港女飛男友的 3辣招

genegene

青春有限，學求愛，更要學拒愛，無謂俾啲無謂男人耽誤時間，就等辣妹 Arke教你一句說話令他死心！


1.「我聽你的前度講，你下面好短，恐怕滿足唔到我。」
正如女仔睇 A片永遠覺得自己胸不及艷星大，男觀眾也會暗自慚愧不及片中的長，因為那些演員都是「極品」。所以，大部分麻甩一樣心思：「我還算正常，不過長啲仲好……」你就算未見過實物，笑佢短，佢九成會相信，兼被你這淫娃嚇怕，落荒而逃。

2.「我對生活要求很簡單——住山頂豪宅，其餘免談。」
食好啲著好啲，打工仔咬緊牙關總能滿足到你，但六成豪宅首期，擋者披靡——如果他住得，講真，你還要拒愛嗎？

3.「我有個男朋友是考古學家，會帶我到南美做研究一年，這是我最大抱負。」
拍拖要講志趣相投，你的嗜好有咁冷門得咁冷門（例子尚有很多），他閉門苦讀十年都力有不逮啦！

深層剖析
Say no，其實姊妹們一早識，但選擇用以上哪種必殺技，卻頗能反映你的內心世界。
選擇 1：效力最霸道，但同時令你冒上損毀聲譽的風險，但為求速速解決，你都顧不得咁多了，反映你真不愧辣女子。
選擇 2：對聲譽損毀有限，只不過拜金啫，人人如是，與此同時，「驅蚊效力」亦屬於中等而已。
選擇 3：你把自己塑造成有理想有夢想的女郎，隨時反而令他更迷戀你。又要撇仔又要漂亮，大貪咗喎。