娛樂滿紛 26FUN - Powered by Discuz! Board

標題: 你地最喜愛近代前鋒係？？？ [打印本頁]

作者: kaing 時間: 2006-4-4 08:14 AM 標題: 你地最喜愛近代前鋒係？？？

講下大家最喜歡既近代前鋒呀．．．
我就最鐘意大哨．．
因為把握機會強．．入既波唔一定係世界波．．
不過高鋒時期差唔多入親大禁區射門都差唔多入更．．
前鋒點係要識入ｄ　簡單波好．．

個人覺得簡單既單刀呀，空門呀，個ｄ好易入既波．．
入到先係勁．．．話之你入過世界波．．．
空門，單刀都入唔到既前鋒真係麻麻地．．．

作者: sangwong 時間: 2006-4-4 08:37 AM

絕對係科拿~

作者: bonzi1983 時間: 2006-4-4 09:43 AM

Ian Wright from Arsenal

作者: asummy 時間: 2006-4-4 10:00 AM

Originally posted by kaing at 2006-4-4 08:14 AM:
講下大家最喜歡既近代前鋒呀．．．
...

Van Basten forever...............

作者: coyote 時間: 2006-4-4 10:05 AM

Gianfranco Zola

although small body, but posses great skill and sportsmanship

作者: sonyguy 時間: 2006-4-4 10:20 AM

Originally posted by asummy at 2006-4-4 10:00 AM:

Van Basten forever...............

我都想講雲巴士頓...
但佢算唔算近代呀??
=)

前鋒...真係好多都好鍾意...
杯賽三冠王既奧雲...
當時穩守突擊既利物浦...
野野都係後面一腳踼上去就算...
毫無組織可言...
佢每場波可能只有一兩個機會...
但就可以入一兩球...
當時基瑾都講...
世界級既前鋒...四五個機會可以入一球...
但奧雲...兩三個機會就最少可以入一球...

另外魯爾我都鍾意...當然講緊早五六年前啦...
佢真係好瀟灑...
好少勁射...
處理單刀波...禁區內既射波..
通常都係睇住龍門企位/封位...
跟住射一個好簡單...角度唔"due"轉...
力度唔係好勁既波...但龍門就係夠唔到既波...
輕輕鬆鬆就入波...

亨利我都好鍾意...
佢入球力唔駛講...
最鍾意佢係助功既能力...
當一個人可以在神射手榜排第二...
助攻榜排第一..
真係無人能及...

作者: liverster 時間: 2006-4-4 10:21 AM

mark huge, the professor of volley & 倒掛. the glory of wales & mu.

作者: chicken 時間: 2006-4-4 10:56 AM

Batistuta

作者: chanhoyingap 時間: 2006-4-4 11:24 AM

點講都係亨利
佢踢足球今人好有興趣坐係到睇
入球助功兩樣都無得頂

作者: Kian76 時間: 2006-4-4 11:56 AM

有好幾位......

末退役：恩沙基、舒夫真高、雲尼斯杜萊、以前既朗拿度和以前既韋利。

己退役：巴迪斯圖達、巴治奧。

作者: dogfood 時間: 2006-4-4 11:58 AM

baggio

作者: brightman 時間: 2006-4-4 01:00 PM

第一肯定係係巴塞時期既大哨. 速度, 爆炸力驚力. 一羅波閒閒地過兩三個人. 回想起當時佢入過好多靚波, 其中有一個球係後場扭過六個人單刀射入.

第二係舒利亞. 在布力般取得聯賽冠軍時狀態最FIT. 背住守衛波不着地 VOLLEY 抽射基本上是其招牌菜, D守衛根本完全無得足..係個年佢射入左超過三十個聯賽入球.

第三係舒寧咸. 佢踢波風格好特別,係一個用"腦" 踢波既球員. 踢法着重球隊整體組織. 身為前鋒往往能交出美妙既助攻, 贏得 " 二傳王"的稱號. 此外佢射術,頭搥一流.

第四係科拿..佢仲係"金毛強"既時候真係好變態. 一掂波幾乎會入波. 佢時常可以係幾分鐘內連入兩球三球. 而且把握能力一流, 想當年舒米高都買佢怕. 我當年就係睇佢至鐘意左利物浦.

[ Last edited by brightman on 2006-4-4 at 01:06 PM ]

作者: JE 時間: 2006-4-4 01:17 PM

羅拔圖巴治奧

作者: 羅馬小子 時間: 2006-4-4 01:44 PM

巴迪斯圖達

作者: honeyfei 時間: 2006-4-4 01:46 PM

朗拿度...
最具侵略性...作為一個前鋒..係最完美...
當然..有d前鋒係鋪橋搭路(..柏金..).....有d要"cool"波分波..(..細哨..)..
始終最危險既都係肥度..

題外話...論技術就一定係巴治奧....我仲係覺得細哨未去到佢個level..
但細哨比佢有創意..視野亦都好廣寬...

作者: 迷途小羔羊 時間: 2006-4-4 03:13 PM

近代呀…
正常狀態既肥仔度、肥仔朗尼、雲佬

作者: rider_123po 時間: 2006-4-4 03:45 PM

I like舒夫真高,基拿甸奴,基斯普
享利同迪比細佬

作者: Kian76 時間: 2006-4-4 03:53 PM

Originally posted by honeyfei at 2006-4-4 01:46 PM:
朗拿度...
最具侵略性...作為一個前...

朗拿甸奴的技術較花巧，巴治奧的是實際。

作者: Aristo~ 時間: 2006-4-4 04:50 PM

Vieri, Ronaldo
國米金鑽組合

坦克車Vieri, 雖然大份, 但係有技術,腳頭又重
球王級Ronaldo, 把握力一流, 至鍾意扼龍門

作者: lemon_kaka 時間: 2006-4-4 04:51 PM

近代出產既前鋒有好多都好鐘意.. 咁就講下我心目中最top既5個la...
第一係大哨..
差唔多一開始睇波就係睇佢踢巴塞.. 個時既佢真係速度, 射術同技術一身.. 好似只要佢拿住個波就注定後衛同龍門都無佢符.. 俾佢搞到頭都痕.. 把握力超強.. 無論遠近都可以收死對手.. 其中以半/全單刀既情況可以睇到佢輕易扭過對方後衛之後面對龍門係必入.. 可以挑/勁ban/射地波, 或者係扭埋先慢慢射.. 佢天生既射門觸角令到佢登上世界首席前鋒.. 可惜之後去到國米長傷.. 但係02世界杯又發光發熱.. 真係令人佩服.. 可惜場外既新聞太多 = =

第二個就係真高
真高又係一位能傳擅射既超級殺手.. 擁有超強既把握力同埋速度.. 即使係單箭頭都可以軾易撕破對守防線.. 其射程範圍可高達30碼外.. 而且經過射出一d 世界波令對手無從挽救.. 真高可以話係烏克蘭同米蘭既靈魂.. 無左真高, ac米蘭就去唔到而家呢個成就(當然其他對友都好重要).. 烏克蘭就更加睇到佢既重要.. 今年仲帶到烏克蘭入世界杯決賽洲.. 佢係一位天生既射手, 有著打不死既精神.. 係球場上既勇者..

第三位就係當今球王甸佬
呢條變態友可以以一己之力將成個球賽扭轉, 有著華麗既腳法.. 球場既洞察力, 強勁既射術.. 可兼任中場及前鋒多個位置.. 雖然無大哨同真高咁高既速度同入球觸角.. 但係可以團結隊友, 操控成隊球隊.. 成為勝負既關鍵.. 只要一控住波就能玩弄對手於腳上, 對手係無從判斷佢既動作.. 只能見住佢帶住個波咁過左.. 就好似一個魔術師一樣.. 球場既發電魔術師

第四位就係巴治奧
呢位人吧實而不華, 係意大利既象徵.. 傳球既準繩度及球場既判斷不下於細哨.. 同樣都可以勝任中場及前鋒.. 運用天賦既閱讀球場能力, 傳送出致命既直線, 撕破對手防線.. 其傳送能力不下於施丹.. 其實個人認為巴治奧既才華是不下於施丹, 只是比較沉實, 無施丹既球場扭波既瀟灑及世界杯冠軍吧.. 如果意大利係94年贏左世界杯, 相信球王之名便落於巴治奧身上.. 一位失意既曠世英才

第5位不能不提亨利
亨利比雲加悉心既改造, 由一位平平無奇既翼鋒變成多才多藝既前鋒殺手.. 射程範圍與真高無異, 又有速度同技術.. 又係球隊既重心, 成敗都在於佢既表現..亨利有著朗拿度顛峰事期既射術, 速度同把握力, 又有真高既射程同衝撞力.. 加上又可以助攻隊友, 可以話係全能既前鋒.. 不下於上面既每一位... 但係亨利有著唯一既缺點就係狀態飄忽, 時好時壞.. 無以上咁多位既穩定水準, 而且亦無以上咁多位既紳士表現, 比較串d.. 如果可以改下既話, 成就一定會而家更高!!

作者: abc123aa 時間: 2006-4-4 05:04 PM

第一個係巴迪斯達
佢射術好,步大力雄,球品又好,我相信好多球迷都鍾意佢

第二個係大哨
射術,速度一流,全盛時期單刀波唔入仲難過入

第三個係舒夫真高
球品好,又夠全能~

作者: FRANCISE 時間: 2006-4-4 05:49 PM

亨利

作者: iknow 時間: 2006-4-4 07:29 PM

都有甚幾個,近幾年先成名ge,當然係朗尼,美斯la
朗尼,又爆得,又射得
美斯,扭得之餘唔獨食,又係用一隻左腳踢波,右腳都淨係用黎平衡咁滯~~

前少少ge雲佬,前兩三年,波到腳,就入波,雖然今年都就黎三張,仲做埋沙夏ge後傭,但都有21個入波~

再前d,係近排至like,就係巴塞年代ge朗拿度......睇完果段關於佢ge片,發覺朗尼真係有d似佢,又係拉又拉唔跌,一個唔似速度型ge身型,遲後衛三四個身位起,都可以追過個後衛...傻的...

作者: 奇 時間: 2006-4-4 07:51 PM

白賴仁.勞特立~和亨利一樣是翼鋒出身,之後轉踢前鋒
他具備一個全面翼鋒的所有能力~包括突破,傳送,左右腳出色...
也有一個前鋒應有的入球能力
還記得當年每個星期看歐洲足球雜誌,都能見他一扭幾再射入

當時的歐洲球壇,"經常"做到這些的就只有柏金和大哨

作者: garyfong0516 時間: 2006-4-4 08:29 PM

TONI and HENRY

作者: ching=.= 時間: 2006-4-4 08:58 PM

舒夫真高　ｉ　ｌｉｋｅ　＠＠

作者: Kian76 時間: 2006-4-4 09:07 PM

等我講下末來之選：

第一：基拿甸奴

原因：他的入球效率極高，走位靈活反應也快，而且能獨自在單箭頭陣式下發揮出強大攻擊力，自從加入AC米蘭之後他的技術愈見全面，踢雙箭頭令基拿甸奴的合作性大增，由他所傳出的妙傳實在不少，只是多數末能造成直接的助攻吧，他在可見的末來將肯定是意大利的首席射手，但說了這麼多，原來他還25歲不到。

第二：美斯

原因：他的實力不容我多說了，盤扭是他的強項，實而不華的盤扭令他能無視對手的攔截，他只有18歲，前途無可限量，只要他能改善其最後一腳，相信將會是一位不錯的新馬勒當拿。

第三：羅斯

原因：身在曼聯的他，雖然上陣機會少，但他所展現出來的才華卻是無法阻止的，他最初是一名出色的射手，老鼠仔，己証明外界對他把握力的肯定，但在最近的比賽中，他不止是單純的老鼠仔射手了，他的二傳能力、眼界、技術也非常出眾，甚至其頭鎚把握力也很好，一下子他變得全面了，只是單單的半年時間，他便得到如此長足的成長，實在不可思議，另一重點就是他的左右腳兼備，也只得17歲，他的末來實在難以想像。

作者: coke123 時間: 2006-4-4 09:13 PM

HA HA, 當然係Scottie Pippen la, 夠全能!

如果足球細哨算係前鋒就細哨la!

作者: cwc_tkd 時間: 2006-4-4 09:44 PM

近代ge意思我會用90年代中期開始黎作定義.
其實要揀ge真係有好多, 唯有盡量精簡.
一定有大細哨, 舒夫真高, 亨利, 巴治奧同巴迪高呢幾位被上述咁多位仁兄介紹過ge偉大前鋒, 但我心目中仲有幾位.(實際太多, 個個都係"最"喜愛)

柏金, 我覺得佢同巴治奧好相似能傳擅射, 盤扭力高, 又有頭鎚, 控球又好, 射入親都係世界波.

科拿, 當大家睇過佢93年出道到97-98 ge時表現, 一定會令大家著迷. 佢係典型射手, 能夠入好多波, 但難得大部分都係好靚. 唔似東尼, 入波多但冇乜得別.(若反對請多多包涵)

魯爾(01-02 或之前) 當時ge raul, 一定係世界十大前鋒. 同柏金, baggio一樣係全能, 最大特色係鍾意用腦多過用氣力.

伊度奧, 雖然較獨食, 但佢ge爆發力,射門力量,同把握力都一流.. 淨係計呢3樣野, 都可以同巴迪高&大哨比. 同埋佢好多時都會從最前位置跑返自己中後場防守或者搶波, 好體能之餘,又有防守意識..入球能力更加唔洗講, 淨係睇呢2屆佢表現咁好就知..

足球小將ge就有小學時代ge志偉, 日本 ge小志強, 德國ge史奈達, 烏拉圭 ge 火野龍馬, 巴西ge辛坦拿, 同中國ge肖俊光!!

[ Last edited by cwc_tkd on 2006-4-4 at 09:49 PM ]

作者: cwc_tkd 時間: 2006-4-4 09:47 PM

Originally posted by coke123 at 2006-4-4 09:13 PM:
HA HA, 當然係Scottie Pippen la, 夠全能!

如果足球細哨算係前鋒就細哨la!

如果係講籃球ge, 我都有幾個呀.
LBJ, 安東尼, T-MAC, KG, Brand, 流川楓同埋Pippen

作者: Kian76 時間: 2006-4-4 10:15 PM

Originally posted by cwc_tkd at 2006-4-4 09:44 PM:
近代ge意思我會用90年代中期開始黎作...

但01年或以前既魯爾，係全職射手黎wor~~~~!!!!何來會全能呢？？係之後俾朗拿度逼去打輔鋒先至局住去將自己變全能，嚴格黎講係變成全部都不太能。

作者: Kian76 時間: 2006-4-4 10:16 PM

Originally posted by cwc_tkd at 2006-4-4 09:47 PM:

如果係講籃球ge, 我都有幾個呀.
LBJ, 安東尼, T-MAC, KG, Brand, 流川楓同埋Pippen

我鐘意KG、馬里安、史杜達米亞和最愛之一：皮亞斯！！！

作者: 艾奧羅斯 時間: 2006-4-5 01:45 AM

柏金.
入波雖則唔多,但係好多都係世界波!

作者: bigfish 時間: 2006-4-5 03:53 AM

簡東拿, 雲尼斯達萊, 沙夏, 約基, 高爾, 朗尼, 舒利亞, 舒寧咸, 奧雲, 費甸南全部都係近代世界經典前鋒

作者: c神 時間: 2006-4-5 11:58 AM

韋亞!!
單刀實食冇黐牙

作者: ponglun 時間: 2006-4-5 03:49 PM

我最喜的前鋒就是科拿，尤其係23號的他真係超勁，埋門同走位的技巧全部一流，天生射手，可惜奧雲掘起之後又大傷，一直都打唔番以前的水準，有次訪問佢自己都話無可能打返以前的高水平足球啦。

作者: hercules0317 時間: 2006-4-5 05:05 PM

巴治奧x巴廸高

一個技術超好加入好多重要入球

一個一行出黎已經好有殺氣,而且重情重義

my favourite

作者: ycm123 時間: 2006-4-5 05:20 PM

郎拿度 he is good ar!!

作者: night 時間: 2006-4-5 07:52 PM

98 wc
英格蘭對阿根廷

當時佢得18歲,著住英格蘭20號球衣
射入一球世界波,我就從此愛上左佢....

作者: night 時間: 2006-4-5 07:52 PM

而家亦漸漸愛上David Villa了..........

作者: cwc_tkd 時間: 2006-4-5 10:11 PM

Originally posted by Kian76 at 2006-4-4 10:15 PM:

但01年或以前既魯爾，係全職射手黎wor~~~~!!!!何來會全能呢？？係之後俾朗拿度逼去打輔鋒先至局住去將自己變全能，嚴格黎講係變成全部都不太能。

01年之前ge 魯爾曾經打過左中,進攻中場輔鋒,佢個時拍住摩運迪斯,入波多, 亦有好多靚二傳.不過速度唔高, 但技術,射術都係一流,所以我覺得佢算係幾全能.
當然最佳位置係正前鋒, 而我亦都有講錯,大哨未黎個時皇馬係靠晒佢入波咁滯,佢亦都入好多波.

作者: Kian76 時間: 2006-4-5 10:42 PM

Originally posted by cwc_tkd at 2006-4-5 10:11 PM:

01年之前ge 魯爾曾經打過左中,...

佢踢歐洲賽特別醒，成日入波，但踢聯賽就認真一般的好，唔算超班，因為佢末試過有一季入多過20球，情況有少少似奧雲，奧雲又係叻極最多都係19球。哈哈！！

作者: montella169 時間: 2006-4-5 11:44 PM

我鍾意巴迪高~

作者: 小狗狗 時間: 2006-4-6 05:04 AM

巴迪斯圖達

佢既入球能力我諗唔需要再特別多介紹....
最重要係當年佢肯陪同科倫天拿一齊降班,呢份高尚情操，已經足教幾多見利忘義既球星們為之汗顏啦!!

作者: ancanc 時間: 2006-4-6 02:17 PM

荷蘭聯賽時代鬥入波既文仔同伊巴

作者: Kian76 時間: 2006-4-6 05:40 PM

Originally posted by ancanc at 2006-4-6 02:17 PM:
荷蘭聯賽時代鬥入波既文仔同伊巴

但當時文仔既入球係長期伊巴既兩三倍。

作者: vincecarter 時間: 2006-4-6 07:49 PM

簡柬拿 for sure(唔知算唔算近代)
因佢既加入, 令到有90年代曼聨既皇朝, 有佢先有冠軍, 想當年佢無踢大半果年, 曼聯就咁收左皮
佢真係超好波, 而且又有娛樂性, 例如果一腳.....仲有佢既衫領, 最後到佢特然係黃金之年退休.......
最記得就係當年足總杯對利記, 佢一面後退一面射出果球"喎利", 一球氣走對手

作者: Tokyo2040 時間: 2006-4-6 08:54 PM

Originally posted by c神 at 2006-4-5 11:58:
韋亞!!
單刀實食冇黐牙

韋亞? 上屆世界杯門前一碼打飛機果個?

作者: night 時間: 2006-4-6 09:25 PM

Originally posted by Tokyo2040 at 2006-4-6 08:54 PM:

韋亞? 上屆世界杯門前一碼打飛機果個?

no

韋亞----利比利亞前鋒

African Player of the Year 1989,1994,
& 1995
European Football Player Of The Year
(1995)
Football Player of the Year - FIFA
(1995)
African Football Player of the Century
(1998)

[ Last edited by night on 2006-4-6 at 09:30 PM ]

作者: Tokyo2040 時間: 2006-4-6 11:16 PM

Originally posted by night at 2006-4-6 21:25:

no

韋亞----利比利亞前鋒

Afr...

Oh, I see. I mixed up with Vieri.

作者: 足球王 時間: 2006-4-6 11:35 PM

sure係大哨
技術no.1!!!

作者: 3413 時間: 2006-4-9 06:37 PM

我中意no.1舒夫真高...佢係禁區既射門觸覺好強...帶領烏克蘭入世界杯
no.2亨利.........法國零魂..入球助功都好好..肯提攜後輩

作者: Kian76 時間: 2006-4-9 08:51 PM

Originally posted by 3413 at 2006-4-9 06:37 PM:
我中意no.1舒夫真高...佢係禁區既射門觸覺好強...帶領烏克蘭入世界杯
no.2亨利.........法國零魂..入球助功都好好..肯提攜後輩

亨利唔係法國靈魂，只係阿仙奴靈魂。

歡迎光臨娛樂滿紛 26FUN (http://26fun.com/bbs7/)