深雪話呢個係香港女仔好失敗既地方, 唔知大家點睇?【蛙+】

godsonno

有一次聽女作家深雪接受訪問時,
佢話香港女仔有一樣野係比唔上台灣同大陸女仔,
呢樣野就係對自己另一半既崇拜.

台灣同大陸女仔就算學歷同收入好過男朋友,
佢地都唔會睇少自己男朋友, 反而會發掘男朋友既長處,
藉以去崇拜佢（唔係尊重, 係崇拜）,
將男朋友當成係偶像、皇帝看待, 令男朋友有一種虛榮心,
有一種無上尊嚴, 咁樣個男朋友就會更加愛個女仔.

反而香港女仔唔單止唔會崇拜自己男朋友,
仲會睇唔起自己男朋友, 深雪話呢個係香港女仔好失敗既地方,
如果個女仔唔崇拜自己男朋友, 呢段關係唔會長久咁話.

[ Last edited by toro on 2006-2-26 at 01:06 PM ]

樑少

有d香港女仔有好多失敗既地方
唔單止係依個
仲有好多好多,例如:
有左男朋友仲未夠,去勾三搭四(好似難聽左d,但係事實)
佢地認為男朋友係萬能既,上至天文下至地理無一不曉,(但係..人邊有完美..)
有d香港女仔真係好失敗

buengland

上海女仔最成功

每當佢地男朋友比啲咩物質著數佢地, 就會好崇拜佢地男朋友

"你好叻啊, 買一個 lv 仲夠仲要買二個一樣款俾我替換"

講笑啫

香港女仔點都俾中國, 同台灣女仔自視高同驕傲一啲

始終香港幾十年前已經係一個富庶既地方

香港人接受既教育, 資訊, 社會經濟既發展都比人行先一步

女仔亦都有獨立能力揾錢, 工作能力都不比男仔遜色 (相返如果個社會文化係仲有一啲保守思想, 例如女仔生完bb 就最好要自己奏返, 要孭起照顧家庭既責任, 咁啲女仔係結左婚後佢地既精力吾多吾少都攞左去屋企上, 而男仔就可以大安指意全力工作, 咁啲女仔當然無咁多時間, 精神放在工作, 進修度, 甚至索性吾做照顧家庭, 咁就造成女人會更加依賴男人)

相返在香港, 大家有同樣學問, 同樣既工作機會, 又已經無乜果啲傳統既女仔要持家有度果啲文化, 宜家廿三十歲既年輕夫婦, 都係兩個出嚟做野, 然後分擔家務.......

咁所以香港女仔咪會自視高一些, 而且打扮一下自己就不難取得少少注視目光, 個樣靚啲就大把人追, 咁仲駛乜當男友神咁拜呢........

godsonno

Originally posted by 樑少 at 2006-2-26 03:58 PM:
有d香港女仔有好多失敗既地方
唔單止...

有d香港女仔有好多失敗既地方
唔單止係依個
仲有好多好多,例如:
有左男朋友仲未夠,去勾三搭四(好似難聽左d,但係事實)
佢地認為男朋友係萬能既,上至天文下至地理無一不曉,(但係..人邊有完美..)
有d香港女仔真係好失敗

係啦.  我見過有d女仔真係好識得利用d 男仔, 當正佢地工人,工具咁~
用黎"zip"下時間.. 陪佢地.. 幫佢地做0野..  但佢地一開始就已經知道唔會考慮果d 男仔,純粹俾d 男仔痴埋黎 然後利用下 or 為左利益.  咁都無野啦, 可能你情我願.
有d仲係背後同d fd 曬佢有幾多人追,幾多裙下之臣  0個度先難頂!