infjlam

身為男人，我建議係：
１）盡快清卡數，除非逼不得已，否則唔好再碌卡，
２）量入為出，無論如何死慳死抵，都要做到收支平衡，
３）要令女友生日開心，唔一定要洗太多錢（何況你現在根本afford唔起）

重點是：
女友最需要又最希望的，
是身邊個男友夠成熟，經濟獨立，照顧到自己，
照顧到她，比到安全感佢，
那些花呀手鏈呀蛋糕呀，
只係其次，最重要係比佢知道你o既心意，
努力工作，將來比到幸福佢，呢Ｄ至係長久～


p.s.你女友追得過，識諗，幫你精打細算，係一個賢內助，請好好愛護珍惜

slwong3

Originally posted by infjlam at 2008-7-9 01:46 AM:
身為男人，我建議係：
１）盡快清卡...

same as what I thought

lastwing

Originally posted by yeung hiu he at 2008-7-8 11:04 PM:
禮物: 一條不夠一卡的鑽石手鏈 - 3200
一束花 : 400
蛋糕: 270
晚飯 : 600

你每個月既洗用剩返5000(唔計卡數)
你竟然用左4470.............
今日九號....仲有16日..........每日33.xx...........計埋交通費...都唔知食咩好
就算無超資......當4000好未...剩返1000.........16日....每日都有6x.xxx
以我角度睇都可以.........乖乖地食下3文治,餅乾,面包就算
但係樓主好明顯有問題,你仲要話"個個月頭我都用哂所有$$, 之後成個月就靠女友啦"
既然知道平日都會甘............
依種行為叫"充大頭鬼"(原諒我係甘直)
其實樓主諗清楚d就應該知道...你女朋友講得好岩
正如樓上某位版友所說要好好珍惜你的女友啊

如果我係你不如自己整蛋糕...100有找,女朋友知道仲sweet,跟住唔好問佢借錢,問d狗友度住先,過左今個月先算
做戲要做全套,這邊廂豪洗制造浪漫那邊廂又要問她借錢.........算甚麼


因為小弟有類似經歷...不過那時是中學...
餐餐食面包+在家中拿來的乾糧
仲要係一星期內學識整tiramisu

solonely

我一個月搵7千,自己洗得8舊咋........
邊有得儲錢咁好......

supreme12

最紧要事务,清卡数```至于你想距有个开心既生日,又5使大既, 你女朋友都了解你```距哎你宁愿储起距```距抵得林啊```好野来架 ```好好珍惜.

祝你地生活幸福```

kakeidevil

馬會幫到你

自由神

Originally posted by kakeidevil at 2008-7-9 09:57 AM:
馬會幫到你

整

唔係安信兄弟幫到你咩？

破軍不動

老實講...
某程度上其實我替樓主開心多一d...
因為我見到樓主女友既回應...
雖然...
係會掃興...
係有怪責之意...
亦係有傷害到男人既面子同尊嚴...
但...
起碼佢唔係d見禮就收...
完全唔 care 你狀況既女友...
佢其實某程度上已經接納同接受左要同妳同甘共苦...
因為如果你出左問題...
佢已經知道佢一定會走唔甩...
所以...
你要好好思考一下...
你同妳女友係唔係已經去到另一個比較高既層次...
即係...
佢會希望你投資響你地既將來...
多於一些短期既玩樂...

我其實幾認同 coolyiceman 既講法...
女生好需要安全感...
安全感呢樣野好抽象好複雜同好廣泛...
可能包含男人既專一,能力,做事有否計劃, 成熟等等等等...
所以如果樓主試下同妳就呢件事...
好冷靜同理性甘同你女友好好溝通一下...
可能會令你地有好正面既幫助...

p.s. 你女友既為人性格唔差...好好珍惜佢啦 !

yeung hiu he

唉, 我都知自己大哂左! 但是每個月扣除家用同友友果筆,
餘下既真是唔知去左邊度, 好似有賊打劫我一樣, 但自己
諗諗下發覺自己係洗在1) 還卡數(每個月都是千五左右),
2) 增值八達通 3) 出街食下飯(同女友) 4) 有人生日等喜慶日子..
我自己係有打算過每個月自己儲多五百至一千左右, 但是奈何
我好多野一個拖一個月, 咪搞到現家的狀況囉!
睇怕到年尾, 我都要過住d 負債的生活!
另我會好好珍惜我女友, 因為她都算係為他人著想的女仔!
我無野架啦, 之不過昨晚聽到個電話想呻一呻jer!
點都好啦, 感謝各位版主/友聽我這個無聊人呻苦!

dominic886

我以前冇乜錢果陣,
都冇咩物質野送俾女朋友做生日,
我雖然冇乜錢,但我有時間,
所以我做左好多心思野俾佢,
最後佢一樣咁開心同好冧。
我想話你女朋友愛你的話,
佢一定會睇恤你嘅情況。
祝你好運la~