旺角黑幫發聲明解析

港九各社團發表聲明：

我們某些成員昨晚在旺角表現克制，冇動架生，口罩亦只係一般裝備，大家街坊費事以後碰面引起尷尬，我們亦愛港愛角，即係旺角，你阻塞交通，不許我們上班，區內娛樂事業瀕臨崩潰，遊客自由行冇哂，剩低你哋佔中社團喺彌敦道打橫打掂自由行，我哋一向出嚟行，而家冇路行，我地唔係公務員，唔係知識份子，但都係香港人，講句真心話，其實我哋都唔想郁手郁腳，因為我同你哋佔中呢個字頭大家都係搵食啫！你哋有收靚我哋都有，你哋呃鳩啲細路出嚟做嘢我哋都係，唯一唔同係我啲靚有糧出，有事我哋會籌旗幫佢哋，話唒佢哋幫阿公打生打死。聽講你那邊佔中字頭D大佬輩，個個大疊大疊錢袋落袋，D靚就冇糧出仲連車錢都自己俾埋，所以有啲嘢我哋要跟你學，仲有大家都係做違法嘅嘢，你哋可以公開吹雞公開差人公開政府，連地鐵九巴銀行金舖呢啲我哋冇辦法收到陀地嘅地方都要照你哋意思做，仲要有差人保護你哋，你哋真係好撚高囉，所以我哋一定要做啲嘢，唔可以俾你大到，維謢地盤，保護字頭尊嚴，敢至係真正社團精神。

社團最後嚴正聲明，擾亂警方一向阿公歷年致力工作目標，社團絕對不會同警方合作，社團成員出事 亦不會召警救援，呢個係簡單的江湖精神，江湖事，江湖了，政治事，政治了。

真係講都冇人信，黑社會發聲明 !! Just for your leisure reading