電台禁歌：ＤＪ唔敢播

kk467

傳說電台DJ有幾首歌唔敢播，皆因一播就鬧鬼！
其中一首係既麥潔雯:夜夜痴纏～


第一：呢首電台禁歌，點解會係禁歌呢？原因唔係意識不良，原來首歌每次一播都會有怪事發生，所以由支歌出事之後都無電台播，直至某電台有一個靈異節目(羅君左主持的)，主持為了證實真相，某晚就播左呢支歌，點知‧‧‧佢地電台走廊有人見到有黑影，廁所又有人見到有野，ｄ聽眾又話聽完首歌後比野壓之類，佢地即時知道出事了，事後主持人講左首歌架歌名同主唱者，原來係好多年前麥潔文在電影靈氣迫人的主題曲「夜夜痴纏」，聽閒係因為歌曲d音樂會招野到哥ｄ野喎～

第二：而其中我所知道的一首禁播的歌曲，係屬於一位已經淡出樂壇的女歌手的一首舊作，呢首歌曲相信好多人都會聽過，因為這首歌曾經係80年代一齣電影的主體曲，更曾經紅極一時添。不過近年，呢首歌已經好少 DJ 會播。就算真係要播放都絕少會係深宵的節目裡面播放...........

其實個故事係一個做電台的朋友講俾我知道的。

話說當佢初入行的時候，佢係一個網上電台的見習，有一次佢handle個黃昏節目，負責揀歌的時候，搵返里首歌出來。起初我地冇乜人理佢做乜，以為佢只係播d普通流行曲。點知道當隻歌既intro一 奏起，個producer就好緊張咁闖入control room，問我個朋友做乜無端端播呢隻歌......

講真，我個朋友好少見呢個producer會緊張成咁。

事後，我好奇咁問佢做乜咁緊張。而佢話我知道原來好多年黎，電台裡面都有一d歌曲，係唔可以亂播既。就好似呢隻歌咁，每次播親都會有怪事發生，而佢初初入行的時候，試過有晚上做深夜節目，當時錄音室有幾個新人（包括呢位producer），佢地有人負責開咪，有人負責 on panel，有人就係度做錄音剪接的練習。

而當晚當呢首歌播放的時候，做錄音的同事，發現錄到d怪聲。佢係播新聞，叫埋另外兩個人一齊黎聽,原來裡面竟然錄到一把女人的聲音，個把聲音好慘，好似一路喊，一路跟住的旋律哼歌咁。最後佢地唯有將件事件同帶佢地既前輩講，個前輩就同佢地講，呢件事已經唔係第一次發生。只叫佢地以後盡量唔好再羅呢隻歌黎播，就應該冇事。

我俾呢首歌大家聽下，覺得好唔好聽，可能會招到ｄ靈界朋友同你一起聽
不過我聽左好多次覺得無咩奇怪野發生，只係覺得好蒼涼好慘～可能就係呢ｄ感覺相應到ｄ靈界朋友ｌａ　

slimshady

果時鍾慧冰主持既電台節目都係用呢首歌做主題曲
呢首歌得確幾凄厲,夜晚聽真係幾驚

Lee3

hey that's pretty cool, I thought it's going to be someone posting some old news on Gloomy Sunday

waikit1003

聽完有d眼訓..訓唔著播應該都ok~

旋律唔錯~