Board logo

標題: 蔣世豪公然同香港球迷反面 [打印本頁]
作者: bigfish    時間: 2006-8-20 01:51 AM     標題: 蔣世豪公然同香港球迷反面

黎 新 祥 成 功 挽 留 蔣 世 豪

【 本 報 訊 】 由 於 港 隊 出 線 亞 洲 盃 保 持 希 望 ， 原 先 決 定 告 別 港 隊 的 蔣 世 豪 ， 考 慮 戰 罷 9 月 6 日 主 場 對 烏 茲 別 克 的 第 4 輪 外 圍 賽 後 ， 才 正 式 退 出 香 港 隊 。
在 周 三 的 亞 洲 盃 外 圍 賽 作 客 烏 茲 別 克 ， 爆 冷 以 2:2 追 和 、 搶 得 1 分 的 港 隊 ， 昨 日 從 北 京 乘 機 返 港 。 賽 前 宣 布 踢 罷 該 仗 便 退 出 港 隊 的 蔣 世 豪 ， 形 容 這 場 為 經 典 賽 事 時 說 ： 「 呢 場 波 我  一 致 被 睇 淡 ， 所 以 踢 得 好 放 ， 完 全 無 壓 力 。 可 能 係 呢 個 原 因 ， 個 個 球 員 都 好 容 易 發 揮 水 準 ， 而 且 特 別 拼 搏 同 齊 心 ； 我 覺 得 用 呢 場 波 告 別 港 隊 ， 應 該 算 係 一 個 完 美 結 局 。 」


主 場 對 烏 軍 後 告 別
不 過 ， 港 隊 目 前 在 亞 洲 盃 保 持 出 線 機 會 ，  練 黎 新 祥 表 示 希 望 挽 留 蔣 世 豪 ， 帶 領 港 隊 角 逐 餘 下 分 組 賽 。 對 此 「 豪 豬 」 說 ： 「 黎 Sir 開 到 口 叫 我 留 隊 ， 佢 係 我 恩 師 ， 所 以 一 定 要 幫 。 不 過 今 次 真 係 最 後 一 場 ， 踢 埋 9 月 6 日 對 烏 茲 別 克  比 賽 正 式 告 別 港 隊 。 其 實 我 都 想 講 清 楚 ， 黎 Sir  我 心 目 中 係 全 香 港 最 佳  練 ， 外 間 成 日 因 為 港 隊 冇 成 績 而 要 炒 佢 魷 ， 我 覺 得 好 唔 公 平 。 」
現 時 效 力 愉 園 的 蔣 世 豪 補 充 說 ： 「 香 港 足 球 實 力 有 幾 高 ， 大 家 心 知 肚 明 。 要 我  同 高 水 準  球 隊 比 較 ， 輸  就 鬧  練 鬧 球 員 ， 所 以 我 一 早 對 香 港 球 迷 死 心 ， 呢 個 亦 係 我 退 出 港 隊  原 因 之 一 。 」

既然死心, 做乜仲要踢波? 走去另覓工作罷啦
冇球迷支持, 你邊有糧出呢? 人地俾錢買波飛, 鬧d 踢得冇心機o既球員都無可厚非掛
點為之高水準球隊? 唔通對住世界排名 103 o既中國輸七粒都仲搵藉口?
作者: 費事高    時間: 2006-8-20 01:57 AM

收工啦,踢得咁難為就唔好踢,收工啦
作者: MaxFigo    時間: 2006-8-20 02:02 AM

如果睇返豪豬要退出港隊ge原因
唔難明白點解佢會有d咁ge諗法
作者: donald15    時間: 2006-8-20 02:09 AM

老實講球迷支持
又會幫得幾多佢地出糧丫
高水準既車路士都輸比米堡三球
足球就是這樣的
作者: hugh090702    時間: 2006-8-20 02:17 AM

Originally posted by donald15 at 2006-8-20 02:09 AM:
老實講球迷支持
又會幫得幾多佢地出糧丫
高水準既車路士都輸比米堡三球
足球就是這樣的
如果真係要等球迷入場睇先有糧出
咁d球員餓死好耐lu
作者: Fung2004    時間: 2006-8-20 02:40 AM

我覺得香港球壇根本係一個惡性cycle...
比你試吓係職業球員, 人工已經唔高,養家都唔夠,練完波仲要part多份工, 平時比賽得嗰三幾十日睇,已經冇mud意欲搏命啦,根住一個唔覺意底線傳底,就比你班友低聲一個"調"字...一陣單刀橫傳又比你班友笑足幾年,點會有心機踢呀?
arm arm呢壇野,港隊搵地方練波都比人趕,唔好話支唔支持啦,連少少既尊重都唔比佢地,有冇搞錯呀,人地代表我地出去同人比賽架....校隊比賽前都會攞學校個場黎練波啦,你諗吓如果個校長出黎趕人,話佢地阻住其他同學打波咁點呀?你都唔gur啦......

站喺球迷國度,我喺屋企坐定定有歐洲高水平既四大聯賽睇, 老遠出黎旺角場日曬雨淋黎睇波,點知你班友踢落一d衝勁都冇,走都走唔郁,你叫我點支持你呀?
作者: abc123aa    時間: 2006-8-20 03:20 AM

一陣單刀橫傳又比你班友笑足幾年,點會有心機踢呀?<~咪係........唔明有咩好笑, 雖然我都笑過, 但我唔覺得有咩問題......

港隊搵地方練波都比人趕,唔好話支唔支持啦,連少少既尊重都唔比佢地,有冇搞錯呀<~仲要轉過頭向足總投訴, 死未
作者: cfccfcc    時間: 2006-8-20 08:49 AM

大家成日鬧香港足球屎波
我以前都試過咁鬧
不過2年前參加一個比賽同馮奇踢過一場波
踢完就知佢地其實係踢得好好
不過就係點都唔夠人地外國波好
所以你地要求高,佢地滿足唔到你地
作者: bigfish    時間: 2006-8-20 09:47 AM

Originally posted by Fung2004 at 2006-8-20 02:40 AM:
我覺得香港球壇根本係一個惡性cycle.....
真係要學下人地英格蘭啦, 佢地要去邊個球場練波足總都會安排, 又有超過二十個高質球場任佢地揀, 咁咪踢到有隊型囉
你睇英格蘭唔單止吸納到本土球迷, 連整個遠東地區都歡迎佢地
相信如果香港隊同英格蘭爭用城門谷運動場, 場地經理都會俾英格蘭用先啦
作者: babo    時間: 2006-8-20 09:55 AM

Originally posted by bigfish at 2006-8-20 09:47 AM:

真係要學下人地英格蘭啦, 佢地要去...
救命=.=乜都英格蘭=.=

香港地方有限..唔可能做到咁多正規球場出來俾人練波--
加上外國一來地大...二來球會出得起錢先有球場起..
就係因為佢出得起錢...連管理場地都係自己出錢..
香港?想起多個場...唔係政府唔批就議員反對..
作者: skjeiw    時間: 2006-8-20 10:35 AM

Originally posted by bigfish at 2006-8-20 09:47 AM:

真係要學下人地英格蘭啦, 佢地要去...
香港回歸左架啦...唔好再英格蘭好,乜都好...
作者: donald15    時間: 2006-8-20 11:20 AM

Originally posted by babo at 2006-8-20 09:55 AM:


救命=.=乜都英格蘭=.=

香港地...
其實真係好關政府事
基本上香港既所有運動佢都冇乜支持
有既都係門面野
當先李麗珊拎左奧運金牌就話要大搞風帆
早兩先出左乒乓孖寶又話大搞乒乓(其實呢個牌跟本唔關香港事跟本係中國太多人送d黎)
依家做左呢d門面野後咁又點呢????
作者: 自由神    時間: 2006-8-20 01:44 PM

唉！佢都係講事實姐！
作者: sagaman    時間: 2006-8-20 01:53 PM

相比其它運動，足球更需要人力物力，少d錢都唔得，香港政府點會支持!!!
作者: slwong3    時間: 2006-8-20 02:17 PM

「 香 港 足 球 實 力 有 幾 高 ， 大 家 心 知 肚 明 。 要 我  同 高 水 準  球 隊 比 較 ， 輸  就 鬧  練 鬧 球 員 ， 所 以 我 一 早 對 香 港 球 迷 死 心 ， 呢 個 亦 係 我 退 出 港 隊  原 因 之 一 。 」


yes ar
he is very right....what's the problem with it?
HK people always watch the high class soccer like England or Italy soccer league.
When you compare that with HK team, of course you would think that's dumb.
作者: MaxFigo    時間: 2006-8-20 04:58 PM

Originally posted by slwong3 at 2006-8-20 02:17 PM:
「 香 港 足 球 實 力 有 幾 高 ， 大...
個問題....我諗只係忠言逆耳je....
真話往往都係難聽d
作者: iknow    時間: 2006-8-20 07:00 PM

Originally posted by MaxFigo at 2006-8-20 04:58 PM:



個問題....我諗只係忠言逆耳je....
真話往往都係難聽d
但呢個真話都講左好耐...
有冇逆咁耐耳...
作者: cwc_tkd    時間: 2006-8-20 08:03 PM

如果香港球迷係真心支持香港隊,
佢根本唔會咁灰,
更加唔會講呢番說話
作者: MaxFigo    時間: 2006-8-20 08:33 PM

Originally posted by iknow at 2006-8-20 07:00 PM:

但呢個真話都講左好耐...
有冇逆咁耐耳...
就係香港球迷講左咁耐都無改變過....
e+仲由全個港隊其中一個最老資格ge港腳去講出口....
球迷梗逆耳ga



歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0