今屆美斯賣錯廣告，胡生點睇?

自拍男

大頭娃娃死人無數，記憶尤新



查看相片

近年國產乳企動作頻頻，繼伊利獲得2022年北京冬奧會贊助權後，蒙牛旗下的雅士利也成為俄羅斯世界盃官方指定奶粉，目的，就係想「走出去」。
今次蒙牛於世界盃，可謂不遺餘力，除咗投入20億人仔進行立體營銷，旗下四大類產品亦取得共享世界盃營銷權；於世界盃64場比賽中，蒙牛有7分鐘場邊廣告時間，早前官方預計會有超過500億人次傳播量。
當然大家都知道，簽美斯代言，係另一招更大殺著，讓「球王」於蒙牛嘅草地上奔，係中國人幾咁光彩嘅一件事？
但亦早有市場人士認為，世界盃營銷大戰，要避免自我陶醉，不要以為中國一定是贏家。以海信為例子，其4月份受惠於世界盃官方贊助商身份，電視的市場零售量和零售額再次佔據第一，但計實際收益，單係世界盃營銷費用，已經係接近海信電器上年9.42億元人仔嘅淨利潤，所謂收益增加，根本係杯水車薪。
況且，今次美斯已經瀕臨出局邊緣，原本大有機會連場的「球王」效應，消失殆盡；往後蒙牛的整個營銷鏈上，缺乏明星加持。如果此時蒙牛才找死敵C朗來賣廣告，肯定所費不貲，二來情況相當尷尬，隨時得失美斯以及其球迷。
此外，事實上自從阿根廷慘食3蛋，中港兩地，均一致負評，甚至有人製作了美斯的落敗原因，就是因為飲了牛奶。
查看相片

.
更多
目前蒙牛股價走橫，形勢尚算不俗，但隨著阿根廷真的出局了，蒙牛要怎樣才可以挽回巨額宣傳投資呢？