[轉貼]恐怖攝影機

155220

恐怖攝影機


John係一個商人，就係2003年既7月某一日，佢要北上傾生意，由於傾完生意時已經好夜，佢唯有搵一間旅館住，唔知點解，差不多所有旅館都滿客，直至到左XX旅館，John終於搵到一間空房(404號房)，但個老闆居然同佢講e間房有鬼，唔信邪既John一於唔理，住左先算，當佢一入去時，見到電視機上有部攝影機而且連接住電視機，好奇心區使之下，佢打開黎睇，電視畫面上係間房裡面，有個人背住畫面，John冇理會，意為係上一個住客留低，奇怪既係John點都拎唔走部攝影機,，於是John索性訓覺。
到左第二日，John都未走，過左好多個星期，John仍然住係404號房，而且行為越來越古怪，成日對住個攝影機呆坐，過左好多日，John既女朋友Amy索性北上搵佢，終於俾佢搵到John住既個間房，但唔見John，由於右係深夜，Amy個晚就住係404號房，佢右打開部攝影機，見到John係裡面一直背住畫面，意為係John錄低既，於是右冇理會，但個晚個畫面不斷係電視上打開，由於Amy覺得奇怪，所以索性住多一日，第二晚，畫面再次打開，奇怪既係，今次John出聲同佢講野，係對話中先發覺大家都係404號房，但大家都只可以係畫面裡面見到大家，而且大家見到對方都係背住畫面，於是John同Amy隔住畫面傾，不斷係度傾，過左好耐好耐.........................
有一日老闆覺得奇怪，開門睇下裡面，發現John同Amy兩個人死係入面，而且係背住攝影機鏡頭，於是報警，警察完全查唔出死因，從此之後，經常有人聽到一男一女係404號房入面對話。