魔術師

Originally posted by genesic at 2005-7-8 10:25 AM:


你有無發現你自己講緊咩?(五次...

好激動 罵得好應..............

可能我要俾人咁罵先清楚........      唔係你講我都睇唔出我做左咁多咁傻既野...........
我同佢真係立場觀點我同佢唔同 我點解重要係到磨???? 但係成日都見到面會面左左.....
可能我真係要放棄唔係可能係一定.....   我係到自作多情 我一定要忘記佢....
再係咁拖只係會令我更痛更唔開心......

重有- -我局中者迷局外人睇得清楚 你唔洗罵到我咁一蚊都唔值.....

[ Last edited by 魔術師 on 2005-7-8 at 12:42 PM ]

genesic

Originally posted by 魔術師 at 2005-7-8 12:41 PM:

好激動 罵得好應..............

...

出得來行,預左要還!!
出得post,就要明白!
男人..跌底了!!有咩大不了!!邊度跌,就邊度企起身!!咁先正面!!

Man D!! 唔該!!

Maxson85

我這次係第一次睇到同回複你既...
其實我同你一樣都係等緊一個女仔,
等左幾年果只啊!!
曾幾何時我都同個女仔講,
等一世都等......
不過有段時期,開始猶疑左....
係咪真係等一世都等先?
你唸下喇...到左有一日,
她有左男朋友....要結婚喇.....結左婚生埋仔喇...
你呢? 你果陣時有咩啊?
以前我有個朋友同我講,如果有日你見到她拖住她既男朋友只手,到時你咪仲傷!!
當時我覺得這盆冷水真係潑得我好涷,o係度唸...
你有無理過我既感受架?! 你同我講d甘既野?!
之後有段時間,冷靜左, 分析左之後覺得他講得好o岩....
你真係要唸下個結果.....
到左而家,我仲鍾意緊個女仔,仲追緊添....
唔係我固執,係因為我知道我唔單只鍾意這個女仔,
仲知道她係一個好好既女仔,如果我放棄左她既話,
我這一世都揾唔番一個好似她甘好既女仔,
仲要係有果種甘強烈既感覺個只啊!!
我相信我這個case值得堅持, 因為她本身既條件好好...
係我心目中梗係100%喇....你果個咧....?
站在主觀同客觀既角度黎睇,你係時候要放棄喇!!
點解?
淨係睇你係度留言形容她既性格,
我已經覺得我對個女仔好反感左........
最最最最最最最最頂唔順既, 係她要洗你d錢仲敢對你爆粗......
有時愛一個人真係要睇這個人值唔值得你愛,
你以為真係好似拍戲咩!為愛付出一切...
人地有劇本知道劇情左梗係去付出喇!!
你要知道一樣野,我地既人生劇本係自己寫既,
自編自導自演,一take過無NG架,老細!!
錯左就錯左, 問題係你幾時察覺,
發覺左儘快解決個問題方為上策.....!!
對一個甘既人而言,她無資格去得到一個好似你甘愛她既人去愛她囉....
係你形容她既留言度,我真係睇唔出她有咩優點值得你去愛她囉......
我本身只會對一些非常非常非常之感興趣既主題先會回複既,
講真要我俾意見或回複,真係要講個"缘"字喇!!
見你同我有緣,奉勸你一句.....早甩早著!!
遲甩都著得既....不過係著火既"著"!!!!

[ Last edited by Maxson85 on 2005-7-8 at 01:31 PM ]

skysword

Don't be silly la.  Anyway, she doesn't sound like a good gal for you.
Forget her and move on la brother.

I might have done the same when I was a teenager, but when you look back in the future, you will think that is so silly.

You have to learn how to let go.  There are a lot of good gal in the world.
Go out and have fun with friends.  Don't just focus on going after gals.  There are a lot more things to do in the world.  

And the thing is when you are too focus on going after gals, the harder you will find one.

gundamman678

有心理學家講過，人講既說話係經過好多修飾先會講出口既，所以好多時都信唔過。所以睇人，應該聽其言之外，還要觀其行。 若觀其行的話，你都應該好清楚知道佢係一個點樣既人啦! 佢咁樣講一句，你覺得這可信些，還是她的行為反映給你的訊息可信些??

快快放下她吧! 她這個人是狡猾的。她說沒玩你，其實好可能是代表"我無擺明玩你"，但極可能佢既潛台詞係"我話乜你就做乜，係你自己蠢中個頭埋黎之嘛"!

醒覺吧!

homan~

要講既, d brother 都講晒啦

好心啦

條女冇諗過同你一齊架..........

只係當你係提款機

你要買野/幫佢俾錢, 佢先理你,

咁你同叫雞有咩分別?

叫雞仲抵啦 !!!!!

好失望.............
brother 你一定睇電視太多啦

現實世界冇奇蹟架,
自己反省下啦

[ Last edited by homan~ on 2005-7-9 at 05:09 PM ]

迷途小羔羊

唉…只弟…
見到咁多其他兄弟鬧到你咁，我都唔忍心再鬧你
但我唔鬧…唔代表我叫你繼續愛下去
係時候收手喇…
其實佢跟本唔愛你…
佢愛既，係自己；佢愛既，係第二條仔；佢愛既，係你俾佢既物質
如果一個發誓可以代表d咩呢？
佢只係話「我無玩過你,有既我死全家」
（可能佢心諗：我真係無玩過你，係你自己俾我利用…，所以我唔會全家死）
所以，發誓對呢種人黎講根本唔係d咩

另外你話只要一同佢講翻野就會掛住翻佢
我明白架，我都試過…
你試下去睇下外面既世界，接觸多d人啦
一定會忘記到佢…
乾脆同佢斷聯絡啦
反正佢除左找你幫佢做野買野先會搵你
仲有咩意義？？？

希望你早日作出決定啦。

藍

大家既意見都好一致,都覺得你應該及早回頭
我呢..今次我係反派^^",我覺得,如果你真係鍾意既,你不妨去愛,但係第一,你要有心理準備:佢可能係完全吾愛你,只係將你當做一個zip時間既人;第二,改變你去愛一個人既態度同埋所做既野,就算佢係你女朋友,都吾係好似你甘做法,吾係話一味既付出(無論精神上or物質上)就叫做愛,愛一個人,係要令佢好,你要學識咩先係真正對佢好,例如比多d關心落去;其實你物質上既付出都吾係叫有錯既,有人講過愛係無限既包容同犠牲,不過物質上既供給,對你自己,對佢都吾係甘好姐,對佢黎講,會做成左佢對你物質上有依賴,甘樣落去,即管將來會同你係埋一齊,都難以肯定佢係愛你,定係愛你d錢;對你自己黎講,除左金錢上既不斷損失之外,如果比你成功追到佢,又有可能會令到你覺得用錢就可以追求到自己想要既野,甘對你既精神成長帶黎負面影響架

fukchai

Originally posted by genesic at 2005-7-8 12:50 PM:

出得來行,預左要還!!
出得post,就要明白!
男人..跌底了!!有咩大不了!!邊度跌,就邊度企起身!!咁先正面!!

Man D!! 唔該!!

說得好...
自己都唔可以照顧自己,又點可以照顧人...

天使藍

我一睇到個標題比到個答案你
內文都唔洗睇丫

如果你係愛佢既，無論佢點衰點賤都好，你都係愛佢既
莫非我地講句你應該，你就繼續愛？
莫非我地講一句唔應該，明明你係愛都唔愛佢？

愛佢唔等要同佢一齊，可以默默咁愛，就算佢唔同你一齊
佢唔愛你，你都可以愛佢