阿Bob爆料初入行做DJ被陳姓藝人無禮對待，元老猜係邊個?
邊個咁X串  
好多藝人表面雖然好風光，但係絕大部份都經過未紅嘅時候，而佢哋當時嘅辛酸又有幾多人知道呢？
就好似而家喺演藝圈都撈得唔錯嘅Bob林盛斌，雖然唔係靚仔，不過憑著搞笑有喜感嘅樣貌，口齒伶俐又轉數快，被雜誌爆佢每年吸金1700萬，被稱「吸金奇兵」。
不過佢日前喺荃灣一間中學同學生分享初入行做電台嘅經歷，就講到原來佢開咪之前其實做電台廣告sales，經常被人睇唔起，仲叫佢「阿豬阿狗」。
之後轉去做電台PA嘅時候，亦同樣得唔到人尊重。Bob就話喺2003年嘅時候，試過搵歌手錄節日嘅祝賀說話，其中有位歌手睇完對白嘅稿之後， 竟然將張紙掉喺地上，之後調頭走咗。
Bob相信呢位歌手應該唔會記得呢件事，但係當時佢就有種不被尊重嘅感覺。由當時起佢就決定要振作繼續工作，仲同自己講要努力做嘢做好自己，希望有一日會得到尊重。
呢個咁有意義嘅故事，除咗話俾各位聽無論遇到咩挫折都唔應該放棄，繼續努力，總有一日會得到人哋尊重之外，最引人入勝嘅當然就係呢位咁無禮貌嘅男歌手係邊個呢？
Bob俾嘅貼士：
1. 靚仔
2. 愛hip hop打扮
3. 講過退出娛樂圈，不過之後出返嚟
4. 姓陳
咁究竟呢位歌手係邊個呢？2003年嘅時候，咁大脾氣應該都仲係後生仔；可以發咁大脾氣而又繼續喺娛樂圈打滾，咁應該都幾紅，究竟係邊個？大家自己估下啦！ |
發表於 2017-11-3 02:41 PM
| 
