jublio

Originally posted by Rika at 2005-5-21 02:35:

帶住面具做人, 慘過死

無錯呀！如果要戴住面具，咁好慘喎！平時返工返學都已經好假，唔通當見到自己最心愛嘅人都要假咩？！無道理啦…

你都想自己嘅另一伴用最真嘅性格對你喇！

就算拍拖個陣佢改咗無咁大男人，到咗結婚之後大家一齊生活，生活上好多細微嘅野，都會將佢大男人嘅性格表露晒出黎！

仲有呀，當結咗婚之後，佢覺得已經得到你，就未必會好似拍拖個陣咁就自己架喇！

所以如果你唔係小女人，都係唔好搵個大男人啦，辛苦自己！

gundamman678

有冇人覺得大男人是自私的表現?

我認為大男人其實只是自我中心，只不過加多個性別詞落去，然後就成了甚麼大男人、大女人吧了。

BOYDWAN

小弟對於大男人有另一番見解。
所謂"大男人"，並唔係要乜都話哂事、樣樣都要自己啱哂、要自己另一半以自己為中心、甚至乎扯高氣揚咁就叫大男人；真正嘅大男人係應該照顧同關懷到自己嘅另一半同佢身邊嘅人、明白同了解另一半嘅感受同思想、體諒同遷就到另一半嘅處境同難處先為之真係大男人。可能有好多人會諗講就容易，做就好難，但係大家又有無諗過堂堂"大男人"同女人執拗為乜呢？拗贏咗又有乜得著？你話哂事但其實另一半唔開心又有乜意思？你喺人面前好威好光采但原來建立咗喺另一半痛苦上面又內唔內疚？真真正正嘅大男人唔係睇表面咖；我都好大男人但我從來無要求，因為我對我嗰3個女朋友都好盡心盡力咁付出，所以佢哋都將最好嘅比我；平時佢哋想點我都會滿足佢哋而且唔同佢哋拗，任由佢哋話事，所以佢哋乜會同我分享；到咗今時今日佢哋都同我表明同我一齊嘅時候係最舒服、最開心同最"放肆"咖~但若然問題嚴重，我出到聲佢哋一定會聽我講，因為佢哋都知我平時乜都就哂佢，但我出到聲就一定係有問題；我哋都有個共識:"閒時女人話事、大事男人揸庒"
其實女人係要嚟錫就係人都知，但係天生女人就係被動咖啦，男人又駛乜要d 無謂"主導權"呢？女人多要求只不過係一件好簡單、好可愛嘅小事，因為佢想自己另一半証明有幾愛佢啫，根本無須介懷，由佢啦，大方d嘛，天大地大呀~男人，想同另一半快樂過日子，個心寬宏d 好！
*容人之量者、真正大丈夫，事事計較者、只係小男人咋~^^~

homan~

Originally posted by BOYDWAN at 2005-5-22 03:25 AM:
小弟對於大男人有另一番見解。
所謂&...

BOYDWAN 好有見地wor~

勁 !!!

你d 溝女文章我都睇唔少

就此謝過

gundamman678

所以香港或其他地方不少的自以為大男人的人，其實只是小男人在充當大男人氣概，以為下下自己話事、自己大晒就有男子氣概，但其實咁樣只係為左滿足自己既一己私心同虛榮感，根本就唔係錫自己既另一半，所以呢d所謂既大男人令人討厭而不是令人喜歡就是這個原因。

roykenroy

曾經有個前女朋友同我講過:「其實大唔大男人唔緊要，最緊要係我鍾意你！我鍾意你自然會接受你果d所謂大男人既野，其實你耍大男人果d招數，就等於女人亂發脾氣一樣，只係想証明我愛唔愛你? 就唔就你之嘛! 如果我肯包容你呢樣野，你就會好好對我，又有咩所謂，而且我都會繼續亂發脾氣，得閒就"測試"下、証實下你愛唔愛我，嘻!」

「而且我鍾意大男人，佢要面，所以一定擔起我，我有咩事，就算好好好好小事都好，佢一定會幫我搞掂!咁有個大男人唔係好幸福咩?」

我唔知佢解釋得o岩唔o岩，但係我好記得佢呢番說話，有個女人肯用呢種態度去對我，我當時覺得幸福果個係我!   (唉.......)

大男人、大女人都好，相愛自然會配合，何必要highlight佢呢!

BOYDWAN

Originally posted by homan~ at 2005-5-22 04:50 AM:


BOYDWAN 好有見地wor~

勁 !!!

你d 溝女文章我都睇唔少

就此謝過

homan，衷心多謝你支持先~~只不過分享吓而己......

today2028

大男人...要改其實一d都唔難,

點做? 當你搵到一個你真係好愛佢嘅女朋友, 而佢又唔鐘意自己男朋友大男人, 樣樣話晒事, 咁自然你就會死死地改左佢.

記住 --- "愛情係最偉大同有無窮威力, 它能改變一切, 包括自己嘅性格"

Christy~呀華

Originally posted by truelove at 2005-5-15 02:45 AM:
有無得改無咁大男人 ? 或者要經歷多一...

要衰一次勁既!

Rika

Originally posted by Christy~呀華 at 2005-5-24 12:57 AM:

要衰一次勁既!

我同意