請各位大佬,大家姐幫幫手

keungkee

我對個女仔表白左約2個月,個女仔當時有BF,但剛剛分左手,我地一路都好好仲係情人節kiss埋潻,但到左第二日佢既態度對我變左,而且打電話比佢仲冇聽,咁橋果日係佢BF從外地返黎,之後佢send 左個message比我話佢呢兩日心情好差所以無覆我,話遲D先搵我.但到依家佢都無搵我啦(已經6天了)各位大佬,大家姐點睇呀,幫幫細佬啦!好煩...唔該哂

leungman

你依家更加應該陪下佢添

keungkee

你依家更加應該陪下佢添

佢依家唔聽我電話,我都唔知點好

buengland

你宜家處於非常被動狀態

佢態度變好明顯同佢ex bf 有關

隨時已經同佢ex bf 一齊返都吾出奇

你係咪好鍾意佢, 如果係可以激啲狂追 (俾佢知道you are better than his ex bf, and will treat her really good)

成功機會好睇佢有機鍾意佢ex bf, 同佢ex bf 既質素

不過如果佢地真係咁樣一齊返, 你又同時咁追佢

你既成功機會吾會高過30%

因為個女仔之前同佢ex bf 分手, 佢都會有好大的吾甘心, etc etc etc

咁宜家一齊返, 短時間內都吾會咁容易考慮第二個人

你做好心理準備啦.......

Maxson85

其实我觉得你随时有心理准备好 d 咯，（我唔系有心泼你冷水）
照她甘既情形黎睇，你既机会可能少过 50%。。。
她同他既感情有几年先？之前系咪好好先？
或者会有人话：感情唔可以用识左几耐而定夺既~
但系识左几耐、系一齐有几年感情，会系其中一个因素影响个女仔既选择~
首先你要搞清楚，你同她既感情有几深先？她对你既感情系唔系真既先？
女人好善变既，如果他日她真系同番她 ex 一齐，
她分分钟会同你讲：果日我同你 kiss 系一时冲动，我都唔知点解~

搞清楚系必要既，但系千祈唔好避得她太紧，
俾 d 空间同自由她慢慢捻清楚。。。
其实作为男人，应该尊重女人既最后决定，
如果他日她选择左你，我系度恭喜你先~
但若然他日她选择左第个，都唔洗灰心既，老土 d 讲句：感情要拎得起放得低~
你系真心喜欢她既，祝福她咯~起码你对她既感情仲唔系太深果只，
好似我甘，深到一系做情人，一系连朋友都无得做果种就无谓咯~
如果失败左，大方 d 做番朋友咯~
我都希望你成功既~加油喇！！（得左记得上黎报喜啊！）

[ Last edited by Maxson85 on 2007-2-21 at 09:34 PM ]

keungkee

Originally posted by buengland at 2007-2-21 09:14 PM:
你宜家處於非常被動狀態

佢態度變...

我真係好鍾意佢,但係我依家好似咩野都做唔到咁

keungkee

Originally posted by Maxson85 at 2007-2-21 09:31 PM:
其实我觉得你随时有心理准备好 d 咯，...

其實我都問過佢我地有冇機會一齊(最多連朋友都無得做果隻)但係佢次次都唔答我,我都想搞清楚我地既關係係點樣,但次次都係無答案,點解佢晤可以決斷D呢

specificness

Originally posted by keungkee at 2007-2-21 09:44 PM:

我真係好鍾意佢,但係我依家好似咩野都做唔到咁

我知你一定係好中意佢，不過兄弟，有啲野一定要面對；大家都說得很對，機會其實不大。不過，與其成日估下估下折磨自己，不如三口六面講清楚佢，問下佢有無意思，定係希望你祝福佢（）。咁樣好hurt我知道，但估下估下咁hurt 得仲重。

其實拍拖真係要雙方面既，不論你幾中意佢，如果（touch wood）佢個心真係唔喺你度，真係唔到你去勉強。如果係咁，不如勇敢啲去面對！

specificness

Originally posted by keungkee at 2007-2-21 09:55 PM:

其實我都問過佢我地有冇機會一齊(最...

我唔清楚你女友是怎樣一個女仔，不過就表面證供睇黎，對唔住，我覺得佢喺度拖緊你。從我所見不免令人覺得，佢好似未係好清楚可唔可以同舊男友復合到，所以就唔想同你咁決絕，但又不能給你太大的希望，所以就顧左右而言他，選擇不回應。我不是你，但如果我喺咁既情形，又知道自己的機會少於一半，不如博一舖，迫佢選擇！佢唔比答案你，咁就當分手。基於失去你的危機感，你會加多一點分數——只有將要失去的東西，我們（包括你女友）才會想到他的好處，才會珍惜。

不過，當然要你去衡量你在她心中有沒有呢個討價還價的份量。如果沒有……那你還有留下的必要嗎？

Maxson85

Originally posted by keungkee at 2007-2-21 09:55 PM:

其實我都問過佢我地有冇機會一齊(最...

女仔多数都系揸唔定主意既，
更何况她而家处于匿种情况之下，又如何可以决断咧。。。
如果你承受得住往后无朋友做既日子+你又好想得到个答案+够胆放手一搏，
甘就长痛不如短痛，一于逼问到底！！（但可能有日你会觉得今日好低庄）
但系你最好预左她会讲 d 绝情既说话咯~因为成功既巴仙率唔会好高。。。
拖得耐，对大家都唔好，早一 d 放手就早一 d 解脱。。。。

其实你今年几岁啊？！ 你应该仲后生下吓哇？！
天涯何处无芳草，香港有甘多女仔，实有个岩你既。。。
唔好成日觉得你仲好中意她、放唔低她。。。
可能你会觉得个过程几折磨+残忍，但系慢慢你就会觉得其实你系可以做得到既。。。

我都系过来人，伤心过喊过傻过。。。
到左今日回头一望，觉得其实当时既我都几傻吓，
为一个唔会中意自己既人盲目甘付出，
以为真系会“精诚所至，金石为开”，他日她会俾我感动。。。
系啊，做左好多野，终于感动倒她喇，但甘又点吖，
感动=感激，唔系代表她对我有感觉，真系以为自己系做紧戏咩。。。

中意左她六年、追左三年，
分分合合，吵完又和好继续追她，追追吓又吵，吵完又追。。。
到左最后，都无试过真正拍过托，无真真正正做过她既男朋友，
甚至到左最后，我放弃做一班朋友，我捻你唔需要付出比我更大既代价呱？！
所以我觉得你其实都几好架，起码她真系有俾过机会你，有嘴过~
如果到左最后，你地真系无朋友做，最起码，她曾经同你有过美好既回忆，
几年后望翻转头，可能你会不经意地笑一笑~
少少苦楚等于激励，人要跌过先会长大，
经过匿次之后，我相信/希望以后你处理感情事会成熟 d 咯，
今日我地帮左你，他日就系你帮人架喇~

[ Last edited by Maxson85 on 2007-2-22 at 01:04 AM ]