內地山寨版鹹蛋超人，日方將採取法律行動，Thomp 點睇?
 
唔少電影都爭取喺內地十一國慶黃金檔期上映，而今年最令人期待嘅電影之一一定係《鋼鐵飛龍之再見奧特曼》，奧特曼（Ultraman）即係香港嘅鹹蛋超人。呢套《再見奧特曼》係內地製作嘅3D動畫，但並唔係原著版權持有者日本圓谷製作。故事講述「奧特曼」（鹹蛋超人）喺地球生活愉快，去中國安居樂業，得閒仲會去廣場同大媽跳廣場舞，佢仲趕上二胎政策生咗兩個小朋友。點知奧特曼故鄉突然發生大爆炸，之後佢返鄉下拯救自己嘅星球，與鋼鐵飛龍聯手對付幕後黑手。過左咁多年奧特曼嘅造型同日本版好唔同，有好細緻嘅肌肉線條，不過網民就覺得質素太差。
中國方面就話係由泰國電影公司取得版權，仲話唔係山寨作品。但係泰國電影公司其實係喺08年12月從泰國人辛波特桑登猜手中繼承奧特曼嘅全球地區無限期使用權不過辛波特桑登猜喺08年2月嘅時候，喺泰國已經因為偽造文書罪被判有罪入獄，奧特曼版權文件同樣被泰國政府裁定為偽造。
對於電影《再見奧特曼》日本原作擁有者圓谷製作室發表聲明指《再見奧特曼》屬侵權，開拍前完全冇經過日方同意，喺今年3月及7月已經向製作單位發出警告書。如今電影已經上映，佢哋將會向對方採取法律行動。
如果《鋼鐵飛龍之再見奧特曼》有機會喺香港上映，大家有冇興趣去睇呢？ |
發表於 2017-10-8 06:12 PM
| 
