隱形媽媽[+左]

KMC27HK

時間：99年1月‧地點：半山區豪宅‧人物：阿芬、Ronald

Ronald去o左澳洲讀書都有四年，佢o係柏斯o既一間大學讀二年級。每年12月尾都會返香港放暑假，順便過埋年先再返澳洲升學。

上星期我o地一班老友行出o黎聚舊講開家事時，Ronald話今次返o黎，覺得個妹有唔妥。Ronald個妹叫阿芬，今年先得10歲，比Ronald細好多。

我o地同阿芬都幾熟，佢一向畀我o地o既感覺係好男仔頭，吱吱喳喳咁，成日郁手郁腳，都算係個性格活潑o既女仔。

但據Ronald所講，阿芬而家變得沉默寡言，行路好似吊靴鬼，仲成日靜靜咁企o係屋企人後面，將全家人嚇得半死。每日無所事事o既阿芬，唔係o係屋企走o黎走去，就係傻傻咁坐o係梳化度，搞到Ronald同佢爸爸不知所措。

於是我o地呢班老友決定飯後去Ronald屋企探阿芬。

門一打開，就聽到阿芬大喊o既聲音，屋裡漆黑一片，燈冇著。如果Ronald爸爸要返夜班，屋裡只剩阿芬一人，就好似一晚咁。

Ronald立即走到阿芬間房睇睇，見到佢坐o係床上，手指向窗邊同Ronald講：「媽媽走o左！媽媽唔好走呀！返o黎呀！」

做得Ronald老友，個個都知道佢媽媽o係五年病死。所以大家都心裡有數，知道阿芬撞邪。我o地都唔知點樣可以幫到Ronald，唯有留低陪住佢兩兄妹，直到佢爸爸返o黎再作打算。

第二日，Ronald爸爸帶佢兩兄妹去拜祭一下媽媽。但阿芬向住佢媽媽o既墓，講o左嚇親佢兩父子o既說話。佢話：「媽媽，你又話帶埋我走o既。我等o左你好耐，點解你要自己走o左去？」

後來Ronald同我o地講返。其實佢媽媽一直o係屋企陪住阿芬已有四年，係由Ronald第一年去澳洲開始。阿芬最近o既怪異行為，係因為佢媽媽早前已暗示阿芬佢要離開而令到阿芬唔開心。

李終貴按：「父母愛錫子女無微不至」呢句話永遠都係o岩o既！莫講話父母離去，就算係一個親人死o左，你都會感覺佢仍o係你身邊保佑你、照顧你。

終貴o既婆婆雖然死o左十幾年，但有時都會夢見佢。到拜祭佢時，終貴會同婆婆講：「我又夢見你啦！你有乜需要？凡事都要保佑我呀！」講就同佢咁講，但心裡真係希望佢早日投胎轉世，唔好再掛住我o地。

[ Last edited by 左輪仔 on 2005-5-25 at 08:44 PM ]

左輪仔

支持開貼