極樂

原來餵人奶要屋企人既支持,
連我媽咪都唔支持我果陣, 我都幾灰.......
雖然佢口口聲聲話我自已決定,
但係之後又講一大輪野黎 ban 你....
其實有好多媽咪想餵人奶但係無奶.....
自已有, 但係又唔餵, 真係覺得係一種浪費.....

而我自已都無信心可以餵好耐,
只係諗住依家放假可以餵.......
到時返工先轉返奶粉,
因為我都想bb既抵抗力好d.....

阿媽今日已經話: 不如我買回奶丸俾你食啦 (即係收奶)
有d無奈.......
------------------------------------------------------------------------------
另外,
bb幾日人仔已經識扭抱.......
好奇怪!!
可能佢係醫院果陣, 喊到死死下都無人理...
依家知道屋企有人理佢,
所以佢會出盡力喊.......
我地個個話唔抱得, 由佢喊..........
但係當佢喊到唔收聲,
超辛苦果陣.........
我阿媽第一個話唔好抱慣佢......
但係永遠都係佢第一個去抱佢......

真係有排教lu~~~~~

specificness

Originally posted by 極樂 at 2007-8-11 04:38 PM:
原來餵人奶要屋企人既支持,
連我媽咪都唔支持我果陣, 我都幾灰.......
雖然佢口口聲聲話我自已決定,
但係之後又講一大輪野黎 ban 你....
其實有好多媽咪想餵人奶但係無奶.....
自已有, 但係又唔餵, 真係覺得係一種浪費...............

係呀，係好需要屋企人支持，但係孩子是你的，你應該堅持你覺得對佢最好的做法，如果唔係第日就後悔。不過話分兩頭，我有啲奇怪點解伯母會咁返對餵人奶；你有無了解過？可能佢好有道理都未定架，不過我地經驗淺唔理解。所以不如你平心靜氣同佢講下，了解下點解佢覺得餵人奶唔合適，再跟佢講下你既立場，點解你想咁，然後大家一齊找出一個對bb最好的做法囉。無論如何，要理解：你和伯母都是疼bb的，都是想bb好，對不？別為這個覺得灰……

我同意架，既然可以提供，自己又願意餵，又可以加強bb抵抗力，唔餵就真係一種浪費。另，如果你真係轉到的話，返工之後其實都可以泵定啲奶比bb食，唔一定話要轉奶粉格（純粹想像，無經驗）。

Originally posted by 極樂 at 2007-8-11 04:38 PM:
另外,
bb幾日人仔已經識扭抱.......
好奇怪!!
可能佢係醫院果陣, 喊到死死下都無人理...
依家知道屋企有人理佢,
所以佢會出盡力喊.......
我地個個話唔抱得, 由佢喊..........
但係當佢喊到唔收聲,
超辛苦果陣.........
我阿媽第一個話唔好抱慣佢......
但係永遠都係佢第一個去抱佢......

真係有排教lu~~~~~
...............

哈哈，唔好以為bb唔識野！其實真係架，比佢知道一喊就有人抱，佢就知道點樣要脅你地架勒……不過，尤其是第一個，點忍心話由佢喊丫。而且，由婆婆或麻麻湊的bb更加容易過寵，因為老人家傾向就bb，而且粒孫是心肝丁麻。我聽過人話，有些bb，出世時因為要留院幾日，醫院姑娘鬼同你時時刻刻去抱住咩，喊極都無人理，咁返到屋企之後，從來都唔扭抱，幾爽！

仲有呀，千祈唔好成日抱住佢搖佢訓，又或帶佢去街行下喑佢訓………佢慣左的話，你都有排煩…… 咁又唔係話要刻薄佢、唔比飽飯佢食嗰種，只係要記住，bb未識野，在你錫佢的同時，你要用方法去控制佢，包括控制佢既情緒，唔好比佢反轉頭控制你……比個未識性既孩子控制自己既情緒既話，可以想像幾慘！記住記住，呢啲要由細細個開始架，大個左，識左性，領略到控制人的滋味，你就點打都無法力挽狂瀾架勒。

[ Last edited by specificness on 2007-8-11 at 05:09 PM ]

極樂

Originally posted by specificness at 2007-8-11 05:02 PM:


係呀，係好需要屋企人支持，但係...

我面前就已經準備左碗藥啦....
我一飲左就唔可以返轉頭........

婆婆唔支持, 原因係 : 麻煩.....
買一個泵要六百幾蚊, 仲要買好多佩件.....
佢話, 現代人個個都係飲奶粉大架啦.....

唉~~我真係好驚會後悔.....

極樂

Originally posted by 極樂 at 2007-8-11 05:19 PM:


我面前就已經準備左碗藥啦....
...

唉~~~飲左!

specificness

Originally posted by 極樂 at 2007-8-11 05:19 PM:


我面前就已經準備左碗藥啦....
...

我明白你既心情。事到如今，唔好諗太多啦……不如咁樣：

如果係未飲既，試下同老公再商量下先再決定，好無？因為我覺得你老公如果都認同的話，有多一把口同你媽媽傾。

萬一如果真係已經飲左，咁雖然係有啲遺憾，但係記住，不要太影響情緒，因為這個時候媽媽的情緒管理是很重要的，同埋bb的情緒也會很受媽媽情緒所影響（別忘了在一星期前他不但是你生命的一部份，他實實在在是你身體的一部份！他的情緒當然會受你影響）。一切事情都不夠你和bb的健康重要。人奶麻，我們之前的討論，是基於在可能的空間情況下盡力給予最好的給bb；現在如果是實然地不可能的話，則我們也不需要太不開心。即是說，我們都覺得，可以的話，餵人奶應該是比較好的，但不表示奶粉是非常不好，不表示吃奶粉會對bb健康有壞影響。所以，既然不可行了，就不用再去想它勒；因為，除了人奶，媽媽仲有許多愛心關懷同其他好多野可以比bb的，不是嗎？人奶只是其中的一項而已。如果因為呢件事影響媽媽情緒，從而影響到bb，咁仲唔係因小失大嗎？所以，如果已成事實，就唔好諗咁多勒，ok？

希望幫到你啦。

specificness

Originally posted by 極樂 at 2007-8-11 05:24 PM:


唉~~~飲左!

噢……。好，既然係咁，我地唔好再諗呢樣野勒，諗下第二啲野啦。bb幾多磅重呀？係咪超級大b？佢張床仔係咪喺你地隔離？如果係，我勸你將佢放近啲你老公，遠啲你，因為半夜佢喊的話，老公最好先去看看，如果無乜事，又或者只係換下片，咁老公做就得，你最好休息多啲。如果放得太近自己，媽媽一定會常常起床看，無得抖。呢個時候休息對媽媽太重要，可以的話就叫爸爸分担多啲。況且，媽媽剛剛受了這麼多痛楚，都係時候要爸爸做返的野！

[ Last edited by specificness on 2007-8-11 at 05:47 PM ]

極樂

Originally posted by specificness at 2007-8-11 05:36 PM:



我明白你既心情。事到如今，...

多謝曬~~睇完你講既野, 我個心都舒服d~~
其實我老公都係由我話事....因為佢唔知d情況點......
我依家係"外家"坐月, 老公一個星期可能黎一兩次睇我地....
有我媽咪幫我, 照顧我 & bb, 真係差好遠.......

trista_cheong

Originally posted by specificness at 2007-8-11 05:02 PM:


係呀，係好需要屋企人支持，但係...

嘩specificness好專好有經驗﹐極樂姐姐同您嘅對話我一句都插唔入去...............

trista_cheong

Originally posted by specificness at 2007-8-11 05:45 PM:


噢……。好，既然係咁，我地唔好再...

講真﹐今年真係B年﹐唔知點解除咗極樂姐﹐仲有我阿哥阿嫂周圍D 親戚朋友﹑加埋呢排有d 明星生仔﹐好似好多人生B……… 好搞嘢﹐不過都係極樂姐喺度分享﹐我先了解到生仔嘅問題有幾咁多....................... 除咗痛之外﹐原來爸爸識唔識醒做好一個可靠嘅角色﹐俾到媽媽一個安心都好緊要.............

真係好難想像單親媽咪生仔嘅勇氣.................

[ Last edited by trista_cheong on 2007-8-11 at 11:04 PM ]

trista_cheong

Originally posted by 極樂 at 2007-8-11 10:50 PM:


多謝曬~~睇完你講既野, 我個心都...

極樂姐姐妳加油啊﹐呢度大把EF兄弟會喺度同妳一齊傾計GA~~ ^^



呢個topic如果可以繼續落去同我哋分享撫養BB 嘅苦與樂﹐大家都會好開心.................