|
- 帖子
- 1041
- 精華
- 1
- 威望
- 87
- 魅力
- 0
- 讚好
- 0
- 性別
- 男
|
7#
發表於 2005-6-3 07:05 PM
| 只看該作者
我住在macau都聽過.......
濠江奇談 - 十八級
上次講過大三巴 , 松山大家又知唔知係邊呢?
松山係澳門半島最高的地方(全澳門最高的地方係路環的疊石塘山) , 為此 , 當時號稱海上覆王的葡萄牙王國，黎到澳門之後有乜理由唔用松山做軍事要地呢?
話明軍事 , 當然又係有關於防空洞啦。
在澳門唔係 『 名校 』 的學校學生，一般都好鐘意去松山防空洞玩探險的。
學生時期一般創作慾都較強 , 防空洞內一個個鬼故事 , 一個個名稱產生了出來。
不過為之最出名的莫過於 『十八級 』, 我哥斯拉聽回來的故事是這樣的。
話說 , 防空洞是用來走難用的 , 雖然是路窄彎多 , 不過多數都唔會起條樓梯在防空洞內。咁如果有樓梯又有乜問題呢？
走難的時候 , 如果係樓梯 , 前面的人倒下 , 就會連累到後面的人全部都走唔到。不過松山十八級就試過走一次難 。
話說 , 那時在那裡留守的葡國軍人家屬 , 全都因為知道那裡走起來特別危險 , 一定會記緊那裡有十八級。 一次不知什麼事 , 在一個黑夜 , 全部要走難了 , 一群人都走到了十八級 , 走到那裡的軍人家屬都心中暗數：
『 一 , 二 , 三 , 四 , ...... , 十六 , 十七 , 十八 " "十八之後就有出路了。』
一個不懂事的小孩子也走到那裡了 , 大聲數出 『 一 , 二 , 三 , ...... , 十七 』其他的人都諗 『 快點啦 , 十八十八 ... 』
誰不知， 『十七 』之後 , 小孩向後一倒。全軍全倒下了 , 而且敵軍追到了 , 舉槍把葡軍亂槍掃射。葡軍全軍覆沒。
一次，一班學生就黎呢個十八級探險。
『拿．．．所以我地入到去 , 去到十八級之後大家行還行 , 一定唔可以數 , 以前都有人試過行到去之後數級數 , 不過唔係數到十七級 , 就係數到十九級 。冇一個數到真正數目的。 』帶隊的阿全說：
『咁究竟有冇人數到十八級呢? 』最細膽的波仔說。
『 有。 』阿全說
『 咁究竟發生左咩事呀? 』另一個初中生說。
『在一次中學考試之後 , 一群學生又再到松山防空洞玩探險遊戲 , 一群人一同行到去十八級 , 帶頭的人就提議玩小學遊戲"數樓級" , 玩法係第一個人行一級叫數一 , 第二個人行兩級叫數二 , 如此類推 , 行到最後一個就回到第一個行的人行到最後行的人的對上一級 , 行到最頂一級的人 ,要用最快的方法計出有多少級 , 結果到達最頂的人叫出十八 , 大家特然從後聽到槍聲響起 , 見到一大群穿著軍人制服的人倒在地上 , 血流成河 ,恐怖非常．．．
晚上 , 十時多一群學生也未見學生們回家 , 就到處找 , 結果在松山山腳發現學生們全都倒在那裡, 而且已經氣絕人亡．．．
．．．件事就係咁的了 , 所以千祈唔准數樓梯級!！』 亞全說。
『車～我又偏唔信，呢Ｄ傳聞既野，嚇鬼架者 』強仔說罷就跑進了防空洞 ... ...
筆者也曾到十八級多次 , 也未曾試過數樓梯，你可以說我不敢，老實講，我真的不敢．．． |
|
