[轉貼]殯儀騙案

見到呢個題目，我可以分享一下，呢到後生仔多，搞過家人殯儀的人，可能唔多，講出來，以後大吉利事要搞的時候，都知要點避免被騙．

其實殯儀，係好易被人呃到錢，因為親人死去，你搞得，真係你係至親之一，咁通常都會好傷心，錢銀反而唔覺好重要．所以要留心．同一個儀式，最多可以相差超過十萬元．

１．醫院老鼠．
好多殯儀經紀，會係醫院等，見你死人，就走去安慰兩句，然後就話幫你，叫你比死者的身份證佢，記住，記住，記住，未決定比邊個做，千期唔好比死者身份證人，係行內，比ｏ左身份證，即係代表佢做，佢攞ｏ左身份證，都可以搞到你好麻煩，所以千期唔好亂比．

２．生死註冊處．
你死ｏ左人，醫院會叫你帶文件去氐死註冊處辦手續，咁呢ｏ的地方，都係好多殯儀老鼠，小心小心．如果你係去生死註冊處前，已決定比邊個做，你可以叫佢代辦．

如果你要處理殯儀，或者將要（好多時都知），你不妨放ｏ下風，通常身邊都有朋友有經驗，咁睇ｏ下邊個口碑好，再比較下價錢，問ｏ下ｏ的朋友，邊ｏ的儀式要做，邊ｏ的其實可以唔做．如果係基督徒，咁教會牧師會幫心，佢地好有經驗，基督教的殯儀，真係會平好多好多．．．，如果又無朋友識，又驚比人呃，咁你去紅磡ｏ個幾間殯儀館（記住係殯儀館），即係永恆，萬國．．．，佢入面有銷售部，你值接搵佢地，聽聞係頗公道的價錢．

有一些事要注意，
a．殯儀事項，其實最好盡快決定搵邊個，但係又唔好即刻，親人離世，心情一定唔好，好易作出錯誤判斷，即係休息一晚，第二日再決定，決定ｏ左，好多ｏ野佢會代你搞，你只要跟著佢做就得，所以選擇邊間殯儀係好重要．
b．出殯定邊日，通常係火葬ｏ個日前一天（現在大部份係火葬），可能你唔信，現在排火葬，隨時要成個月，記住，定ｏ左邊日，係改唔到日子ｏ架．
c．其實貴同平，最決定性的是兩樣，第一，係個出殯的堂，第二，係做儀式的人，第三就係棺木，其他的，其實分別唔大．

３．靈位．
靈位（即係骨灰位）的價錢，可以相差好大，政府的，幾千元搞掂，玄圓學院靚位，要成十幾萬，十萬都係個locker咁大，而且現在，好多人做呢ｏ的骨灰位生意，如果選的時候，最好揀ｏ的大間ｏ的，歷史長ｏ的廟宇．如果火化ｏ左之後，搵地方暫時放的話，你的殯儀通常都可以比你放．骨灰盅，有平有貴，自己出去紅磡揀會好ｏ的．

收藏分享讚好

EF小人物

回復引用

訂閱 TOP

返回列表回復發帖

＜＜新主題 | 舊主題＞＞

娛樂滿紛 26FUN» 吹水版 » 【空間靈幻異次元】 » [轉貼]殯儀騙案

重要聲明：26fun.com為一個討論區服務網站。本網站是以即時上載留言的方式運作，26fun.com對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。26fun.com有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。