中年男人啪啪啪太多，會影響健康

港燦男

雖然大家都明白正常嘅性生活，其實係可以促進伴侶關係，對雙方有益而無害。但原來根據外國最近嘅一項調查數據顯示，中年男士啪啪啪太多反而係會影響個人健康，更惹來殺身之禍！
根據健康與社會行為學雜誌最新論文，雖然女性獲證實喺中年時候性事頻多能令佢地更為健康，但相反對於男士嚟講竟然就係有害而無益，有機會增加佢地出現心臟病及心血管疾病症狀。

喺邀請左2204名57至85名男士接受調查之後，研究人員就總共追蹤左佢地5年咁耐，睇下性生活頻率會唔會影響人嘅健康。而喺分析過佢地患上高血壓、心律不穩、C反應蛋白升高、心臟病及中風機會之後，研究人員就發現年紀越大性生活愈頻繁，佢地出現健康問題嘅機會就會較大。
具體嚟講，假如你人到中年仲每星期啪啪啪最少一次，咁你就會相比起少過一星期一次嘅老友記較大機會患上心血管疾病。而之所以會出現咁嘅危機，負責研究嘅Cathy Liu博士就解釋最主要原因係因為男性喺年紀老邁嘅時候，佢地要達到高潮就會更為困難。因此喺感受到壓力，以及身心疲累嘅情況下，中年男士嘅心血管系統就會受到較大壓力先可以達至高潮，同時損害健康。此外如果中年男性為左增強性事快感而服食處方藥物或成藥，亦有機會為健康帶嚟影響。
雖然無論大家年齡層係屬於高定低，都唔應該為性慾而感到尷尬，但研究者Cathy Liu博士就奉勸大家要記得以健康行先，避免因為一時衝動而將自己置身於健康危機之內。

港燦男

老夫少妻