wind69

Originally posted by bigfish at 2005-12-11 03:30 PM:

難道國際賽經驗豐富o既英格蘭o係世...

每一次睇兩隊比賽之前，我都會好似你咁諗....

bigfish

Originally posted by wind69 at 2005-12-12 05:30 AM:


每一次睇兩隊比賽之前，我都會好似你咁諗....

你要知道每次 england 踢友賽都係上下半場出唔同人架啦, 十一個都換晒咁滯, d 球員仲玩玩下咁, 瑞典就相對認真, 都贏唔到 england, 足證兩隊如果踢正式比賽就會有好大分野啦

wind69

Originally posted by bigfish at 2005-12-12 06:17 AM:

你要知道每次 england 踢友賽都係上...

首先，唔係場場友賽都好似黎香港練波咁可以係咁換人ge
就算係，正如你所講，瑞典友賽時又咪一樣會換晒十一個試腳
唔通人地廿二個都識認真，你就次次都要玩玩下咩？
問題係，點解友賽就可以玩玩下先？
試問邊個唔想贏？
雙方實力相若ge球賽
好多時就係因為個別球員玩玩下唔集中至敗
越鍾意果隊波，就越係恨鐵不成鋼
技不如人就無得好講，
如果你有能力贏，
但係就次次都贏唔到
如果你有能力贏阿根廷，德國、意大利
但係就只能夠同自以為技不如己ge瑞典隊打個和ge話
個別鍾意玩玩下ge球員！最好檢討下lor

gogo8281

Originally posted by bigfish at 2005-12-11 03:30 PM:

難道國際賽經驗豐富o既英格蘭o係世...

巴拉圭實力一般﹖﹖
唔好認定南美得巴西﹑阿根廷啦
巴拉圭實力並不會差英格蘭多少
。唔好經常將英格蘭捧上神臺﹐
佢頂多係排一流強隊既中下游。

bigfish

Originally posted by wind69 at 2005-12-12 06:55 PM:


首先，唔係場場友賽都好似黎香港...

英格蘭球員踢友賽錫身就係人都知, 好似里奧, 奧雲, 林柏特, 祖高爾呢d 真係甚少踢友賽受傷, 但佢地去到歐洲盃同世界盃就會好集中, o係世界盃入面, 上述球員除祖高爾外都頻頻取得入球可見一班
相反瑞典球員可能冇大球會俾佢地壓力, 所以踢來特別認真, 呢樣野我睇賀歲波o個陣已經親眼見證過, 十年前英格蘭對好易通o個場波, 個個都渡假心情, 但一去到歐洲國家盃, 即刻踢到生龍活虎咁, 所以有理由相信英格蘭會o係世界盃入面破宿命

bigfish

Originally posted by gogo8281 at 2005-12-12 07:34 PM:

巴拉圭實力一般﹖﹖
唔好認定南美...

博彩公司都一致將英格蘭定為次熱喎...
巴拉圭又老幾呢??
雖然我捧英格蘭, 但我都知道佢o既實力係不如巴西, 但對住其他對手一定可以看高一線囉

bigfish

今屆最高興見到就係英格蘭要起碼到四強先會硬碰巴西, 睇黎艾歷臣要諗定點走線 lu... (如果巴西出到線的話)

gogo8281

Originally posted by bigfish at 2005-12-12 10:58 PM:

博彩公司都一致將英格蘭定為次熱喎...
巴拉圭又老幾呢??

名氣大賠率自然高﹐我唔否認英格蘭
實力的確好強﹐但捧為次熱名氣佔左
一半另一半才是實力﹐有邊次英格蘭
唔係熱門﹐結果未次次爆冷出局﹐如
果賠率可以作為判斷球隊實力咁洗乜
打﹐干脆根據賠率決定冠軍誰屬咪仲
好。
我唔係睇死英格蘭﹐而係我從美洲
杯﹑同南美入選賽睇過巴拉圭表現
出既水準﹐只要正常發揮﹐英格蘭
想贏需要九牛二虎之力﹐﹐而唔係好
似你講“要抵擋碧咸, 奧雲同朗尼更
加冇可能”﹐好似對手根本不堪一
擊咁貶低。

但我都知道佢o既實力係不如巴西, 但對住其他對手一定可以看高一線囉

比英格蘭強既球隊唔少﹐唔係得巴西卦?
對住其他對手一定可以看高一線?
咁荷蘭﹑捷克﹑葡萄牙等強隊又如何﹖

Tokyo2040

唔好忘記今屆喺歐洲作賽, 對南美洲球隊嘅發揮多少有d影響.

wai0818

講番c組 , 荷蘭同阿根延分組賽分分鐘場場都要認真博命咁打 , 唔同德國同英格蘭 (有千里逹同哥斯達尼加墊底)
荷蘭同阿根廷就算出到線,已經可能因為爭出線打謝左 ...... , 到16強橦著萄葡牙 , 到 8強就打英格蘭 or 德國 , 要 keep 著場場有水準都真係幾難 ....... 係講緊1個月內 ( 好彩去到決賽打足7場 )

所以我覺得有d 弱旅既組別係好重要 (e.g. 千里達 , 多哥 ,伊朗 ....... )