男女立場問題

悟飯

大多數男仔鍾意一個女仔的原因係咩?
而女仔鍾意一個男仔的原因有係咩?(願聞其詳)

悟飯

我認為男女一樣,不應太過計較對方樣子同身形,最緊要大家啱feel

樂壇渣Fit人

Originally posted by 悟飯 at 2005-5-24 21:05:
我認為男女一樣,不應太過計較對方樣子同身形,最緊要大家啱feel

Originally posted by 悟飯 at 2005-5-24 20:54:
大多數男仔鍾意一個女仔的原因係咩?
而女仔鍾意一個男仔的原因有係咩?(願聞其詳)

=.="

gundamman678

我自己黎講，我係一個幾容易對女仔有好感既人(即係想同佢拍拖個種)。但有好感還一件事，講到真係鍾意佢就要看看幾樣野:

1) 我同佢相處時係唔係好夾、好開心。我試過對一個女仔朋友既朋友有好感，跟住就成日約佢單獨約會啦，但去去下都覺得冇乜feel。我好重視同女仔之間有冇思想上既互通，即係我可以同佢好好咁分享大家既所感所想，暢所欲言。我好肯聽佢講野，同埋會同佢分享心事，但佢都要肯相同咁聽我講同埋同我分享。我同佢之間就係冇左呢樣野，所以結果雖然佢對我都越來越有好感，但我就覺得同佢唔係好夾，所以冇追佢了。

2) 自己鍾唔鍾意佢，當然好睇佢究竟係唔係自己鍾意既類型。呢樣野因人而異既，我就鍾意女仔斯文有修養，最好有番d內涵啦! 如果淨係鍾意行街買衫，其他乜野興趣都冇，又乜都唔識，淨係識得睇八卦雜誌個d，我就唔識欣賞了。數起條件，數下數下會有好多，不過當然冇一個女仔會有齊咁多樣自己要求既條件啦，所以還要講其他因素既。

3) 鍾意一個人好講timing既，即係緣份掛! 就好似我試過鍾意一個好好既朋友咁，過往一直都冇鍾意佢既感覺，但剛好到大家都經歷緊失戀無拖拍時，同佢相處下又突然會鍾意左佢喎!

4) 而家經歷多d，都會好著重女仔既愛情觀。對我黎講，如果佢對拍拖唔認真既，又或者淨係想人錫佢，佢就乜都唔做，只係做被愛者，咁就麻麻地啦。兩個人係要一齊努力維持個份愛，如果淨係一方努力既話就冇意思了。

c2h6ethane

我覺得最緊要相處果時你會覺得舒服,開心