壞孩子都有定性一日，元老點睇?

地溝男

    

攝影大師、閱女無數嘅陳冠希Edison即將做爸爸同要結婚？今年36歲嘅Edison近年主力搞自己嘅時品牌生意之餘又準備出國語碟，自從前年同台灣女友分手之後，就同大陸女模特兒秦舒培拍拖，似乎個人變得踏實咗好多。有指同Edison拍拖年幾嘅秦舒培已經陀B七個月，早排係IG放相時亦著連身鬆身裙，孕味甚濃；而且Edison舊年8 月又係洛杉機用咗近300萬美金買新屋同畀網民撞到佢係日本行街睇BB用品添。而尋日甄子丹係IG有張搭住Edison膊頭嘅相，仲留言「Big congrats to little brother」，似乎真係好事近喎。
男士們年青嘅時候可能都會比較放蕩不羈、不懂分寸，但慢慢年紀漸長就會變得踏實成熟，會唔會同呢幾個原因有關呢？

玩夠
後生嘅時候有玩過揮霍過，或者會明白多咗同埋多咗好多唔同嘅體會，直接啲講就係「有咩未見識過？」。加上Edison近年外型都開始走樣，少咗玩嘅本錢，亦代表係時候要停落黎。

家人催迫
屋企人通常都係最緊張嘅，經常性都會擔心自己個仔幾時先會識得定落嚟結婚同有孫抱。就嚟又農曆新年，準備好畀屋企人長輩車輪轉咁「盤問」你未？

想成家立室
當見到身邊同年紀嘅人都已經有個美滿家庭，仲見到有小朋友嘻嘻哈哈嘅時候再望一望自己，大概會有一份落寞同有點凄涼嘅感覺。於是就會想為自己打算，置番頭家。

遇上The One
除咗時間性要啱之外，遇到一個同自己好夾、係自己想要嘅、對的人都好重要。即使一個男人到咗中年想結婚，都未至於想求其搵一個對象，但係當啱嘅時間遇上啱嘅人，得咗。

地溝男

Edison近年外型都開始走樣 = 秃頭

地溝男

男人天敵 = 秃頭

yahoo33

結左婚一樣可以玩 我唔覺得佢會定性 玩少d姐

地溝男

結左婚一樣可以玩 我唔覺得佢會定性 玩少d姐
yahoo33 發表於 2017-1-25 11:33 PM

結左婚玩更多花式

迦樓羅女王

有錢真好。。。

電騙男

有錢真好。。。
迦樓羅女王 發表於 2017-1-26 08:20 AM

300萬美金買新屋   

電騙男

有錢真好。。。
迦樓羅女王 發表於 2017-1-26 08:20 AM

之前又話老豆破產