網民2015「金草莓」視帝競選

自拍男

阿爺最好戲  



第五位：蕭正楠《倩女喜相逢》
由歌手轉型去咗拍劇嘅蕭正楠，喺古裝賀歲劇《倩女喜相逢》中飾演搞笑角色寧采臣。劇中家燕姐飾演嘅聶小倩為咗報恩，一直都有暗中守護佢，但係小倩法力唔夠，成日搞到弄巧反拙。近幾年都有唔少人讚佢嘅演技唔錯同可塑性高，可能觀眾只係唔鍾意佢演古裝劇？

第四位：沈震軒《衝線》

憑住《衝線》上榜嘅沈震軒演技一向都俾人有彈冇讚，淨係識得chok住個樣做戲，而且多花弗新聞。啱啱喺《Do姐去Shopping》入面又完全被農夫比下去。


第三位：方力申《華麗轉身》

似乎《華麗轉身》就唔係好幫到方力申「轉身」啦！由十年前開始幫無綫拍咗套《甜孫爺爺》就開始俾人鬧佢演技差、唔靚仔。去到今年《華麗轉身》，同樣被人鬧唔靚仔但係要扮情聖兼造作，似乎十年嚟都冇咩進步喎。


第二位：羅仲謙《衝線》

一向被網民批評得肌肉冇演技嘅羅仲謙，雖然近排都冇咩演出機會，但係憑住佢喺《衝線》嘅超爛演技，仍然令到網民記憶猶新，你就知佢嘅「演技」有幾犀利啦！


第一位：洪永城《張保仔》

榮登榜首嘅洪永城由旅遊節目主持做到拍劇做第一男主角，佢嘅演技點樣？唔少網民就認為佢都係做返旅遊節目主持好啲啦！喺《張保仔》入面飾演海盜張保仔，有網民話睇唔過佢對老鼠眼，話佢好似未訓醒咁喎。

deankit88

yeah good