完2個鐘嘅戲︰
唐玄宗對楊玉環一見鍾情，武惠妃知道就安排玉環做媳婦。跟住，惠妃害死太子，俾玄宗知道，令到惠妃自殺。太子終於發現老豆愛上自己老婆，拎老婆換太子之位，最終太子無得做，老婆又變埋阿媽。(范冰冰同呢啲故事咁有緣嘅？)
玉環終於做咗貴妃但係不愛玄宗，玄宗尊重佢唔同佢行房，貴妃飲醉酒，都無乘人之危。但最後玄宗唔知做咩係隻馬上面強姦咗楊貴妃......玄宗搵公公代自己Say sorry，仲畀佢出宮。（點睇都似係「趙完鬆」）


貴妃被姦後愛上玄宗(?!!!!)，從此兩人過住幸福生活。最後安史之亂，好多人要殺貴妃，貴妃服毒，再同玄宗親熱埋最後一次，香消玉殞。完～


值得一提嘅係，呢套戲由一個外國使者去帶起故事，但係使者講英文，玄宗貴妃講普通話，大家唔駛翻譯都可以溝通得到，好強。不過個故事咁多bug，呢啲真係濕濕碎。

自拍男

2015中出電影

cxzcxz

2015爛片之霸   吉星高照 2015香港總票房 :$152,279