<<新主題 | 舊主題>>
娛樂滿紛 26FUN» 吹水版 » 【空間靈幻異次元】 » 長州七孔女鬼
返回列表 回復 發帖

長州七孔女鬼

時間:一九九七年一月一日‧地點:長洲宿舍‧人物:Alice、Candy、Mary、Maybi
某日我o地學校去長洲宿營。我o地去到長洲,已經係黃昏。我同Alice和Mary、May都去左買o野食。
後來我o地就去左沙灘玩。我o地o係沙灘一邊食o野一邊傾偈,怪事就開始!

當我o地一邊食一邊傾偈,May見到有一個同我o地差唔多年紀o既女仔o係度又哭又笑。May問我o地睇唔睇到。

我o地話一個人都冇,又問佢係咪傻左。之後佢又見到果個女仔,我o地竟然都見到。

個女仔好樣衰,最令我o地惡心同驚o既係,佢竟然七孔流血。我o地驚到走返去宿舍話畀D朋友聽。

佢o地竟然好冷靜咁同我講:「有時有Do野唔輪到你唔信,因為呢個世界乜o野都有。」

經過呢一次,我o地就信世界上真係有D咁o既o野!之後每年舉行宿營,我o地都唔敢去。

李終貴按:終貴最近有個朋友,半夜仍然o係屋企打電腦。點知打打o下,見到隻杯突然裂開,佢覺得好奇怪,

隻杯又唔係有裂痕,又唔係倒入熱水,點解無端端會裂開?

終貴朋友由於太忙,冇理到,繼續打電腦,點知背脊突然有一處好痛,好似俾人o係背後用利器插左一下咁。

佢痛到無法坐直身,唯有走上床休息。點知第二日佢痛到完全冇辦法落床,睇醫生又驗唔出佢有咩毛病。

後o黎佢阿媽去求神,解籤佬話佢屋企有污糟o野,叫佢搵師父上門睇o下。

於是佢請個仙姑返屋企睇真D。個仙姑話:「你屋企以前唔係幾乾淨。呢層樓,你o地係買定係租?」

終貴朋友話:「係租o既。」個仙姑話:「係租就易解決,你o地快D搬。」

終貴朋友聽佢講,拿拿聲搬走,就即刻不藥而癒。後來佢問清楚個仙姑,仙姑講:「唔單只你間屋,

成座樓都有好多鬼黏o係牆上便。佢o地係原居民,好難同佢o地講理由,你咪俾返個地方佢就算囉。」
Is that 2 stories related? Is 李終貴 making a comment or started a new story ar? Coz I ready her stories b4, he likes to make comments after stories, but this time it didn't looks like lor~
返回列表 回復 發帖
<<新主題 | 舊主題>>
娛樂滿紛 26FUN» 吹水版 » 【空間靈幻異次元】 » 長州七孔女鬼

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。