葡萄牙和冰島，C朗寸鳩冰島隊員

電騙男

囂王上身     


【filter-170東網專訊】 正所謂面係人哋畀、架係自己丟，贏唔到、入唔到波冇所謂，但賽後發瀾渣講晦氣說話、笑人和波瘋狂慶祝，就絕對唔係巨星所為。歐國盃葡萄牙首仗鬥冰島，葡軍擁有C朗，當然被一面倒睇好，但估唔到最後被迫和1:1。賽後C朗勁冇風度，不單止唔同對手握手，仲話冰島只識「泊大巴」根本唔係踢波，更寸人哋賽後慶祝無謂：「我以為佢哋已經贏咗歐國盃囉！」

今場C朗以隊長身份帶隊出征，球隊面對實力較弱嘅對手開局勁靚，上半場憑拿尼建功打開紀錄，若非冰島門神荷杜臣不斷神救，上半場唔止領先1球。換邊後冰島打個靚反擊追番1:1，葡萄牙打後未能入波，當中包括C朗完場前2次射罰球都省中人牆，最後痛失2分無話可說。

吹完場雞後，C朗嬲到震，當對手主動想同佢握手時，呢名葡國王牌竟然唔肯，荷杜臣就話：「佢鍾意點就點，反正冰島球隊上下都好興奮囉！」C朗拒絕握手，除咗因為失分之外，原來仲因為睇唔過眼對手勁慶祝。

「睇到佢哋舉晒手慶祝，我以為冰島啱啱贏咗歐國盃咋，真係令人難以置信。佢哋成場都唔係踢波，一味死守，全場泊大巴，咁樣唔係踢波囉。全場得2次機會，入咗1球後就瘋狂龜縮，完全冇嘗試過攞3分。咁樣梗係唔啱啦，做法好小家，呢個踢法喺決賽周，係唔會攞到任何成績。」

葡萄牙第1場就失分，C朗有冇擔心呢？「我完全冇擔心過，你睇吓德國同法國2大熱門，第1場贏波都好困難，就知強隊需要熱身。葡萄牙上下好有信心，下場對奧地利一定會贏。」

既然係咁，葡萄牙以後就唔好打防反喇，記得對住德法都唔好守，一守就全世界笑你㗎喇！

66630

賭仔性格輸打贏要

DILLDILLDILL

下次落場實俾人圍踢你隻腳...........................