Kian76

Originally posted by 艾奧羅斯 at 2006-6-12 12:33 AM:


但係英荷對手都有返咁上下!
返觀德國既對手係比較次...都比人入兩隊..唔覺荷蘭會差得過德國!

其實我係咁睇啦，一隊強隊面對較防守性既對手：哥斯達黎加、巴拉圭、塞黑，基本上係注定控制中場，哥斯達黎加由於實力問題，無化控制中場打主攻，巴拉圭本身狀態和發揮也水準以下，加上傳統以來也是主守的南美代表，而塞黑除了是南斯拉夫的改名後名稱之外，就同以前既南斯拉夫完全冇關係，踢法完全180度轉變，踢出02年德國的足球，由外圍賽開始己經係咁，基本上只靠高Q大腳打突擊，中場差不多是完全放棄。

在這樣的環境之下，德、英、荷理應得到很好的發揮機會，展露他們的進攻組織能力，但問題是，從中只看到德國在進攻組織上是最立體的，前鋒的突破力弱，也成功避開了這一弱點，利用變化大、流暢的中場走位組織來打亂對方防守，以流暢性來說是一絕的，也是我認為他們發揮較好的原因，但防守問題還是老問題，當然，德國起碼能展現他們有足夠既入球能力去替補防守上的弱點，有足夠的本錢去証明自已有條件去以攻代守，不會是攻不強守不穩，這是最重要的。

英格蘭方面，他們的對手巴拉圭本身己經發揮失準(記住，失準唔係勁旅既專利)，反擊的威力己經係差，甚至比哥斯達黎加更差，但英格蘭也末能把握得到後防無憂這個優勢去發揮，去進攻，只能造出單調的兩翼傳中，個波在兩邊輔位左右位置就有理冇理，明明對手飛緊埋黎擋波都唔理，照斬，成日攪到一個大好攻勢要由界外球重新組織，再加上黎黎去去都係左右兩邊斬，前面奧雲又發揮唔好，除左高治有少少用，可以控制倒高空做二傳之外，英格蘭既攻擊變化真係冇乜，而且最重要一點就係，英格蘭既進攻完全唔流暢，呢個係最大問題。

荷蘭方面，好明顯攻勢太過份集中在洛賓身上，雖然德國也集中在拿姆上，但分別在於洛賓太獨食，有好多時候也末能第一時間出倒個波出黎，錯失太多黃金機會去傳波，而且組織上太著重洛賓的個人突破，對方相對更容易防守，控制戰局但連射門都乏力，以流暢性來說實在不行，加上末段也完全失勢，可能我太看重荷蘭了，對他要求高了也說不定，但若以這種表現去迎戰科特迪瓦，我敢擔保：輸硬(但表現當然好過英格蘭)。

[ Last edited by Kian76 on 2006-6-12 at 01:44 AM ]

甘國武

洛賓超獨食！

Lyon

Originally posted by Kian76 at 2006-6-12 01:41 AM:


其實我係咁睇啦，一隊強隊面對較...

分析得非常中肯, 精彩........完全同意   
暫時睇左咁多場波, 覺得 阿根廷 & 德國 最有冠軍相.  

[ Last edited by Lyon on 2006-6-12 at 06:55 PM ]

scorerhk

大家唔知點睇,
荷蘭隊有點左右失衡,進攻太依重洛賓,問題係中場無左個可以控球突破,傳送得宜,平衡左右同控制進攻節奏ge指揮官,好似阿根廷ge列基美,當然唔係要有列基美的級數,我預其雲保美能勝任,但可能佢在巴塞出場機會少,唔似得在psv時詹前顧後的重心角色發揮得好,可能真係要期待雲達華治的表現
其實英格蘭同德國都有相同問題,缺少朗尼同波歷克的情況之下,兩者表現真係未如理想,由其德國後防來看,經驗默契都好欠缺,勝在佢地控球時間較長,否則真係......
我覺得雖然大家表現不理想,但是以球隊隠憂來看,進級之路與荷蘭同英格蘭相比,德國較不樂觀,可能有些人只看進攻,但我認為不重視防守,係好致命的,唔似得荷蘭同英格蘭,重有得汁下隊波