29歲地產女傑青，靠做傳銷2年內供斷3百幾萬樓

自拍男

    


近日討論話題之一，就係29歲女傑青大談自己如何2年內供斷3百幾萬樓。當中女傑青提到眾多苛刻條件之中，其中一樣令人大感驚訝，就係大學時唔做補習去做傳銷，月入可以有幾萬。其實傳銷一直都已經被講明係靠下線搵錢嘅非正當職業，究竟幾時開始，我哋嘅社會已經退化到只要搵到錢就代表成功，哪怕你嘅錢從何而嚟，一樣有錢等如有成就，傑青話咁易。再發展落去，好快我哋就真係會變作「笑貧不笑娼」呢個恐怖地步。傳銷係咪好似呢位女傑青咁肯做就會發，錯喇，根據好多研究顯示，真正可以搵到錢嘅只有2%，其餘嘅幾乎會損失投資嘅全部。一齊睇下傳銷公司以下嘅幾種手段。
產品不過虛設
傳銷賣嘅上線同下線，好多時產品只係用作工具，用作掩飾傳銷活動，所以傳銷賣嘅產品價值一定超乎常理，而且買咗亦不設退款，更多時係連參與傳銷嘅人都唔知樣產品係乜。
加盟費
傳銷要做嘅係一傳十，十傳百，所以要參與就必須成為別人嘅下線，而你想自己有下線亦必須交納入門費或加盟費，從此投入錢滾大雪球。
金字塔模式
最典型銷售模式係金字塔，即係上層慢慢散落下層，而與一般行業唔同，傳銷嘅頂層同底層只係用加入嘅時序而定，非講實力，一般而言遲加入嘅就算賣得有幾成功，都唔會超級到早加入嘅人嘅位置。
不對外銷售
唔同直銷，產品唔會直對流出對外市場，係靠內部互相傳達，以達到錢滾錢嘅功效，一般莫講話買產品，連佢哋賣緊乜都唔會知呢。

自拍男

傳銷 = 洗腦行業

自拍男

傳銷 = 大話行業

自拍男

90年代初「種菌」傳銷最經典

自拍男

傳銷 = 垃圾產品

自拍男

傳銷 = 層壓式推銷術

自拍男

90年代有傳銷

今時今日有電騙