Board logo

標題: 德國 賽後分析 [打印本頁]
作者: 甘國武    時間: 2006-7-5 06:35 AM     標題: 德國 賽後分析

我一向支持德國，今次德國出局，我當然覺得可惜，
但另一方面，我又覺得佢 "抵死" ，以下是小弟觀感~~

1,對於90mins內的表現，上半場非常積極；
到下半場，我甚至覺得佢既表現，比意大利好~~

2,一到加時，就深知不可妙，5mins內比人一柱一眉，
而又無相應調動？！真的想 "捱" 到12碼？

3,加時下半場，守勢更明顯，對對方威脅不足；
形成一面倒捱打，埋下輸波伏線~~
(臨尾3mins輸波，自己做成；自己無時間追，自己做成；
上前谷波，結果再輸一球，也是自己做成！~~)

可以說：
一,奇連士文 調動能力 遠不及 納比~~
二,德國心態可恥，刻意求和至輸波， "抵死" ！
作者: iad    時間: 2006-7-5 06:42 AM

我睇完之後都覺德國唔應該甘樣谷對波向晒前比意大利
之後比意大利有機會再加多粒..
我都以為意大利入一粒點知又入多粒. 好明顯奇連士文調動能力差
輸左一粒衰急進,士氣低落..抵輸la
作者: ahho319    時間: 2006-7-5 06:58 AM

第二粒無得講啦...得返一,兩分鐘
再唔焗晒上前博咩..
如果有角球列文都要上埋去呀..
輸一球又輸, 輸兩又係輸..
梗係博一博啦
作者: adamas    時間: 2006-7-5 06:58 AM

我都係德國球迷
臨尾香真係好傷心
如果早D比人入都好D
話哂德國打逆境波都有一手
但臨天光真係無仇報
輸第二粒無野好講
輸一球又輸兩球又輸
得果分幾鐘幾大都谷上去搏

輸波只好講技不如人
德國隊始終未回復三屆世界冠軍既真正實力
一路打來都係靠主場個勢
作者: abc123aa    時間: 2006-7-5 07:03 AM

時間越淨越少既時候, 德國班球員已經打算射12碼分勝負就算, 但奈何意大利唔想同你互射12碼, 臨尾既時候一舉進攻, 點知真係比佢地成功

今晚法國一定要贏呀~
作者: iad    時間: 2006-7-5 07:05 AM

真係幾攪笑,最尾加時幾分鐘沒仇報,德仔s 沒野好講
算啦德國打得好好la＠＠

[ Last edited by iad on 2006-7-5 at 07:10 AM ]
作者: adamas    時間: 2006-7-5 07:12 AM

其實我唔覺德國不思進取
無錯德國係無意大利咁多埋門威脅
但睇得出佢地都係不斷組織攻勢
奈何意大利防守太嚴密
一個簡拿華路都化解左好多危機
至於末段就算德國想摸和射十二碼都係人之常情
射十二碼等於win左八九成喎
作者: iad    時間: 2006-7-5 07:14 AM

Originally posted by adamas at 2006-7-5 07:12 AM:
其實我唔覺德國不思進取
無錯德國係...
沒錯意大利防係勁！　我都估德攻意有少少吃力
作者: abc123aa    時間: 2006-7-5 07:20 AM

Originally posted by adamas at 2006-7-5 07:12 AM:
其實我唔覺德國不思進取
無錯德國係...
我同意你既講法, 德國班人對射12碼咁大信心, 想摸和意大利係好正常既事
作者: 甘國武    時間: 2006-7-5 07:22 AM

Originally posted by adamas at 2006-7-5 06:58 AM:
我都係德國球迷
臨尾香真係好傷心
...
>如果早D比人入都好D
話哂德國打逆境波都有一手

無計，佢越臨尾越想拖，
越想拖就越無攻擊力，
越無攻擊力就越一面倒比人攻，
所以臨尾失波好自然~~
作者: 甘國武    時間: 2006-7-5 07:25 AM

Originally posted by adamas at 2006-7-5 07:12 AM:
其實我唔覺德國不思進取
無錯德國係...
>其實我唔覺德國不思進取
無錯德國係無意大利咁多埋門威脅
但睇得出佢地都係不斷組織攻勢

1,對於90mins內的表現，上半場非常積極；
到下半場，我甚至覺得佢既表現，比意大利好~~

>至於末段就算德國想摸和射十二碼都係人之常情
射十二碼等於win左八九成喎

係，但 一味守 = 一味比人攻 喎~~
作者: Daisuke    時間: 2006-7-5 08:03 AM

我覺得拿母位置太前雖然佢肋攻同遠射都掂
但是做成左後防有一個大空位...
益左義大利...可以從那邊帶到底線出波
作者: Tokyo2040    時間: 2006-7-5 09:26 AM

德國班球員好多個都好後生, 大賽經驗遠遠不及意大利班球員.  輸第一球好明顯係派路經驗好, 夠冷靜.  喺一場咁勢均力敵嘅比賽, 勝負往往就係睇吓邊隊可以把握到一個半個機會.  雖然我係德國fans, 但都覺得意大利勝出係合理嘅.  德國隊沈寂咗咁多年, 今次比到一個咁大嘅驚喜我地, 我個人對佢地今屆嘅表現絕對收貨.
作者: AWU    時間: 2006-7-5 09:30 AM

德國隊臨天光瀨尿, 呢種輸法最適合佢地
作者: babo    時間: 2006-7-5 09:51 AM

我又覺得德國唔係話真係有心守和佢
而係球員間根本就用到7788了..
話晒上場又係谷到盡打捉120分鐘
今場好明顯見到下半場雙方都有d氣力不足
入到加時更加明顯tim..兩邊空位多左...好多時見到快上快落咁..
基於意大利上一場輕鬆晉級...體力無咁輸蝕下...加時都可以壓一壓去攻.
o係加時入面..德國球員都有盡力去攻..奈何有部份球員已經用到盡了..

[ Last edited by babo on 2006-7-5 at 09:53 AM ]
作者: sonyguy    時間: 2006-7-5 09:54 AM

Originally posted by 甘國武 at 2006-7-5 06:35 AM:
可以說：
一,奇連士文 調動能力 遠不及 納比~~
二,德國心態可恥，刻意求和至輸波， "抵死" ！
1) 納比 比奇連士文好...可能啦...
不過奇連士文都唔失禮...
佢令到一隊打開穩陣既球隊變得悅目...
夠膽起用新人...

2)我唔覺得佢地既心態可恥...
其實成場波兩隊都打得好好...
下半場末段(85分鐘後)...意大利放慢進攻節奏...因為佢地唔想在90分鐘輸...
相反德國一有機會就繼續攻...因為佢地想在90分鐘解決...
到加時...意大利作出兩個調動...好明顯佢地唔想射十二碼...
同時..我亦唔覺得德國有拖慢進攻節奏...或者刻意求和既打法...
呢場真係難得一見咁精彩既四強賽!!
作者: babo    時間: 2006-7-5 10:04 AM

Originally posted by sonyguy at 2006-7-5 09:54 AM:



1) 納比 比奇連士文好...可能啦...
同埋...如果奇連士文係有心守和..
佢就唔會換入奧當高,舒韋恩史迪加同紐維尼來攻..而係換入防守球員.
作者: siredes    時間: 2006-7-5 10:20 AM

一早已經有預感德國會輸...
我自己係德國隊fans, 睇完尋晚場波之後, 我覺得若果以目前整體德國球員o既個人技術o黎講, 德國係未有足夠o既能力贏到世界杯, 甚至係歐洲國家杯...
佢o地o既整體實力仍然係處於世界o既2線水平...即係同瑞典、捷克差唔多, 只不過德國人本身擁有日耳曼民族o既優良特質, 再加上有主場之利, 所以先至被人當係熱門之一.
今場波最令我失望o既球員有兩個...一個係費特列治, 第一個失球係因為佢冇必要咁踢個波出界先俾意大利有角球機會. 而另一個係普度斯基, 佢多次浪費入球機會, 個腦轉數又慢, 個人認為佢根本未有能力做正選前鋒.
德國輸波只可以怪技不如人, 無論係進攻抑或防守能力, 德國都唔及意大利, 再加上成日想守和踢十二碼,  結果輸俾自己之餘亦輸埋俾人.
對德國好失望, 我希望呢班後生仔今後要好好磨練一下自己o既球技, 4年後再o黎過. 同埋...
真係希望迪斯拿到時唔好再傷喇...佢係德國目前唯一o既天才.
作者: 自由神    時間: 2006-7-5 10:35 AM

Originally posted by babo at 2006-7-5 10:04 AM:


同埋...如果奇連士文係有心守和..
佢就唔會換入奧當高,舒韋恩史迪加同紐維尼來攻..而係換入防守球員.
agree 我未見過一隊波對自己既十二碼（運氣）咁有信心！你話你有列文！人地都有保方啦！
作者: sonyguy    時間: 2006-7-5 11:12 AM

其實我地係唔係討論緊同一場波架??
德國真係有守咩?
如果係守...
唔係應該在後場由左傳到右...
又由右傳到左...
交個波去中場...跟住又回後甚至比返個波龍門咩?
又或者推個波去角球旗浪費下時間咩??
佢地在加時下半場其實好少橫傳...
好多時都係向前推...
咁都叫守???

佢地對自己既十二碼有無信心就唔知...
但唔係咁踼...應該點踼??
你認為佢地可以點做? 應該點做??
換走兩個後防打四個前鋒??
狂斬高波入禁區搏混亂?
作者: franken    時間: 2006-7-5 11:41 AM

我覺得大家o係度鬧奇連士文真係有少少問題
人地第一次執教就係國家隊, 仲要係一隊有輝煌歷史geh國家隊, 係主辦國。
由一開始被碧根鮑華critize到今日佢話要奇連士文繼續帶德國,
以佢自己geh咁淺執教經驗, 一班質素唔係最高, 甚至參差geh球員,
可以入到四強真係交足功課！

意大利強於傳統geh防守, 兩邊閘又不時上前助攻, gattuso又破壞唔少對方geh攻擊
camoranesi 一早就要被換出啦...踢到不知所謂！
或者lippi好在有一班好球員, 有老(cannavaro, materazzi), 有壯年(toni, totti, zambrotta, gattuso, pirlo, buffon), 有後生(gilardino, grosso), 有前又有後, 唔入決賽直情係無可能

琴晚場波就算90分鐘無入球, 唔代表兩隊踢守勢波
全場係咁你放一段, 我放一段, 快上快落
意大利真係運都贏埋...
podolski 禁區內被cannavaro侵犯變成禁區外罰球
照咁睇, 意大利可以順手贏埋個大力神杯返屋企！
作者: Kian76    時間: 2006-7-5 12:04 PM

其實意大利勝利既關鍵係加時的換人，首先基拿甸奴之前既入替，己經係一個計時炸彈，點解發定時間內他在尾段冇乜表現？？因為其實托迪和甘莫蘭尼斯真係踢到斷晒氣，特別係甘莫蘭尼斯，愈黎愈多失誤，然後換入伊亞昆達呢個速度高既高佬，在右路狂爆拿姆，雖知道拿姆今場波走上走落，又要應負90分鐘內谷盡黎同你鬥過既甘莫蘭尼斯，體力己冇左8899，而家先俾你個伊亞昆達上黎爆，實守唔住，再者，迪比亞路入替開始失去活躍表現既派洛達也很正路，擺大個頭打四前鋒，雖然迪比亞路依然末擺脫敗家仔命運，一球咁易射既禁區邊俾佢射失左，但幸好在隊友打開紀錄後，他壓力盡消，可以入番粒。

基本上呢場波兩隊都踢得好，無論那一隊入決賽，也將會是冠軍！！！

眼見下線列強都愈踢愈廢，葡萄牙贏既係一隊水兵英格蘭，兩隊水鬥水，打多個人都攻唔掂英軍，另外法國咁好彩遇到西班牙前場跌watt及後防例牌問題，即使只踢一個施丹都夠，之後對住一隊掛名巴西實質馬其頓既廢物，法國又係靠施丹單天保至尊幫助攻力還是唔理想既法國隊製造入球，最後終於憑馬其頓既低級錯誤入倒一球，最後終於出現水鬥水四強，葡萄牙vs法國，基本上佢地到今時今日都末踢過一場有說服力既好波......
作者: 龍九州    時間: 2006-7-5 12:47 PM

係意大利既防守太出色啦!
保方
作者: cfccfcc    時間: 2006-7-5 12:52 PM

Originally posted by Kian76 at 2006-7-5 12:04 PM:
其實意大利勝利既關鍵係加時的換人，...
先回番最頂的post,我覺得成場波係italy打得好過德國,個中場都贏左一大截啦
Pirlo打到好似神咁,控球在腳不慌不忙,傳停帶射樣樣能~

就算邊隊贏,都可以拿冠軍???唔係卦?
我覺得現在4強呢幾隊,隊隊都有能力拿冠軍,冇人感講邊隊贏硬呱?
講真如果italy對住France的Vieria and Makelele,totti真係一棟都未必有

其實奇哥已經用盡所有板斧,3個換人都換晒,Odonko, 紐維利,小豬,換左呢三個入黎確實係令Zambrotta and Grosso冇助攻助得咁happy,另一方面Lippi亦換入細老and伊亞昆達令拿姆冇得再爆上去

兩名領隊大鬥法,各有利害之處,不過italy入的第一球,嚴格來說都只是set-pieces,所以也替德國感到有點不值~

無論誰勝誰負,都沒有責怪的餘地,能有這樣的成績對於兩隊來說也肯定是超標了~
作者: rest365days    時間: 2006-7-5 01:02 PM

德國完全唔記得意大利點樣喺最後幾分鐘擊敗澳洲
作者: chicken    時間: 2006-7-5 01:05 PM

Luppi knew if there was penalty shootout they wouldl mostly lose the match, so he substituted
Iaquaita for Camorasi and this made German unadaptable and almost lose the goal in extra time first half.

Then Klinsmann still did not improve their defence power and finally they lose the match.

I would say Italy won by Luppi's determination and Italian players' compete mind.
作者: michelle_tom    時間: 2006-7-5 01:22 PM

Originally posted by franken at 2006-7-5 11:41 AM:
我覺得大家o係度鬧奇連士文真係有少少...
agree
我都覺果球係十二碼...好唔抵...
作者: bbsex    時間: 2006-7-5 02:03 PM

原來有咁多德國迷係度，仲以為自己係「小數民族」！

講返場波！ 輸波無錯係好可惜，但係都屬於「正常賽果」。 用球員質素去計，無論前中後三線每個位，意大利比德國實在過之而無不及，最多可以話拿姆同格羅素，波歷克同無態既托迪可以打過和(個人意見)！ 再加上德國現役呢班好多都好後生(尤其條後防線)，大賽經驗實在係唔多，甚至可以話無！ 所以普度斯基連番失機同埋D後防間中走灟左人，其實都係預期之內(諗返第一場對哥斯達黎加就知)，問題係走灟左個次會唔會輸波同可以改善幾多。 就算用成隊去睇，細心既都知道其實意大利真係可以用「踢成隊」黎形容，唔係話德國無隊形，但係球員之間互相包位同走位，意大利的確勝一籌！ 就以條中場線回防做例，可以見到意大利D球員(尤其加度素同派路)會自動自覺填返後衛走灟左D位，而唔係就咁跑返三閘線企返個位就算，雖知道回防唔係企位咁簡單！

講左咁多，好似講到自己唔係德國隊迷咁！ 但正如之前咁講，輸左係好失望！ 其實整體黎講已經係「喜出望外」！ 諗返熱身賽對意大利，真係無眼睇 ... ... 當然有人話主場幫唔少，呢個係一定有既，起碼係自己人面前都唔敢懶啦！ 但係整體同埋同別球員既進步真係好明顯！ 要再三講既係條後防線：第一場可以用豆腐黎形容，到而家可以包到位同力抗D世界級前鋒，已經可以大拍手掌！ 希望班後生仔例如拿姆、侯夫、梅迪煞卡、贊臣、同埋無入選既軒基等可以快D進步，就算上唔到一線頭，都可以做到一線尾既球員！ 至於前鋒保度斯基既把握力雖然未算好成熟，但話哂人地得20歲仔，下年仲去拜仁踢下大賽，相信係有希望既！ 而高路斯亦都唔再「得個頭」(諗返上屆世界盃就知)，扭簡拿華路個下真係好出色，而控球、射波、盤球等都進步左唔少，雖然要佢踢多屆世界盃就未必得，但係呢緊兩、三年都可以靠下佢，同埋希望佢可以帶起普度斯基、古蘭爾同漢基！ 剩返中場線，短期內波歷克真係好難有人頂到佢：舒韋恩舒迪加未必適合打正中場分波，左中場啱佢多D，況且佢同拿姆合拍開；迪斯拿出波幾好，打右中場好適合佢多D；如果講同類型既，保路斯基會係一個好選擇，都係長傳準、體力唔錯、跑上跑落、後上有頭有腳！ 反而比較擔心既係守中呢位，芬寧斯係唔錯，但係企位同包位兩方面唔係咁好，見佢好多時都係追返走灟左個D人，多過成功攔截到對方傳送同補返後防走灟左D位！ 諗下馬基利利就知啦！ 車仔唔知幾靠佢，尤其係二閘上左去助攻，有佢逗返D位令到林柏特同二閘上得幾放心！ 雖然芬寧斯射波幾勁同仲可以打多兩三年，但似乎後繼無人：基爾年紀唔細，其他德甲球隊呢個位用外援多，例如夏格維斯、蘇度等。 所以真係好希望呢幾年內可以出返同好似馬圖斯、森馬、伊歷斯呢D級數既防中。

打到手都軟，其實我諗而家話鍾意德國既，好少係呢幾年先至開始鍾意，我諗係由90西德或者96歐洲國家盃開始(當然有更早啦)！ 所以不期然會用返呢兩代既球員做比較(好似樓上有D朋友既分享咁，我自己都會)。 不過坦白講，我諗短期內德國都好難(甚至無可能)去返個兩屆既水準(除非無端端出返好似高拿、巴治禾、薛基、布林美、畢圖特、路達、馬圖斯、慕拿、希士拿、森馬、列巴斯基、伊歷斯、禾拉、奇連士文呢D級數既球員)，不過好明顯德國已經走出左「青黃不接」既階段，所以如果德甲球隊肯俾多D機會本土年青球員，同埋而家班後生可以出國搵食，德國一定有機會重登世界一線球之列！
作者: mttfpuk    時間: 2006-7-5 03:12 PM

我係 deadhard 德國 fans, 呢次世界杯 德國 上下交足 200% 功課, 奇哥新戰術, 用新人, 全隊一貫 十上十落團隊打法非常出色, 今場輸係邊 ............. 輸係要突然冇左 frings, 迫上半場要打守波, 輸老大哥那一秒鐘的自私, 大家睇番第一球, Ballack 竟然避波 ...... 佢唔避殺上去係好有可能擋到 ka .................

仲有 .......... 話德國想守和人唔該再睇場波一次, 進攻兩邊有上有落, 你一球我一球, 絕冇拉布 ...... 後邊換 3 個前鋒係想攻波, 想 12 碼都唔會換走波路斯基 同 史夸達 la

支持奇哥下界再黎過.
作者: bigfish    時間: 2006-7-5 03:12 PM

德國掃走阿根廷之後, 我都支持德國 ga, 不過今場真係唔同對手, 因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波, 唔可以再用對阿根廷O個套, 今次可謂奇連士文失策之故
作者: mttfpuk    時間: 2006-7-5 03:19 PM

Originally posted by siredes at 2006-7-5 10:20 AM:
一早已經有預感德國會輸...
我自己係... 德國輸波只可以怪技不如人, 無論係進攻抑或防守能力, 德國都唔及意大利, 再加上成日想守和踢十二碼,  結果輸俾自己之餘亦輸埋俾人.
對德國好失望, 我希望呢班後生仔今後要好好磨練一下自己o既球技, 4年後再o黎過. 同埋...
真係希望迪斯拿到時唔好再傷喇...佢係德國目前唯一o既天才.
係.....迪斯拿 同 scholl l 長期傷真係好慘, 如果唔係, ballack 都仲係 DF 炸.....

不過 4 年後, 迪斯拿就算唔傷 ........... 都應該踢唔到 .......... 太老了
Originally posted by bigfish at 2006-7-5 03:12 PM:
德國掃走阿根廷之後, 我都支持德國 ga, 不過今場真係唔同對手, 因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波, 唔可以再用對阿根廷O個套, 今次可謂奇連士文失策之故
阿根廷實力太弱???? 英格蘭明顯高一班波 ???? 我真係第一次聽

[ Last edited by mttfpuk on 2006-7-5 at 03:22 PM ]
作者: brightman    時間: 2006-7-5 03:23 PM

Originally posted by mttfpuk at 2006-7-5 03:12 PM:
我係 deadhard 德國 fans, 呢次世界杯...
德國一定想主攻, 但係面對意大利咁穩固既防線根本好難搵到位去進攻. 所以今場波射中龍既次數唔多. 故有錯覺覺得德國唔想攻.
作者: brightman    時間: 2006-7-5 03:24 PM

Originally posted by mttfpuk at 2006-7-5 03:19 PM:


係.....迪斯拿 同 scholl l 長期...
我當笑話咁聽
作者: mttfpuk    時間: 2006-7-5 03:27 PM

Originally posted by brightman at 2006-7-5 03:23 PM:

德國一定想主攻, 但係面對意大利咁穩固既防線根本好難搵到位去進攻. 所以今場波射中龍既次數唔多. 故有錯覺覺得德國唔想攻.
係, 意大利防線真係好強, 加上德國攻守失, ....

冇左 Frings 真係差好遠
作者: chong_lau    時間: 2006-7-5 03:33 PM

Originally posted by bigfish at 2006-7-5 03:12 PM:
德國掃走阿根廷之後, 我都支持德國 ga...
因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波?
真係O晒嘴
作者: chong_lau    時間: 2006-7-5 03:36 PM

意大利已經24場不敗，後防線在世界杯期間僅丟一球，那還是一個烏龍球，所以贏德國絕非偶然

世界杯-意大利拋棄保守打法放手一搏,挺進決賽絕非偶然7月 5日 星期三 14:51 更新

放大意大利7月4日在世界杯四強賽拋棄傳統的謹慎打法，大舉進攻，最終贏得決賽席位。幾十年來，意大利隊一直以其保守的打法飽受批評，但在這場比賽中，意大利隊在加時賽大膽啟用四名前鋒，兩度擊中球門框，最後憑藉格羅索(哥素)和皮耶羅(迪比亞路)的入球，漂亮地贏下比賽。意大利隊比賽一開始拋棄他們傳統的謹慎打法，大舉進攻，最終贏得決賽席位。

幾十年來，意大利隊一直以其保守的打法飽受批評，但在這場比賽中，意大利隊在加時賽大膽啟用四名前鋒，兩度擊中球門框，最後憑藉格羅索(哥素)和皮耶羅(迪比亞路(網站 - 圖片))的入球，漂亮地贏下比賽。

意大利隊主教練里皮(納比)顯然不願將比賽拖入點球(十二碼球)決勝，因為歷史戰績顯示，點球大戰對他們不利。

意大利隊目前已經24場不敗，他們的後防線在整個世界杯期間僅丟一球，那還是一個烏龍球，坐鎮後防線的隊長法比奧卡納瓦羅(F.簡拿華路)依舊如磐石一般堅固。

本場半決賽是意大利隊本屆賽事期間第一次遇到實力相當的對手，雖然他們晉級四強之路相對輕鬆，但最終的表現證明他們能進入決賽絕非偶然。(完)
作者: lovesa123456    時間: 2006-7-5 04:05 PM

大家一齊時光倒流丫...

當打到加時下半場剩低2分鐘時,
有幾多人會諗到意大利會入到波呀???

大家問心果句,
係咪已經一心諗住坐定定睇12碼先???

根本果個入波就係突如其來, 更加唔好講第二個波啦

意大利能夠入到決賽

1) 防守力真係抵讚, 但亦都有運
仲記唔記得對烏克蘭果場有幾球波又中柱又中楣呀
尋晚亦令到德國根本難越雷池

2) 德國進攻板斧少, 防守力亦不穩
亦顯示德國面對密集防守根本冇乜板斧丫
兩邊落唔到底, 出唔到波, 高路斯自然冇料
對住瑞典的遠射亦用唔著, 皆因意大利中路太密了

防守力唔夠穩在frings缺陣下更明顯
中路守將速度慢, 面對意大利快速突擊更見吃力
在体力下降, 加時後防壓力加大

3) 意大利條線好
意大利出線後係16,8強真係易打到丫...
比佢地係分組賽遇到的壓力仲細

如果16強一早遇巴西睇下今時今日仲見唔見到佢地...
仲有澳洲果下真係.....唉..


唔失波就唔會輸波
意大利當然深明此道理啦
唔係話意大利好積極
係根本德國都俾唔到好大壓力俾意大利
你都冇料到人地梗反咬你啦
作者: alantai    時間: 2006-7-5 04:17 PM

一句講哂
球員質素上既分野
德國同意大利有幾個相似既半機會
意大利入兩個靚波,德國就嘥左
作者: leungman    時間: 2006-7-5 04:28 PM

其實o係体能上德國係比意大利輸蝕，因為德國連埋呢場係連續兩場波都係要踢到加時，今場波仲要冇埋一場波跑廿公里o既Frings。所以到左最尾果兩分鐘先至失波都算好野嫁喇。呢兩球波擺明就係德國球員已經冇力跟波，所以先至有咁大個空位比格羅素同埋迪比亞路射波囉。
作者: 奇    時間: 2006-7-5 06:21 PM

Originally posted by 自由神 at 2006-7-5 10:35 AM:

agree 我未見過一隊波對自己既十二碼（運氣）咁有信心！你話你有列文！人地都有保方啦！
德國射十二碼係有貓紙架
作者: skjeiw    時間: 2006-7-5 06:23 PM

我覺得係意智力0既分別
踢到110幾分鐘...講真...場上好氣好力0既人絕對唔多
氣力已經用得7788,而大家都無左比賽前段好0既傳送,突破等等
或者德國以為射梗12碼...臨尾幾分鐘泄氣導致輸波
但好明顯意大利贏就贏在佢地由加時第1秒到最後1秒...都無意思拖到射12碼
佢地入0個球唔係負負碌碌,而真係有傳送同組織
所以意大利係抵贏0既
作者: skjeiw    時間: 2006-7-5 06:32 PM

Originally posted by mttfpuk at 2006-7-5 03:12 PM:
我係 deadhard 德國 fans, 呢次世界杯 德國 上下交足 200% 功課, 奇哥新戰術, 用新人, 全隊一貫 十上十落團隊打法非常出色, 今場輸係邊 ............. 輸係要突然冇左 frings, 迫上半場要打守波, 輸老大哥那一秒鐘的自私, 大家睇番第一球, Ballack 竟然避波 ...... 佢唔避殺上去係好有可能擋到 ka .................

仲有 .......... 話德國想守和人唔該再睇場波一次, 進攻兩邊有上有落, 你一球我一球, 絕冇拉布 ...... 後邊換 3 個前鋒係想攻波, 想 12 碼都唔會換走波路斯基 同 史夸達 la

支持奇哥下界再黎過.
um...我想講足球唔係踢一個人
無理由賴無左芬寧斯就輸,亦無理由話波歷克自私
輸一球波都係成隊球隊0既責任
你既然話德國係輸呢樣野...倒不如話佢地點解一球都入唔到

同埋我覺得佢地唔係想守和...只不過佢地最後5分鐘有d放鬆...覺得無咁易俾人入而搞到輸波
作者: sonyguy    時間: 2006-7-5 10:30 PM

想講返意大利既防守...
佢地真係好勁...
好多時話一隊球隊防守勁..
可能佢地係六七個人企晒後面守...
但意大利勁在真係個人質素...
好似今場波咁...
好多次三個打三個...四個打四個...
甚至係三個打四個...
都可以解到圍...
真係睇到我尖叫...
作者: Kian76    時間: 2006-7-5 10:51 PM

Originally posted by lovesa123456 at 2006-7-5 04:05 PM:
大家一齊時光倒流丫...

2) 德國進攻板斧少, 防守力亦不穩
亦顯示德國面對密集防守根本冇乜板斧丫
兩邊落唔到底, 出唔到波, 高路斯自然冇料
對住瑞典的遠射亦用唔著, 皆因意大利中路太密了
不認同你說意大利後防打密集，只是意大利以少人防守出多人既效果。
作者: lazialihk    時間: 2006-7-6 12:32 AM

德國中後場打得幾好
用基爾代芬寧斯
防守上就無問題
不過見到佢幾次0係中場有空位
都只係拖住個波
做唔到快攻

進攻板斧真係唔多
死球處理得差
有快攻機會,人多打人少都入唔到禁區
無邊個有個人突破能力
one on one 都過唔到

以保路斯基代舒偉恩史廸加
想佢負責芬寧斯ge長傳
不過佢始終唔夠快
0係左邊同拿姆又無默契
舒偉恩史廸加出左黎都無威脅
可能無態

意大利2隻閘上到咁前助攻
但係德國都唔可以拉開兩邊
舒尼達慢
如果用佢同基爾打間可能好d
費特列治同拿姆上去助攻
次次都唔成功
中間無空位
高路斯同普度斯基被人mark死曬
波歷克又少上禁區頂

不過意大利後防ge個別質素實在太高
德國前線組織唔到攻勢
one on one又唔夠人黎
入唔到波都應該

Iaquinta 出左場之後
0係右路有好大威脅
拿姆已經mark佢唔住
中堅梅斯達同梅廸薩卡已經打得幾好
一個mark人,一個解圍
建立左d默契
進步好明顯

德國最尾守唔到
有dd唔抵
雖然意大利表現真係好d

08年
如果德國有個playmaker
有個又快又扭得又識畀波ge翼
奇連士文留低
有前途!!!
作者: scorerhk    時間: 2006-7-6 12:34 AM

兩個字精彩,兩隊都打得好好,打到水準,算係今屆一場最精彩的零入球比賽,
比起好多有入球賽事更好睇,兩隊互有攻守,打出戰術佈署,90mins內德國積
極進取,意大利則全場踢得好有耐性,不慌不忙,兩隊表現出極高的體能狀態
只可惜意大利領隊的經驗,調動都較奇連士文優勝,以及意大利三線的實力較高
德國雖打出90mins好波,但意大利則保持120mins努力表現

在體能上,我唔覺得德國有不足,的確德國全場都緊迫對手,主動搶攻,體能上壓過對手
德國一失波就開始做壓迫,可以大膽講句,除咗某d非洲球隊,德國體能上係表現最好的一隊
但意大利踢得好聰明,無全隊谷上去,反而把握轉守為攻的時刻,第一時間找機會長傳打突擊,或保持控球在腳為先,靠兩邊爆,能把握德國左路經常助攻,未能及時回防的時刻,
以及後防的弱點進攻,所以先以451陣式打法係成功

再者,意大利防守的確很出色,令德國進攻造成不到威脅,而德國前鋒把握力不足,
故造成今場的分野,意大利得到最後勝利的關鍵
作者: kk33    時間: 2006-7-6 01:18 AM

Originally posted by bigfish at 2006-7-5 03:12 PM:
德國掃走阿根廷之後, 我都支持德國 ga, 不過今場真係唔同對手, 因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波, 唔可以再用對阿根廷O個套, 今次可謂奇連士文失策之故
如果葡萄牙輸我就會話
葡萄牙掃走英格蘭之後, 我都支持葡萄牙 ga, 不過今場真係唔同對手, 因為英格蘭實力太弱, 根本俾唔到葡萄牙後防任何威脅, 但意大利, 阿根廷, 法國呢d 明顯高一班波, 唔可以再用對英格蘭O個套, 今次可謂史高拉利失策之故

講返場波,意大利贏都係合理gei~~~~
但德國都唔錯了,雖敗不辱

[ Last edited by kk33 on 2006-7-6 at 02:44 AM ]



歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0