|
- 帖子
- 2436
- 精華
- 1
- 威望
- 51
- 魅力
- 385
- 讚好
- 0
|
1#
發表於 2009-8-1 01:27 PM
| 只看該作者
馬田斯加盟德甲冠軍 及 其他最新轉會
已落實 :
雖然迪斯高沒有被AC米蘭挖走, 但禾夫斯堡仍然購備新火力, 買入尼日利亞快馬馬田斯, 誓保德甲皇座, 紐卡素降班難免樹倒胡猻散.
羅馬雙雄爭奪國米前鋒朱利奧告魯斯有結果, 拉素爭贏羅馬, 薩拉迪來季將可與阿根廷同鄉合作攻堅.
埃及王子黯然告別英超以至歐洲球壇, 米堡降班英冠, 韋根及其他英超球會均無意問津, 米度被外借回埃及母會森瑪力.
俄超辛尼特買入拖連奴中場羅仙拿, 但荷蘭籍名帥艾禾卡特公開埋怨呢單買賣無助球隊增強實力, 不滿領導層買人善作主張, 越俎代庖. (咁羅仙拿會好無癮架噃)
意大利老將彭路基跳"馬", 由羅馬跳到柏爾馬.
利物浦棄將芬倫回歸英倫, 由愛斯賓奴轉投樸茨茅夫.
韋斯咸買入瑞士草蜢名不經傳的18歲小將達佩拉, 老將卓斯坦則再度沉淪, 已被遣返西班牙踢新升班蚊型班卡迪斯. 佢响拉科時既老拍檔路基都一樣返番西班牙, 由阿積士轉赴馬拉加.
另一名西班牙人沙柏達由薩拉戈撒投效熱拿亞, 將與基斯普同為新東家效力.
盛傳中 :
三周前皇馬秘密開出天價8千萬歐羅再斟列貝利, 拜仁阿公碧根巴奉陪到底, 聲言起碼要出到C朗個價至有得傾, 曾表露心跡想搭新銀河旗艦的列貝利自歎身不由己, 唔理得咁多. (皇馬, 癲夠未? )
國米車仔兩難留, 迪高準備出走土耳其, 兩大班霸比錫達斯同加拉塔沙雷都話對佢有興趣. (咁佢大可問吓隊友安歷卡攞啲料先...)
AC新帥李安納度長他人志氣, 自認軍容唔及國米同祖記, 卻返轉頭再斟皇馬清貨名單中的荷蘭射手亨特拉爾. 同時, 早前宣佈拉倒買入法比安奴, 而家又話同西維爾再傾過. (玩咩! )
利記放走杜辛拿, 佢正在同買家拿玻里傾緊人工.
英國太陽報報導利物浦準備收皇馬3千5百萬歐羅放走沙比仔, 然後用黎向華倫西亞買大衛韋拿. 韋拿曾經講過唔想離開西班牙, 除非係利物浦就可以考慮. 據報賓尼迪斯仲好想乘機要埋大衛施華. (不如俾哂成隊西班牙國家隊過你好未?)
阿仙奴似乎留唔住伊保爾, 但費倫天拿仲係嫌貴要諗諗先. (阿記除左雲加仲有邊個留得住?)
英超暴發戶曼城最新叫價提高至2千萬鎊, 愛華頓終於心動, 考慮要錢唔要列史葛, 搵兵工廠辛達魯斯頂佢個位. (咁雲加咪要搵埋U16上A隊?)
不過雲加正力勸舊部韋拉回流阿仙奴. (黎新球場睇波咋卦! ) 唔怪佢事既馬基里尼大表贊成.
熱刺中前場好夠人, 維拉好似唔多夠人, 贊拿斯有望走人.
史篤城仍然好想買韋斯咸的失意兵艾殊頓. (喂, 連般莫迪都跛埋, 人地已經無哂前鋒, 想睇蘇拿落場都唔駛咁搞卦!)
森莫拉明言寧可留效富咸, 但候城仍然窮追不捨, 同時亦想邀請紐卡素既"A貨古列治"比耶過檔. (咁即係又要打護級啫!)
韋斯咸想要國米新星巴洛迪尼, 似乎純屬蘇拿吹水居多. (荷包缺水, 唯有吹水)
[ 本帖最後由 shehboy 於 2009-8-1 04:26 PM 編輯 ] |
-
2
評分次數
-
|
發表於 2009-8-1 02:30 PM
| 
