趙頌茹串鳩周永恒︰唔好再Loop啦，元老點評?

電騙男

無限Loop


查看相片


阿Yu自力更生，從不強求囡囡的生活費。
更多

藝人趙頌茹（Yu）四年前因「小三」介入與周永恒（Roy）爆婚變，對於前夫懺悔求她與女兒原諒，阿Yu麻木說：「仲講呢啲咁得意！」下月再為人父的Roy被老婆爆因舊事患嚴重抑鬱，挺夫做個負責任的爸爸。


趙頌茹跟周永恒2014年因「第三者」o靚模劉依靜介入爆婚變，去年底正式辦妥離婚手續後，阿Roy於今年5月與內地女友陳薇（Britni）入紙註冊結婚，下月再做爸爸。近日阿Roy再度聲淚俱下向前妻講對唔住，指四年來兩個女兒不肯見他，自責虧欠她們太多。對此，阿Yu淡然說：「都過咗去，仲講呢啲咁得意嘅。（原諒佢？）我諗唔係原唔原諒，佢有佢生活，我有我工作，都已經過去，唔好再Loop啦！」


囡囡四年唔肯見


阿Yu承認父女三人四年沒有見面，不過嫲嫲有見孫女。對於女兒不肯見爸爸，阿Yu欲言又止說：「小朋友愈嚟愈大有佢哋諗法，暫時意願係唔想（見），等佢哋有日覺得OK，我一定會安排。」問到前夫可有給贍養費？她指贍養費以一元形式一次了結，但小朋友的生活費，離婚後頭兩個月有支付：「但之後冇畀，呢個月佢又畀咗，呢啲係佢要做嘅事，但冇得逼，我寧願靠自己努力工作，養活兩個女兒。」對前夫快做爸爸，她說：「各有各生活，同我無關，不過我會祝福佢哋。」


陳薇護夫爆患抑鬱


將再做爸爸的Roy則回覆指：「太太預產期係9月4日，喺香港生，我簽咗新公司會重新出發。」佗住B仔的陳薇指Roy冒住畀人抨擊，努力面對傷疤：「因為舊事令佢患嚴重抑鬱，輿論壓力好恐怖，希望佢走得番出嚟。」她勉勵Roy盡一個爸爸應有的責任：「始終佢係兩個女嘅爸爸，我都希望佢同前妻保持良好溝通，將來小朋友生活上有咩問題都需要雙方解決。」


查看相片


阿Yu指若他日兩個囡囡願意見前夫，她定必安排。
更多
查看相片


Roy與內地女友陳薇早前拉埋天窗。

電騙男

前妻正過現任