女仔一腳踏兩船的原因

reallysmartduck

最主要是...............喜歡被人愛, 被人錫
但這樣不痛苦嗎??

vivienna

Originally posted by reallysmartduck at 2005-6-26 10:07 PM:
最主要是...............喜歡被人愛, 被人錫
但這樣不痛苦嗎??

喜歡被人寵﹐又唔洗出錢。

又鐘意比較。

Rika

Originally posted by vivienna at 2005-6-26 10:26 PM:

喜歡被人寵﹐又唔洗出錢。

又鐘意比較。

寶貴意見

我覺得係真既

pg_hk

有時根本就搞不清楚自己喜歡誰，可能對兩個都有感覺，女生有時對感情的感受過度複雜，常在身邊而產生情愫，或是真的感受到對方有吸引力的，青春期的少女很難分的清！

相對來說，已經心理成熟的女性，仍一腳踏兩船，大部分是因為有不同需求，有的可以給錢，有的可以體貼他，又或者是為了顯示自己有吸引力，弄個觀音兵當後備車胎！楊千嬅的「傻仔」唱的不正是這種女人！

Rika

無論咩原因，我都唔會接受女仔踏兩船
更靚，我更鐘意既女仔都無情講
嚴重犯規，逐出場，無得傾

gundamman678

呢樣野我覺得女網友最好講講身為女性既觀點啦，我地男仔始終都係估估下。

張仔

唉....其實我都答唔到呢個問題....
我同對上個女朋友, 拍左18個月拖...而家散左....
就係因為我知道左佢一腳踏兩船....
知道個時真係好唔開心, 而家都過左一年喇, 但有時諗係都會hurt hurt地...

佢同我講, 搵第二個既原因, 係因為個男仔溝左佢4年, 另一原因係我成日陪唔到佢....(本身我係私人游泳池做救生員既), 如果大家知既, 都好清楚, 一日返十幾個鍾......已經辛苦, 佢仲要咁黎怪我, 咁對我, 個時真係超級唔開心....

迷途小羔羊

Originally posted by 張仔 at 2005-6-27 01:32 AM:
唉....其實我都答唔到呢個問題....
...

你前女友又真係離晒譜，一定要out啦
女仔鍾意第二個唔緊要架喎，但係要出聲先得架
關係既野搞得清清楚楚好d！
唔係要到自己本身個男朋友發現先識出聲嘛？
如果可以對第二個男人付出同等既愛，佢愛極你都有限
仲可以賴翻你少陪佢為藉口…睇得出佢真係唔覺得自己有問題…

【一個唔忠誠既伴侶，點樣同佢有終生之約呀？】

迷途小羔羊

講翻正題先…
其實我覺得女仔一腳踏兩船分兩種
一）個女仔係「愛情玩家」，根本當愛情係遊戲，所以越多情人對佢黎講…越有成功感
二）個女仔拍緊拖，但又真係鍾意左第二個，但又唔想傷害第一個；起唔想作出決定既情況下，佢就選擇兩個都要住先…（我有位朋友就是這種情況，不過個女仔經過幾個月後最終選左我個朋友，放棄佢原有果個）

gundamman678

係，女仔係成日都需要被愛和照顧既感覺。我個前女友之前一腳踏兩船都係因為我工餘part-time讀書。我以前一直都對佢好好，我讀書後唔係變得對佢唔好，只係無以前咁俾到咁多時間佢，我仍然係錫佢架，但佢就覺得唔夠，剛好又有人對佢好好，咁佢就一時抵受唔到誘惑囉......

我諗男女花心都係因為對愛情太模糊和意志薄弱。有本書講過話現代人對愛情要求太高，但知識太淺，我好認同呢一句。