傳炒鄧納東尼帥位?出局不能夠完全怪它

AlexRoy

有傳意大利足總決定在日內解除教練鄧納東尼的職務。

鄧納東尼帶領意大利在互射十二碼不敵西班牙行人止步，成績並未令意大利方面感到滿意。

意大利足總正決定鄧納東尼的去向，盛傳將會在日內公佈鄧納東尼被炒的消息。

不過意大利足總未肯証實這項消息，只強調鄧納東尼的去向將會在數日內公佈。

意大利足總雖然在歐國杯前跟鄧納東尼續約兩年，但雙方在合約內列明若意大利無法在歐國杯打入四強，其中一方面可取消這份新合約。

雖然不能打入四強,但今季意大利是缺運氣的.
後防缺大簡,東尼欠射門鞋.加上上任教練表現出色令鄧納東尼帶有壓力~

[ Last edited by AlexRoy on 2008-6-25 at 07:32 PM ]

donald15

錯唔錯真係好難講
錯佢就錯在用左岩布仙尼
用岩布仙尼真係好大問題
一個做防守多既中場
用波多到出晒奇咁多人用駛唔駛用佢
除左後防多傷唔怪得佢
仲有無左托迪
托迪個位搵柏路達頂真係差得遠
創造性當堂無晒
本來可以搵迪比亞路打呢個位但係佢情願用柏路達
攪到對西班牙o個場得卡斯辛奴一個人做波

amigofans

Originally posted by AlexRoy at 2008-6-25 06:42 PM:

雖然不能打入四強,但今季意大利是缺...

欠缺運氣??

咁我想問, 對羅馬尼亞既下半場, 保方手腳並用先救到球唔可以輸既12碼,
係欠缺運氣??

對法國一役, 人家早段就輸12碼兼打少一個, 意軍下半場求其一腳就省中人入網,
都係欠缺運氣??

8強對住西班牙, 成場比人拑住黎打, 但韋拿就一一錯失機會,
又係意大利欠缺運氣??

一個由外圍賽發夢發到入決賽週, 分組賽第3場仲未搵到最佳陣容既領隊...
如果唔炒, 意大利真係欠缺運氣!!

自由神

Originally posted by filter-052fans at 2008-6-25 10:53 PM:


欠缺運氣...

對法國都要因為對手領隊白痴至得既

woooot

意大利的表現沒有留下好印象，Donadoni的確有部分的錯。前面小組的表現差強人意，還需要荷蘭幫忙拉他們一把才能進級。雖然沒了 Cannavaro， Pirlo， Nesta ，Totti等等，對西班牙時還想拖到踢點球來取勝的策略，遭透了。點球是靠機會運氣，證明不了技術。 Donadoni好像在學Trapatton 02和04年拼命堆防托到最後，那時沒用，何必再用？

意大利下半場調進的球時不時給西班牙添麻煩，也不更積極攻擊，反而根一前一樣堆防托時間。意大利中場完全沒有創意，攻擊有限，而兩個前鋒完全失水準，不知道在幹什麼。再加上他們好多小動作，在禁區裡好多次拉拉扯扯，像Panucci，Grosso。 Grosso有一次也在角球時給了Villa一個熊包。像Toni和Di Natale也做了許多動作來緩慢西班牙的攻勢。 Di Natale被對方絆倒假裝受傷又在場上大吼大叫來使裁判吹哨子停住比賽節奏。但總的來說，Donadoni應該沒那麼多經驗來管，的確該換。

kuru

呢樣唔係咁公平, 球隊輸波唔一定關教練事,
冠軍只得1隊, 咁即係咁多隊球隊一旦出局
就即係領隊有問題, 咁係咁岩囉~

fderek

炒就應該炒,D咁既領隊都唔知點選人, 卡斯辛奴都仲選,
唔好以為入到八強就叫交到貨, 基本上都係因為法國隊太廢再加荷蘭冇放軟手腳俾羅馬尼亞
所以抄佢係理所當然~

amigofans

但我替佢講句公道說話...

其實佢第一日上任, 小弟已經唔會對佢有期望(當然意國fans並不同意)

皆因佢執教經驗唔算豐富, 個人亦無咩成績支持,

再加上意大利正值係高峰過後, 多位重心骨幹球員下馬, 新人又未見湧現,
兼且抽籤抽著死籌, 果d同樣級數既路維, 見到意大利抽入死亡組, 相信偷笑都黎唔切...

正如搵麥卡倫帶英格蘭, 雲巴士頓帶荷蘭, 鄧加帶巴西...

根本上任第一天, 就已經呈現死相....

ki_ki

鄧納東尼其實已做得幾好, 不能怪他
托迪, 簡拿華路因傷退隊, 前後都失去重心
被迫試人式出賽, 但見到愈打愈好, 可見鄧納東尼係有料到的
8強無左派路, 中場死埋, 守和搏12碼, 雖然輸左, 但已經是不錯的結局了

若炒鄧納東尼, 國家隊又要重新組合了

[ Last edited by ki_ki on 2008-6-27 at 02:38 AM ]

amigofans

Originally posted by ki_ki at 2008-6-27 02:36 AM:
鄧納東尼其實已做得幾好, 不能怪他
...

side氣啦, 玩夠啦佢, 意大利咁多人, 唔休搵唔到好人啦...

始終我認為領隊呢樣野, 唔同球員,
領隊靠既係頭腦, 呢樣野無得練, 進步空間係好細,

即係一出係虫, 過兩三年唔會變做龍架!!

世界上最勁果堆領隊, 全部都係執教第二年就有野你睇...