Board logo

標題: 意甲假波傳閒 [打印本頁]

作者: 20001160    時間: 2006-6-3 11:59 AM     標題: 意甲假波傳閒

有意大利足總高層爆料,祖雲達斯同費倫天拿來季要降落乙組,如果屬實話,肯定係意大利球壇大災難!

意大利假波案爆出之後,已經有好多隊都受到牽連,初時大家都以為只係得莫吉同埋祖記會受罰,但係足總諮詢委員會副主席斯塔格里亞諾就話唔係咁簡單,佢話雖然足協未正式公開判決,但已經出草案,待世界盃決賽周後就會宣判,費倫天拿將陪同祖雲達斯降落乙組。  

AC拉素甩身
  

斯塔格里亞諾接受意大利《快報》時候爆料,話費倫天拿將會陪埋祖記一齊落乙組,而AC米蘭同拉素就冇事,不過意甲冠軍就暫時未定會唔會改頒畀AC,而事件主角莫吉就大大鑊,佢因為涉嫌控制球證影響賽果,好有可能被判入獄二十年,就算上訴成功都要八年,佢個仔亦被控恐嚇球員同球會,睇佢兩父子都幾難走得甩喇!至於涉案球證迪桑蒂斯亦有可能要入獄七年。

祖記練卡比路最近又再傳出轉皇馬消息,球會高層就同佢開會傾下季買乜球員,不過開四個鐘頭都冇結果,加上呢次講到降班咁堅,卡比路梗係諗自己前途先啦,仲邊得閒同你諗買人!


又講到似層層咁    到時星散就好睇過戲




歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0