分享社論 "權貴犯法輕饒 法治之區病了"

嘩嘩嘩！富家子弟一個又一個駕車闖禍，然後一個又一個法外開恩，唔怪得之窮等人家個個望發達啦，發咗達咪可以享受逍遙法外嘅權貴待遇囉，犯咗法都冇必要受到應得懲罰！' l- M: x8 b5 ~4 _7 y
- v( b- M( ]- p/ F# E
大家可能會問，唔係吓話？香港唔係出晒名嘅法治之區咩？有乜可能權貴犯法不與庶民同罪？問得好！其實功夫茶都想知道香港到底係咪已經進入法治已死嘅彌留狀態，如果係嘅，考慮移民。
' j+ w! Z/ [& D' F! u! x6 U2 q( J7 u$ T  ?: `; b2 U
富家子弟逍遙法外最近總共有三單，逐單逐單略略介紹一下先啦。
" i+ y6 f' v! `$ P& h  B2 n; i# `- \) i2 ?; y6 B3 U+ U
第一單，前民政事務局常任秘書長李麗娟有個寶貝女，西隧出口超速駕駛，時速限制五十公里竟然開到九十四公里，即係超速接近一倍，簡直係逢車過車女車神。阿女即場被警員截停，當堂斷到正一正，睇怕吟詩都吟唔甩。點不知一上到法庭，前高官嘅寶貝女以「時速路牌被遮擋」為由否認控罪，而法官大人唔知點解又接納，超速罪名洗脫得一乾二淨。
. [. s2 r3 w  x& c! {5 F4 O. ^* z/ A! U: p
第二單，終審法院常任法官包致金有個姪女，撞車之後不但拒絕吹波波，而且眾目睽睽之下掌摑警員，第三次涉及襲警罪。哈，法官大人又唔知點解冇判呢個襲警積犯坐監，只係輕判感化令、停牌一年以及罰款八千。輕判嘅理由係乜呢？良好背景喎，美滿家庭喎，榮譽畢業喎，總而言之唔係壞人只係病人。9 V9 W; o8 G. Y4 o& W1 l2 j0 U
& _' u, Q6 M& j
第三單，上市公司豐德麗副主席唐家榮有個寶貝仔，承認未獲授權使用車輛、無牌駕駛、醉酒駕駛、無第三者保險及不小心駕駛罪，法官大人再一次從輕發落，僅僅判處一百五十小時社會服務令，罰款一萬二千元。
2 N* s6 v2 J& X5 {$ n* P+ @9 y  E3 ~6 v3 H4 E% g, C
一口氣講完三單案例，功夫茶愈講愈心寒。喂，係人都知襲警好大罪，何況已經唔係第一次，咁都唔使坐監受靶，難怪警隊上下震驚扯火，一來感覺受盡侮辱，二來擔心執法困難。講真，假如功夫茶係得到特權保護嘅名門望族，咁啱有個親戚做法官，日後確係有衝動一見警察就大巴大巴兜巴星，反正摑完警察都冇事嘅，唔摑就笨咯！, A0 h4 n  R& a5 A+ y$ B5 L0 l

% E3 L0 C; d! ~0 |( M* B至於揸大膽車仲要醉酒駕駛，同樣係人都知好大罪，政府宣傳片成日嚇人，醉駕一經定罪就要入獄。如果換轉係冇人冇物無權無勢嘅普通人，睇怕洗定八月十五踎監過中秋都得啦。吖，上市公司高層嘅下一代果然神仙放屁不同凡響，基本上乜事都冇，服務社會咪當做運動囉，區區罰款更加係碎料。" X5 Q" \) B/ b0 N
2 W% w9 [) w, ~0 s$ k) y: g! k
三單之中最引起各界嘩然嘅焦點人物毫無疑問係包致金姪女，事關呢位法官口中嘅病人，功夫茶思疑係公主病，病發期間摑警一幕清清楚楚攝入鏡頭，逍遙法外特別惹人反感。所以咯喎，怒不可遏嘅網民已經喺facebook設置多個群組抗議，其中一個群組叫做「強烈要求律政司介入，重判包致金姪女Amina」。網民會唔會上街示威呢？唔知㗎，今時今日互聯網一呼百應，隨時又搞出個大頭佛。* w+ {& E* H' U2 H) X$ |$ c
5 `3 J  T. n6 D0 z/ E4 j  j6 ]
計功夫茶話齋，莫講話公主病了，香港作為法治之區其實同樣有病，如果唔係病到五顏六色，冇理由餐餐輕饒權貴！

& d* t  n& m$ \$ w9 V
& @! e0 e# o& C4 a$ M呢 3 單 CASE 真係 天地不容 ) ]0 A# R, J2 N5 n# E9 w