極樂

真係.....面子問題.......
大肚結婚雖然依家好普遍....
但係傳統人眼中都唔係光彩既事......
(我都幾傳統, 所以我媽咪佢地更傳統, 我知佢地口講無所謂, 其實....佢地好介意)

依家結婚係為左個bb......
雖然我同我男朋友都會結婚,
不過應該係兩年之後既事,
(其實我都想今年結, 過兩年生bb)

但係所有野都黎得太快.....
所以有點驚惶失措.....

但係我都期待住bb既出世,
到時可以post佢張相上黎呢到...
(不過bb要似我丫~~哈哈)

himo

恭喜你先 , 但你們有無經濟困難先 , 因為養個仔唔易架

能神所不能

極樂 （另一個美人！）你真係中左招呀？咁咪好囉！有人認頭要你啦！
個BB做我乾仔得唔得先？（講笑，點會有人認個【神】做乾爺）
其實要發生既始終都要發生！早D發生咪仲好！早D生既話同個BB無咁大既隔幕。

你男人有無$$其實唔係一個問題（好運既下期六合彩係你既呢？）
只要幸福就得嫁啦！
你話佢無$$只係因為你要求高姐！（我無怪你呀！你要多D安全感係正常嫁！）

結婚？
要好多$$$嫁咩？一定唔係，有大搞，有細搞！
人地要一百圍酒，你又要一百圍嫁啦咩？
睇下雙方父母既意思（如果其中一方想大搞既話，可以乘機話無咩積蓄，希望有資助）
排期註冊先啦！有名份呀ma！
其實普通黎講呢！五萬就可以搞到一個幾好既婚禮嫁啦！




p.s.你擔心個BB既奶粉$$仲實際啦！當然唔會要400萬咁鬼多，不過都要D$$嫁！

能神所不能

Originally posted by 極樂 at 2006-12-9 10:35 AM:
真係.....面子問題.......
大肚結婚...

仲有呀！差D唔記得添！
我唔係想你擔心！只係想你日後有幸福美滿既家庭姐！你要怪我，我都要講！
因為我識既人之中唔好唔少都係因為BB而提早左結婚嫁！不過個結果有好有壞！

你個心態一定要改呀！
你要緊記一點！結婚係兩個人既事，你同你老公都要多溝通，唔好忍住唔講！
你咩都無做錯，所以無欠過你老公。你之所以有BB佢都有責任！
我唔知你會唔會咁諗........
不過我見過唔少人，個女人因為有BB而結婚呢！都覺得自己有錯，有欠佢老公！
個婚禮夠唔夠體面，粒鑽石大唔大，禮金多唔多？同你地之間既愛有幾多係無關系既！

一個傳統（你自己話你自己係嫁）女人既最大成就，就係嫁到自己鐘意既男人！之後幫佢繼後香燈！而你咪係世上最幸福既女人之一囉！

你要享受下做幸福少奶奶呀！唔係個個都有機會嫁！
盡量放松心情！有開心野又好，有唔開心既野都好啦！你要講，唔好自己諗！
無人聽你講？唔知講俾邊個聽？你咪係呢度講囉！呢度至少有個美人聽你講！

緊記！你而家唔係一個個體，你既所有感覺你個BB都會知道（你都想佢健康快樂嫁）！一定要保持開朗，笑多D人有靚D，BB又健康D，奶水又多D（呢個廢嫁）！

真令人感到快樂呢！又有一個快樂幸福既家庭快要建立啦！

極樂

Originally posted by 能神所不能 at 2006-12-10 05:44 PM:

仲有呀！差D唔記得添！
我唔係想你...

我依家每朝都係到諗結婚既野(訓唔耐),
又要諗搬屋既野.......
今日.....終於決定左唔搬啦....
等bb出左世先算.....

我都知我要開心, bb先健康.....
但係....始終人既情緒唔係咁易控制......
除左個婚禮....其他野都幾完美.....
因為.....我有樣唔係個個人都有既.......
就係一個錫我既老公.....
雖然佢無錢, 但係佢係有10蚊會俾9蚊我使既人.....
所以我知我會幸福.....

我同我老公都鐘意仔仔,
不過.....我同佢既直覺, 同埋用果個"清朝計算生仔生女表"<--全部生左小朋友既, 都中曬 (我識既人裡面)....
我呢個應該係囡囡......

唔想生囡, 係驚佢唔靚唧~~(哈哈)
唔知我阿媽生我地幾姐妹果陣會唔會擔心!

當然, 最重要係佢健健康康....
錢銀既野, 我相會, 只要努力就得.......
婚禮既事就係門面野...

而且....我都好期待下期六合彩頭獎得主係我.....
咁好多問題即時解決..........

darkhunter

結婚/生BB/搬屋都係大 project
so 1 年做1樣個人冇咁多野煩...心情都會好d
結婚 ~ 等2~3年唔係問題
生BB ~ 冇得等
搬屋~ 等bb 出左世3~4年唔係問題

如果一次過煩咁多野..
真係大家都好難開開心心

sakura310

極樂姐姐最近好ma^^
我又幾天沒來了~~

我突然有個想法(請原諒我擅自渣主意 )
唔知美人批唔批呢?
如果得ge話,不如極樂姐姐得閒就係度分享下你ge感受同埋你遇到的問題
第時BB出左世,又係度post下相俾我地睇^^(有點長遠添 )
雖然我覺得可能會有少少同戀愛無關
但係我覺得有左BB係件好開心ge事(先不論結左婚未)
而且又係件好幸福ge事,所以如果極樂姐姐能夠同大家分享呢d喜悅就好lor^^(當然要睇你ge意願啦~~)
加上...我諗係呢度,應該好多人都未結婚ga la,如果極樂姐姐可以享下你ge經驗
可能對無咩經驗ge我地黎講(把大家都強拉進來啦 XD),將來會有幫助的

好了,今日吹水吹到呢度 haha


啊~對了~
聽媽說,多d摸下個肚,個BB會感受到你的愛的^^

[ Last edited by sakura310 on 2006-12-11 at 06:10 PM ]

hkcchk

Try to listen more music but should be soft music (no Rock n roll).  This should be good to the baby and you.

[ Last edited by hkcchk on 2006-12-13 at 04:35 AM ]

supereason

恭喜哂，有好多人想有但都沒有。

極樂

Originally posted by sakura310 at 2006-12-11 06:08 PM:
極樂姐姐最近好ma^^
我又幾天沒來了~...

你個提議我都有諗過.....
但係我覺得無乜人有興趣...
致於bb既相, 如無意外, 我都會post出黎......

另外, 你媽咪話多d摸下個肚.....
但係我媽咪話...唔好摸個肚....
因為成日摸個肚, 個肚會花(佢應該指有果dxx紋)

各有各既意見, 我都相信佢地兩個人講既野都係岩既......
問題係點樣去取捨!!

依家都係為左"擺酒"呢個問題而煩惱中........