衰貓

Originally posted by 熱男 at 2006-7-25 13:57:
有
D人養魚成日話落.物物劑....

我諗你唔係好明白做乜要落添加劑，以海水魚為例，會分為齋魚缸同埋珊瑚缸，而又以珊瑚缸取為需要加入添加劑，因為缸中既珊瑚會不斷消耗水中既元素，所以要定時加進添加劑以供給珊瑚所需‧‧‧‧‧齋魚缸亦有需要加住添加劑，但較珊瑚缸為簡單，因為一般換水用既化學鹽已有足夠魚類所需，只需要添加少量已可以，魚類在缸中是否健康主要被捕足方法，運輸，處理，食欲等等因素所影響，並非如你所講，一唔落添加劑啲魚就會唔掂‧‧‧‧‧

衰貓

Originally posted by 三一 at 2006-7-25 17:54:


好多人抗拒落野, 擔心俾人呃

個個新手都好難避免俾人呃呢個階段，但依家係網上有多個海水魚既forum，可以俾新人參考參考先落手買嘢，俾人呃既通常都係唔聽話懶醒嗰啲友仔‧‧‧‧‧

衰貓

Originally posted by JerryLee at 2006-7-25 18:10:


Bro 你系米養左好耐魚
好似箇專業人士窩

好耐就唔係，四五年貨仔，唔算得上係專業人仕，只係好喜歡呢種嗜好，所以有放過時間心機同金錢玩過下咁，靚器材既中型缸有玩過，完全唔靠器材只靠經驗心機既缸仔亦有玩過‧‧‧‧‧

衰貓

Originally posted by pk_devil69 at 2006-7-26 23:06:
冇ar,my home太細la.......

細有細養，大有大養，我之前養緊既珊瑚缸仔只得10吋x8吋x12吋，係用最簡單既方法同最低既budget去維持，只用風扇同埋慳電膽，一樣可以養得好好，換水亦只需要十五分鐘就搞掂，所以並非一定要地方大先可以養‧‧‧‧‧

衰貓

Originally posted by 熱男 at 2006-7-27 03:51:

你講緊係珊瑚食物.我諗你唔明我講咩

珊瑚食物係另一樣嘢，嗰啲叫葵糧，你講緊既係一啲水入面既微量元素，唔係珊瑚食物，嗰啲元素係海洋生物既基本所需，魚類係無辦法單從食糧中攝取倒足夠既元素，所以先要作額外既添加‧‧‧‧‧

衰貓

Originally posted by JerryLee at 2006-7-27 04:02:


唔靠器材 有D魚好易死架窩

其實唔係一般人所想既咁易死，亦唔係單靠器材就可以令魚同珊瑚唔死，只要知道魚同珊瑚所需要既實際係咩，就算係無一大堆器材幫助，都一樣可以養倒‧‧‧‧‧
俾張相你睇睇‧‧‧‧‧

衰貓

Originally posted by 熱男 at 2006-7-27 04:05:

我講緊係魚..咁唔落會唔會死呀?

唔落唔係實死，只係無咁靚咁解，其實人工海鹽入面已經有所需既元素，如果魚類數目唔係太多既，就算唔作額外添加都無問題，但FOT以魚類為主，魚既數目較多，稍作額外添加會較好，正如用作照明既燈一樣，用光管唔係唔得，不過無用鹵素燈照出黎既魚咁靚啫‧‧‧‧‧

衰貓

Originally posted by 熱男 at 2006-7-27 04:16:

你玩開海魚.岩喇
果d機械蝦.有幾耐命仔?(細野)開始養

機械蝦？！係咪即係駱駝蝦？如果係我所講既嗰種，我都唔係好清楚，因為佢會傷害珊瑚，所以從來都無養過，但斷估一年半哉命都有既‧‧‧‧‧

衰貓

Originally posted by loklok117 at 2006-7-28 19:24:


錯x10000
第一.水中有氯...

我個超少型既珊瑚缸就用唔同既處理方法‧‧‧‧‧
因為個缸細，所以可以用純水，唔使擔心氯氣及水入面既雜質問題‧‧‧‧‧
亦因為缸細，不能依靠器材，而我亦餵得多，所以換水亦相對地比較密，約莫三日換一次水，一次約換70%到80%，咁先可以維持到水質‧‧‧‧‧

衰貓

Originally posted by loklok117 at 2006-7-28 23:46:


珊瑚缸...??
咸小定淡水ar
有咩魚先

一定係海水(即咸水)先可以養倒珊瑚，而魚就係一啲比較小型唔會大過兩吋既魚種，因為缸太細既原故‧‧‧‧‧
珊瑚缸既難度就係，你必需經過幾個月既穩定期先可以養倒魚，否則無論你加入邊種魚都會因為白點而死，所以係開缸初期要忍住唔買得魚，到進入穩定期之後，加入既魚就會非常之好養，而且因為係用純水既關係，所以可以一次過換七八十個巴仙既水都無問題‧‧‧‧‧
淡水我都養過，其實都好鍾意，但始終都覺得唔及海水魚，所以將個原本用黎養淡水魚既缸仔鑽窿改裝再養珊瑚同魚‧‧‧‧‧